NEHEMIA 6:13 - Pathien Lekhabu Inthieng (BSI)

¹³ Ka ṭi a, chuong anga ka thaw a, thil ka suksuol a, a mi sukhmingsietna ding an nei theina dingin a nih an ruoi chu.

NEHEMIA 6:13 Iomraidhean Croise

NEHEMIA 6:12

Chun, ka hang hriet dawk a, Pathien tir a lo ni dêr da el a; keima mi dodâlin chuong thu chu a hril a lo ni lem a, Tobia le Sanballatin an ruoi a lo ni zing a.

NEHEMIA 6:6

chutaka chun, “Nang le Judahai hin hel in lungril a, chuleiin, kul chu i siem a nih ti thu hnam danghai lai chun ân thang a, Gesem khawm hin a hril bawk a; chun, an hril pei dâna chun nang hi an lal ding i ni âwm a.

THUVARHAI 22:1

Hausakna nasatakhai nêkin hming ṭha hi thlang lem ding a na, Ditsakna ngainatum chu tangka le rângkachak nêka thlang lem ding a nih.

THUVARHAI 29:5

Mi a tuolbâwm inpâkdertu chun, A kalchawihai ta dingin lên a pha a nih.

THUHRILTU 7:1

Hming ṭhat chu hriek hlutak nêkin a ṭha lem a; Mi a thi ni chu a pieng ni nêkin a ṭha lem bawk.

ISAI 51:7

Felna hretu, ka dân thu lungrila vawn mihai, ka thu hi lo ngai ro, mihriemhai hrilsietna ṭi naw unla, an halna cheu leiin lunginzîng bawk naw ro.

ISAI 57:11

Tu am i ṭi a, în lau a, khêl i hril hlak a, kei i mi hriet ta naw a, i lungrila i ngaituo ta naw hi? Sâwttak ka to zing an nâwm a nih? Ṭi khawm i mi ṭi naw hi.

JEREMIA 1:17

Chuleiin, nang chun i dier kei la, tho la, thu ka pêkhai po po che kha an kuomah hril rawh; annia chun beidawng naw la, chuong naw chun, an hmaa chun sukbeidawng rawi ka ti che.

JEREMIA 18:18

Chun, anni chun, “Hung ro khai, Jeremia chunga hin thuphierrûk phier ei tih; thiempua inthawkin dânin bo ni nei naw ni a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 20:10

Sîr tina ṭium le, mi tamtakhai hrilsietna chu ka hriet a. Ka ruol, hmêlhriettakhai, ka tlûk nghâktuhai chun, “Hril se ro, ama chu hrilsieng ei ta, ama chu ailâkin um a ta, ama chu hnêng ei ta, ama chunga chun ei phuba chu lâng ei tih,” an ti a.

EZEKIEL 2:6

Chun, nang mihriem naupa, anni chu ṭi naw la, hlo hlingnei le buorhai i kâwla chun umin, ainuvêt laia chun chêng la khawm, an thuhai chu ṭi chuong bawk naw la; sûngkaw hel hmang ni hai sien khawm an thuhaia chun ṭi naw la, an hmêl enin beidawng bawk naw rawh.

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

MATTHAI 22:15

Chu lai chun, Pharisaihai chun a thu hrila an man theina zie ding an vân râwn a,

MATTHAI 26:59

Chun, ama an sukhlum theina dingin thiempu lalhai le rorêltuhai po po chun Isu hêkna an zawng a;

THILTHAWHAI 6:13

Chun, hretu tehlêmhai an siem a, chuhai chun, “Hi mipa hin In Inthieng le Dân hi a hrilsiet rawp hlak a;

2 KORINTH 11:12

Nisienlakhawm, remchângna hmu nuomtuhaia inthawka remchângna chu ka sâttan theina dingin, ka thaw hlak hi thaw pei ka tih, an suongnaa chun keini um ang hin an hung um theina dingin.

1 TIMOTHE 5:14

Chuongchun, hmeithai la nunghâk deuhai chu pasal nei hai sienla, nauhai nei sienla, insûng khawsak rel hai sienla, sawisêlna ding remchâng hrim hmêlma chu inhmutir naw hai sienla ka nuom a nih.

2 TIMOTHE 1:7

Pathienin ṭitna thlarau a mi pêk naw a, thilthawtheina le hmangaina le lungril feltak neina thlarau a mi pêk lem a ni si a.

TITA 2:8

i thu hril indikzie dâm sawisêl ruol lo chu ân lang a, khing tienga ṭhanghai laia miin ei chunga thil ṭha naw hrim hril ding an hriet naw leia an inzakna dingin.

JAKOB 4:17

Chuongchun, tûkhawm thil ṭha thaw ding hre sia, thaw naw chu, a ta dingin suol a nih.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.