NEHEMIA 2:20 - Pathien Lekhabu Inthieng (BSI)

²⁰ Chun, anni chu ka dawn a, an kuomah, “Vân Pathien chun mi suktluongtlung a ta; chuongchun, keini a siehlawhai chu tho kan ta, inngîr kan tih; nangni ruok chun Jerusalema hin chanvo amanih, thuneina amanih, hnûhma amani khawm in nei naw hrim hrim a nih,” ka ti a.

NEHEMIA 2:20 Iomraidhean Croise

2 CHANCHIN SUINA 26:5

Pathiena thil hmulâwk hrietthiemna nei Zekaria dam sûng po chun Pathien chu zawng dingin ân siem a; Lalpa chu a zawng sûng po chu, Pathien chun ân hlawtlingtir bawk a.

EZRA 4:3

Nisienlakhawm, Zerubbabel le Jesua le Israel pahnam upa danghai chun an kuomah, “Kan Pathien ta dinga in bâwl dingin keini le hin iengkhawm thaw ding in nei nawh; Persia lal Kurain keini thu a mi pêk angin, Israelhai Pathien, Lalpa ta dinga in chu keini khât ngeiin bâwl lem kan tih,” an ti a.

NEHEMIA 1:4

Chuong thu chu ka hriet chun ka ṭhung chawt a, ka ṭap a; ni ieng zât amani chu lungngaiin ka um a; chun, bu ka nghei a, vân Pathien hmaa chun ka ṭawngṭai a;

NEHEMIA 2:4

Chuongchun, lal chun ka kuomah, “Ieng am a na i hni chu?” a ti a. Chuongchun, vân Pathien kuoma chun ka ṭawngṭai ta a.

ESTHER 4:11

“Tukhawm, nuhmei ni sien, pasal ni sien khawm, ko ni si lova, lal tuollai sûnghnung lema hung lût ta ding chun, ama chu hring a tih, tia lalin a rângkachak hmawl chu a lo lâk kâng si naw chun dân pakhat chau, ama chu that ngei nîng a tih, ti dân hi a um a nih ti lal siehlawhai po po le, lal rambunga mihai po po chun an hriet chieng hle a; nisienlakhawm, kei chu hieng ni sâwmthum sûng hin lal kuoma lût dinga koin ka um dêr naw a,” tiin.

INPÂKNA HLABU 102:17

Pasiehai ṭawngṭâina chu a ngaisak a, An ṭawngṭâina chu a hmusit nawh.

INPÂKNA HLABU 122:6

Jerusalem thlamuongna ding hnipêk ro, Nangma ngainatuhai chu thawveng an tih.

INPÂKNA HLABU 20:5

I sandamnaa chun hlimin hla sak ka ta, Ei Pathien hmingin ei puonzârhai hi la zâr ei tih: Lalpa chun i hnina po po inhlawtlingtir raw se che.

INPÂKNA HLABU 35:27

Ka felna chunga lâwmhai chu hlima khêkin lâwmtakin um sienla, Anih, “A siehlaw vângneina chunga lâwm hlak Lalpa chu, Chawimawiin um raw se,” ti rawp raw hai se.

INPÂKNA HLABU 51:18

I dit zâwng takin Zion chungah thil ṭha thaw la. Jerusalem kul chu rem rawh.

FESUOKNA 28:29

Chun, Aron chun Lalpa hmaa hrietzingna dingin Hmun Inthienga a fe po leh, a lungkhur chunga rorêlna âwmbela chun Israel mihai hming chu phur zing a tih.

THUHRILTU 7:18

Hi hi i chel tlat hi a ṭha a nih, chutaka inthawk chun i kut khawm la kîr naw rawh; Pathien ṭîtuhai chun an la hung suoksan vawng ding a ni si a.

ISAI 56:5

an kuomah ka in sûnga le ka kul sûnghaia chun naupasalhai le naunuhmeihai neituhai nêk chun hriet zingna ṭha lem le hming ṭha lem pêng ka tih; an kuomah kumkhaw hming, sukbohmang nâwk ta naw ding pêng ka tih.

LEVI DÂN 2:2

chun, Aron naupasal thiempuhai kuomah fepui a ta; chutaka beiphit indîtak vei khat, hriek le beraw po po le chun la suok a ta; chun, thiempu chun hrietzingna dingin maichâma chun râwng a ta; chu chu Lalpa ta dinga lâwmtlâk riminhnik, mei hmanga thilinhlân a nih.

LEVI DÂN 24:7

A tlar hnia chun beraw hlîr hlak i sie ve ve ding a nih, chu chu bei le chun hrietzingna, Lalpa kuoma mei hmanga thilinhlân ang a hung ni theina dingin.

ZEKARIA 6:14

Chun, lallukhum chu Heldai hai, Tobija hai, Jedaia hai le Zephania naupa Josia hai ta dinga, Lalpa biekina hriet zingna dingin nîng a tih.

NAMBAR 10:10

In hlimna nia dâm, in Fekân ruoiṭhe hunbi neia dâm, in thla thara dâm le, in pumrawhmang thilinhlâna le in inremna thilinhlân inthâwinahaia chun tawtawrâwt chu in mût ding a nih; chuongchun, in Pathien hmaa in ta dinga hrietzingna a ni ding a nih; kei hi Lalpa in Pathien ka ni hi,” tiin.

THILTHAWHAI 10:31

‘Korneli, i ṭawngṭaina kha hrietin a um tah, mi kuoma i thilpêkhai khawm kha Pathienin a hriet zing ie.

THILTHAWHAI 10:4

Chun, Korneli chun ama chu a lo en zing a, a ṭi a, “Lalpa, ieng am a na?” a ta. Chun, ama chun a kuomah, “I ṭawngṭainahai le i thil pêk thuhai kha hriet zing dingin Pathien hmaah a hang tlung tah.

THILTHAWHAI 8:21

Hieng thua hin i ṭhang ve nawh, chan khawm i nei bawk nawh; i lungril Pathien ngaiin a fel nawh.