NEHEMIA 5:2 - Pathien Lekhabu Inthieng (BSI)

² “Eini rawi hi ei naupasalhai le ei naunuhmeihai leh tam tâwk tak ei na; bu hi inchûin inchû el ei tiu, ei fâka ei hring theina dingin,” ti dâm an um a.

NEHEMIA 5:2 Iomraidhean Croise

INṬANNA 41:57

Chun, hnuoi chung po poa ṭâm chu a tlâk nasat hle leiin ram tina mihai chu bu inchaw dingin Aiguptaa Josef kuoma chun an hung a.

INṬANNA 42:2

Ama bawk chun, “Ngai ta u, Aigupta ramah bu a um ti ka lo hriet tah: thi lova ei hring suok theina dingin chutaka chun zu fe unla, chutaka inthawk chun zûn chaw ro khai,” a ti a.

INṬANNA 43:8

Juda chun a pa Israel kuomah, “Bawipu chu ka kuomah infetir rawh, chuongchun, tho kan ta, fe el kan tih, keini le nangni le ei nau le tehai hi thi loa ei um theina dingin.

INṬANNA 47:19

i hmaa hin keini le kan ram hi kan bohmang el ding am a nih? Keini hi kan ram pumin fâk dingin mîn chaw rawh; chuongchun, keini le kan ram hi Pharao siehlawhai ni el kan tih: chun, thi loa dama kan um theina ding le, ram hi mâk a ni nawna dingin bu chi mi pe bawk la,” an ti a.

2 LALHAI 4:1

Chun, zâwlnei naupasalhai nuhmeihai laia nuhmei tu amani chu a khêk a, Elisa kuomah, “I siehlaw ka pasal chu a thi ta a, i siehlaw chun Lalpa a ṭi hlak ti i hriet a, chuongchun, a leibatnapa a hung a, ka nauhai pahni suoka um dingin ama kuomah ṭhuoi a tum a nih,” a ta.

NEHEMIA 5:3

Chun, ṭhenkat, “Ei lohai, ei inhai, ei grêp huonhai hrên dingin ei sie si a, ṭâm lei hin bu hi ân chûin inchû el ei tiu,” ti dâm khawm an um bawk a.

HAGGAI 1:6

In tu ṭeu a, tlâwmte chau in lâk lût a, in fâka chu khawp lêm in nei naw a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlawtu khawm chu ip mawng inâwnga thlâk el dingin a hlaw a nih,” tiin.

MALAKI 2:2

In ngai a, ka hming sukropui dinga, in lungrila in sie tlat naw chun, Sipaihai Lalpa chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.

DÂN PAHNINA 23:19

“A pung hnawtin in unauhai in inpûktir ding a ni nawh; tangka tienga pung amanih, fâk ding tienga pung amanih, iengkhawm a pung hnawta inpûktir taphawt chu.