NEHEMIA 2:18 - Pathien Lekhabu Inthieng (BSI)

¹⁸ Chun, ka Pathienin a mi ditsak thuhai dâm chu ka hril a, ka kuoma lal thuhrilhai le chun. Anni chun, “Tho ei ta, inngîr takluong ei tiu khai,” an ti a. Chuongchun, chu sin ṭha thaw ding chun an kut an sukhrât a.

NEHEMIA 2:18 Iomraidhean Croise

2 SAMUEL 2:7

Chuongchun, in kuthai chu hung hrât sienla, huoitakin um ro, in lalpa Saula chu a thi ta si a; chun, Juda chihai chun an chunga lal dingin hriek an mi nâl ta bawk a,” a ta.

1 CHANCHIN SUINA 11:10

Chun, hienghai hi sipai huoisen bîkhai Davidin a nei, Israel chungthua Lalpa thu ang peia ama lala siem dinga Israel mihai po po inkawpa, a ram sûnga ama le hrâta insuklanghai chu an nih.

1 CHANCHIN SUINA 19:13

Insukhuoi unla, ei hnam le ei Pathien khawpuihai sanin insukpasal ei tiu: chun, Pathien chun ṭha a ti ang peiin thaw raw se,”a ta.

2 CHANCHIN SUINA 32:5

Chun, ân sukhuoi a, kul se tahai po po chu a siem ṭha a; chutaka chun kuldâi danghai le râl vêngbûkhai chu a bâwl bawk a; chun, David khawpuia Millo chu a sukdet a, hriemhai le phawhai chu tamtakin a siem a.

EZRA 6:22

chawl ṭhanglo bei ruoiṭhe khawm chu hlimtakin ni sari sûng an hmang a: Lalpa chun anni chu a sukhlimin, Israel Pathien, Pathien in sin thawa chun an kuthai sukhrât dingin Assuria lal lungril chu anni chungah ân hertir ta nghâl si a.

NEHEMIA 2:8

chun, lal ramhâk vêngtu Asaph inhmutir dingin invêngna kulbîng kawtkhâr kal ding le, khawpui kul ding dâmin, ka va hluo ding ina hmang ding dâmin thing a mi pêk theina dingin lekha mi pe bawk rawh,” ka ti a. Chun, ka Pathien mi ditsakna ang peiin lal chun a mi pêk ta a.

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

PHILIPPI 2:13

ama lâwmna dinga thaw tum ding le thaw dinga nangnia sin thawtu chu Pathien a ni si a.

1 SAMUEL 23:16

Chun, Saula naupa Jonathan chu a tho a, Horeshah David kuoma chun a fe a. Pathienah a kut chu a sukhrâtpêk a.