NEHEMIA 4:4 - Pathien Lekhabu Inthieng (BSI)

⁴ Aw kan Pathien, en ta, hmusitin kan um hi, an mi hrilsietna chu anni lu chunga ngei inlêttir la, anni khawm khâwlai rama manih muolphotakin intângtir zing rawh;

NEHEMIA 4:4 Iomraidhean Croise

NEHEMIA 5:9

“In thil thaw hi a ṭha naw tawp el a nih: ei hmêlma, hnam danghai mi hrilsietna lei hin ei Pathien chu ṭia in um a ṭûl a ni naw am a nih?

INPÂKNA HLABU 79:12

Aw Lalpa, nangma an hrilsietna che kha, Kan vêla mihai kuomah an ângsûngah a lêt sariin thung nâwk rawh;

THUVARHAI 3:34

Hmusittuhai chu a hmusit ngei ngei a, Inngaitlâwmhai ruok chu zângaina a pêk hlak.

ṬAP HLA 1:22

An khawhlonahai po po chu i hmaa chun hung tlung sienla, Ka bawsietnahai po po leia ka chunga i thaw ang khan an chunga khawm thaw ve rawh. Ka thuokdawngnahai chu tamtak an na, ka lungril khawm a chau a nih.

HOSEA 12:14

Ephraim hlak chun a suklungsen nasa êm êm el a, Chuleiin, a thisen insuo chu ama chungah a tla a, A hrilsietna chu ama chungah Lalpain intlâktir a tih.

1 SAMUEL 17:26

Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.