NEHEMIA 4:14 - Pathien Lekhabu Inthieng (BSI)

¹⁴ Chun, ka hang en vêl a, ka tho a, mi ṭhahai le rorêltuhai le mi danghai kuoma chun, “Anni chu ṭi dêr naw unla, Lalpa ropuitak le, ṭiumtak el chu hre zingin in unauhai, in naupasalhai, in naunuhmeihai, in nuhmeihai, in inhai hum dingin thaw ro khai,” ka ti a.

NEHEMIA 4:14 Iomraidhean Croise

2 SAMUEL 10:12

Huoitakin um unla, ei mihai le ei Pathien khuohai sanin insuk pasal ei tiu; chun, Lalpa chun ṭha a ti ang peiin thaw raw se,” a ta.

2 CHANCHIN SUINA 32:7

“Hrât unla, insukhuoi ro, Assuria lal lei chun ṭi naw unla, beidawng bawk naw ro; ama kuoma um mipui nasatakhai lei khawm chun, ama kuoma um nêk chun eini kuoma um chu a hrât lem si a;

NEHEMIA 1:5

“Aw Lalpa, vân Pathien, Pathien ropui le ṭium, nangma hmangaia i thupêk pawmtuhai chunga thuthlung hlena lunginsietna suklangtu,

JOB LEKHABU (THE BOOK OF JOB) 37:22

Hmârtienga inthawkin rângkachak ropuina chu a hung a; Pathien chu ropuina ṭiumtakin ân thuom a.

INPÂKNA HLABU 143:5

Tienlai nihai chu ka hriet zing hlak a, I thilthaw po pohai chu ka ngaituo hlak a; I kut sinthawhai chu ka sût hlak.

INPÂKNA HLABU 20:7

Ṭhenkhatin tawlailîrhai an ring a, ṭhenkhatin sakawrhai an ring a, Keini ruok chun Lalpa kan Pathien hming chu lam lem kan tih.

INPÂKNA HLABU 27:1

Lalpa chu ka var le ka sandamna a nih, tu am ṭîng ka ta? Lalpa chu ka hringna kulbîng a nih; tu am ṭîng ka ta ?

INPÂKNA HLABU 46:11

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 65:5

Aw a mi sandamtu Pathien, Thil râpthlâktakhaiin keini mi hung dawn i tih, Nang kâwlkawdawnga mi po po le, Tuisuoriet chung hlataka umhai iring chu i nih.

INPÂKNA HLABU 66:3

Pathien kuomah, “I thilthawhai chu a va ropui de! I thilthawtheina nasatzie leiin nangma dotuhai chu i kuomah intuklût an tih.

INPÂKNA HLABU 66:5

Hung ta u, Pathien thilthawhai hi en ta u, Mihriem nauhai chunga a thilthawa hin ṭi a um a nih.

FESUOKNA 14:14

Lalpa chun in ta dingin do a ta, nangni ruok chu in um ṭawk ṭawk ding a nih,” a ta.

FESUOKNA 14:25

An sakawr tawlailîr kekuolhai chu a sukthlawngpêk a, intaktakin an khal ta a; chuongchun, Aigupta mihai chun, “Israelhai hmaa inthawkin tlân el ei tiu, Lalpa chun an ta dingin Aigupta mihai chu a dopêk a ni hi,” an ti a.

THUHRILTU 12:1

I vânglai nihaia chun nangma Siemtu che chu hre zing la, kumhai a hung hnai a, ni ṭha nawhai a hung tlung hma le;

DANIEL 11:32

Chuonga Thuthlung chunga khawhlotaka thawin, simbudawiin suk hmingsieng a tih; nisienlakhawm, chuong mihai an Pathien hretuhai chu hung hrât an ta, thil nasatak hung thâwng an tih.

ZEKARIA 14:3

Chun, Lalpa chu fe suok a ta, indona nia a do angin, chuong hnamhai chunga chun do a tih.

NAMBAR 14:9

Lalpa chungah hel naw phawt el unla, chu rama mihai khawm chu ṭi hlek naw ro, ei bu ding an ni el annâwm, an inhumhimna chu teplo mei mei a nih; Lalpa chu ei kuomah a um annâwm; anni chu ṭi naw ro,” tiin an hril a.

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

DÂN PAHNINA 1:21

Ngai ta u, Lalpa in Pathien chun ram chu a pêk diem ta cheu a nih; hang fe unla, Lalpa in pi le pu Pathienin a lo hril ta ang khan hang hluo el ta ro; ṭi naw unla, thaidâwp bawk naw ro,’ ka ti a.

DÂN PAHNINA 10:17

Lalpa in Pathien chu pathien-hai Pathien, hotuhai Hotu, Pathien ropuitak, hrâttak, ṭiumtak el, tukhawm ditsak bîk nei lo, thamna khawm la ngai lo a ni si a.

HEBRAIHAI 13:6

Chuongchun, huoitakin; “Lalpa chu a mi ṭhangpuitu a nih, Ṭi naw ning; Mihriemin ieng am mi law thei an ta?” ei ti hlak a nih.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.

RORELTUHAI 3:27

Chu hmun chu a va tlung chun, Ephraim tlâng rama chun tawtawrâwt a mût a; chun, Israel thlahai chu tlâng rama inthawk chun a kuomah an zuk fe a, ama chun an hma chu a ṭhuoi ta a.