NEHEMIA 5:19 - Pathien Lekhabu Inthieng (BSI)

¹⁹ Aw ka Pathien, hieng mihai ta dinga ka thilthawhai po po hi ka ṭhatna dingin hre zing raw aw.

NEHEMIA 5:19 Iomraidhean Croise

INṬANNA 40:14

Amiruokchu, i chan ṭhat nâwk pha chun mi hung hre zing la, lunginsiettakin lunginsietna ka chungah hung inlangtir la, Pharao kuomah ka chanchin hung hril la, hi ina inthawk hin mi ṭhuoi suok rawh.

2 LALHAI 20:3

“Aw Lalpa, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha hre zing dingin ka hung ngên che a nih,” tiin. Chun, Hezekia chu a ṭap ta ngawi ngawi a.

NEHEMIA 13:14

Aw ka Pathien, hi thua hin mi hre zing la, ka Pathien in le a rawngbâwlna dinga ka thil thaw ṭhathai chu thaihmang lul naw rawh.

NEHEMIA 13:22

Chun, Levi mihai chu inthien faia, châwlni sukthiengna dinga kul kawtkhâr hung vêng dingin thu ka pêk a. Aw ka Pathien, hi thua khawm hin mi hre zing la, i lunginsietna nasatzie ang peiin mi hla rawh.

NEHEMIA 13:31

a hun ruot senga thing inhlân ding le thlai thar hmasa tak ta ding dâmin. Aw ka Pathien, a ṭha tiengin mi hre zing rawh khai.

INPÂKNA HLABU 106:4

Aw Lalpa, i mihai i ditsakna chun mi hre zing la, Aw i Sandamna leh mi hung kan rawh.

INPÂKNA HLABU 40:17

Kei chu rimsi le pasetak ka nih, Nisienlakhawm, Lalpain a mi ngaituo hlak. Nang chu a mi ṭhangpuitu le a mi sandamtu i na; Aw ka Pathien, sâwt riel lul naw raw khai.

JEREMIA 29:11

In ta dinga ka remruotnahai chu ka hriet si a, Lalpain a tih, in sietna ding ni lovin in ṭhatna ding le hmatienga beiseina pe ding cheua ka remruotnahai chu.

MATTHAI 10:42

Chun, tukhawm hieng mi chîntak laia pakhat kuoma hin, tirko a ni leia tuisik no khat chau khawm pe taphawt chun, titakzetin ka hril cheu hi, a lâwmman chu chân naw tawp a tih,” a ta.

MARKA 9:41

Tûkhawm Krista mi in ni leia tuisik no khat dâwn ding pe taphawthai cheu chu, titakzetin ka hril cheu, an lâwmman ding chu inhmang ta naw tawp a tih.