NEHEMIA 6:2 - Pathien Lekhabu Inthieng (BSI)

² Sanballat le Gesem chun, “Hung la, Ono phaia khuo pakhatah intuok khâwm ei tiu,” tiin thu an mi hung inphur a. Nisienlakhawm, ka chunga thil ṭha naw thaw tum an lo ni zing a.

NEHEMIA 6:2 Iomraidhean Croise

2 SAMUEL 20:9

Chun, Joab chun Amasa kuoma chun, “Unaupa, i ṭha pei de maw?” a ta. Chun, Joab chun Amasa chu fâwp tumin a khâkhmul chu a kut changtiengin a chel a.

2 SAMUEL 3:27

Chun, Abner chun Hebron a hung tlung chun Joab chun kul kawtkhârah biekrûk dingin a ṭhuoi hran a, a unau Asahel thisen suok thungna dingin a phîngah a sun hlum ta a.

1 CHANCHIN SUINA 8:12

Elpaal naupasalhai chu: Eber, Misam le Semed, Ono le Lod le a vêla khuohai siemtu chu.

NEHEMIA 11:35

Lod-a dâm, themthiemhai ruom Ono-a dâm an um a.

NEHEMIA 3:22

Chun, a dawta chun chulai vêla thiempuhai chun an siem ṭha a.

NEHEMIA 6:3

Kei chun an kuomah, “Sin ropuitak ka thaw a, ka hung thla thei nawh, ieng dingin am in kuoma ka hung thlâk kârin sin chu châwl el a ta?” tiin mi ka tir a.

INPÂKNA HLABU 12:2

Mi tin chun an vênghai kuomah thu teplo mei mei an hril hlak si a; Mi inpâk tehlêmna hmûr le, hlêmna lungril putin thu an hril hlak a;

INPÂKNA HLABU 37:12

Mi rilo chun mi fel a phierrûk a, A ha a râwt khum hlak.

INPÂKNA HLABU 37:32

Mi rilo chun mi fel chu a enthlit a, Sukhlum a tum hlak.

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmu a. Hi khawm hi teplo el, lungril rimsikna el a nih.

JEREMIA 41:2

Chun, Nethania naupa Ismael le a kuoma mi sâwm umhai chu an tho a, Saphan naupa, Ahikam naupa Gedalia, Babulon lalin chu rama rorêltu dinga a sie chu kâwlhnâm leh an thaw a, ama chu an that ta a.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si lovin; an bau chun nasatakin hmangaina an inlangtir a, amiruokchu, an lungrilhai chun an hlâwkna chu a hnawt si a.