NEHEMIA 2:6 - Pathien Lekhabu Inthieng (BSI)

⁶ Lal chun ka kuomah, (lalnu khawm chu a kâwla chun a ṭhung ve a), “Ieng chen am va thang i ta, ieng tik am hung nâwk i ta?” a ti a. Chuongchun, lal chun lâwmtakin a mîn fetir ta a, kei khawm chun hunbi ka tiem bawk a.

NEHEMIA 2:6 Iomraidhean Croise

NEHEMIA 1:11

Aw Lalpa, lunginsiettakin i sie- hlaw ṭawngṭaina le i hming ṭi lâwm zâwnga nei, i siehlawhai ṭawngṭainaa hin i na lo sit ta; chun, vawisûn hin i siehlaw hi mîn hlawtlingtir la, hi mi mithmua hin lunginsiettakin zângaina indawngtir rawh,” ka ti a. Kei chu lal no inhlântu ka ni si a.

NEHEMIA 13:6

Nisienlakhawm, chuong thil po pohai um lai chun Jerusalem khuoah ka um naw a; Babulon lal Artazerzia kum sâwmthum pahni ân lal kumin lal kuoma chun ka fe a nih, ni ieng zât amani hnunga chun phalna ka hni nâwk a;

NEHEMIA 2:4

Chuongchun, lal chun ka kuomah, “Ieng am a na i hni chu?” a ti a. Chuongchun, vân Pathien kuoma chun ka ṭawngṭai ta a.

NEHEMIA 2:5

Chun, lal kuoma chun, “Lal remti zâwng a ni a, i siehlaw hin i mit ka lo tlung hlak a ni chun, Juda ramah a mi thlatuhai thlân umnaa chun mîn fetir la; khuo chu va siemthar nâwk ka tih,” ka ti a.

NEHEMIA 5:14

Chu naw khawm chu Juda rama anni awptu dinga ruot ka ni china inthawk, lal Artazerzia kum sâwmhni ân lal kuma inthawka kum sâwmthum pahni ân lal kum chen, kum sâwm pahni sûng chun kei le ka unauhai hin ram awptu puol bei hrim hrim khawm kan fâk ngai naw a.

ISAI 58:12

Chuongchun, nangmaa in- thawka la hung insieng dinghai chun hmun hlui se ta hnunghai chu rem nâwk an ta, suon tamtak lungphûm chu hung rem nâwk i tih, chuongchun, nang chu, ‘A sietna lai siem ṭhatu,’ ‘Mi umna dinga lampuihai siem ṭhatu,’ tîng an ti che.

ISAI 61:4

Chun, hmun hlui se tahai chu rem nâwk an ta, kha hmaa khuo râusana lo um tahai chu inngîr ṭha nâwk an ta, khawpui se tah, suon tamtak râusana um ta chu siem ṭha nâwk an tih.

ISAI 65:24

Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

DANIEL 9:25

Chuleiin, hre la, hrethiem rawh, Jerusalem khuo bâwl ding le siem thar dinga thupêk hung suoka inthawk Messie, Lal Naupa chen chu hapta sari le, hapta sâwmruk pahni nîng a ta, a kawtthlêr le a banghai chu siem nîng a tih, hun buoithlâktaka khawm chun.