NEHEMIA 5:10 - Pathien Lekhabu Inthieng (BSI)

¹⁰ Kei le ka unauhai le ka mihai khawmin kan sum le bu kan inpûktir ve bawk in sawnnaw. A pung hnawta inpûktir hi bân dai ei tiu khai.

NEHEMIA 5:10 Iomraidhean Croise

NEHEMIA 10:32

Chun, kan Pathien in tienga rawngbâwlna dinga shekel hmun thuma ṭhea hmun khat kum tina pêk dingin dân kan ta dingin kan siem bawk a;

NEHEMIA 5:11

Vawisûn ngei hin an lohai, an grêp huonhai, an oliv huonhai, an inhai le, an sum le an bu le an uoin le hriek hmun zaa hmun khat in lâk hlak khawm chu, pe nâwk vawng ro khai,” ka ti bawk a.

NEHEMIA 5:7

Chuongchun, ka lungrilin ka ngaituo a, mi ṭhahai le rorêltuhai chu ka khak a, an kuomah, “Mi tinin in unauhai a pung hnawtin sum in inpûktir zing el a,” ka ti a. Chun, an chungchâng chu ngaituo dingin mi ka ko khâwm ṭeu el a.

NEHEMIA 5:9

“In thil thaw hi a ṭha naw tawp el a nih: ei hmêlma, hnam danghai mi hrilsietna lei hin ei Pathien chu ṭia in um a ṭûl a ni naw am a nih?

INPÂKNA HLABU 15:5

A pung um dinga tangka inpûktir ngailo, A thiem lem thiemnaw inchangtir dinga thamna khawm la ngailo mi chu: Chuong thilthawtu chu iengtik khawm inhnîng naw ni.

ISAI 58:6

“Hi hi ni lo am a ni bungheina ka idit zâwng chu? Rîtlonaa khuop sûtpêk le, rîngkawl hruihai sûtpêk le, nêksâwra umhai insuoktir le, rîngkawl tinrêng suktliekpêk hi.

EZEKIEL 18:13

a pung um dinga lo pe suok ta a, a pung khawm lo la ta hlak chu, ama chu a hring ding am a nih? Ama chu hring naw ni a, hieng tirdakumnahai po po thawtu hi chu thi ngei ngei a ta, a thisen chu ama chunga chun a um ding a nih.

EZEKIEL 18:7

tukhawm ân suksuoltir naw a, battu kuoma chun a hnina chu ân hmutir a, thawluinain tukhawm a suksiet naw a, mi phîngṭâmhai chu bei a lo pêk ta a, saruokhai chu silfên a lo inkhum ta a;

EZEKIEL 18:8

a pung hnawt dinga pe suok ngai lo a, a pung khawm la ngai lo a, suolnaa inthawka a kut keitîm a, mi le mi inkâra rorêlna indiktak lo hmang hlak a,

MIKA 2:1

An khum laizâwla khawhlona suongtuotuhai le thil ṭha naw ngaituo suoktuhai chu an chung a rik de! Zîngkâra khuo a hung var hin chu chu an thaw hlak a, anni kut thilthawtheina a ni si leiin.

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

2 KORINTH 6:1

Chun, Pathien lunginsietna chu ṭhathnempui lova in hmu nawna dingin, ama thawpuiin ka ngên cheu a nih.

DÂN PAHNINA 15:2

Ngaidam dân chu hieng ang hi nîng a tih; leiba neitu taphawtin an tuolbâwmhai an lo inpûktir ta chu a ngaidam ding a nih; a tuolbâwm khawm, a unau khawm a ṭhîn lui ding a ni nawh, Lalpa ngaidamna chu puong a ni ta leiin.