NEHEMIA 5:11 - Pathien Lekhabu Inthieng (BSI)

¹¹ Vawisûn ngei hin an lohai, an grêp huonhai, an oliv huonhai, an inhai le, an sum le an bu le an uoin le hriek hmun zaa hmun khat in lâk hlak khawm chu, pe nâwk vawng ro khai,” ka ti bawk a.

NEHEMIA 5:11 Iomraidhean Croise

2 SAMUEL 12:6

chun, hieng ang thil a thaw lei le lunginsietna a nei naw leiin a berâmte chu a lêt liin a thung ding nîng a tih,” a ta.

NEHEMIA 5:10

Kei le ka unauhai le ka mihai khawmin kan sum le bu kan inpûktir ve bawk in sawnnaw. A pung hnawta inpûktir hi bân dai ei tiu khai.

NEHEMIA 5:12

Chuongchun, anni chun, “Pe nâwk vawng kan tih, annia inthawkin iengkhawm phût naw ning ungah; i ti ang tak chun thâwng kan tih,” an ti a. Chuongchun, thiempuhai ka ko a, an hmaah chu thutiem ang taka thaw ngei ding chun kân khâmtir a.

ISAI 58:6

“Hi hi ni lo am a ni bungheina ka idit zâwng chu? Rîtlonaa khuop sûtpêk le, rîngkawl hruihai sûtpêk le, nêksâwra umhai insuoktir le, rîngkawl tinrêng suktliekpêk hi.

LUKA 3:8

Chuongchun, sim hming put tlâkin ra ro, ‘Abraham kan thlatu a nih annâwm,’ in lungrilin ti el naw ro; Pathienin hieng lunghai hi Abraham thlaahai ân ngîrtir thei ti ka hril cheu hi.

DÂN PAHNINA 6:11

in suksip ni dêr lo, thil ṭha tinrênga sip in dâm, in cho ni dêr lo, tuikhur chosa dâm, in chîng ni dêr lo, grêp huon le Oliv thinghai dâm umnaah a ṭhuoi lût cheu a, in fâk a in tlai hle pha chun,

1 SAMUEL 12:3

Hitaka hin ka um a, Lalpa hmaa le a hrieknâl hmaa hin mi sêl ro le? Tu bâwngchal am ka lâkpêk hlak a? Tu sabengtung am ka lâkpêk hlak a? Tu am ka hlêm ta hlak a? Tu am ka suknawmna hlak a? Ka mit sukdel dingin tu kuoma inthawkin am thamna ka lâk hlak a? Thung nâwk vawng ka ti cheu,” a ta.