NEHEMIA 13:2 - Pathien Lekhabu Inthieng (BSI)

² Israel thlahai bei le tuia tuok lo a, anni ṭawngsie inphur dinga Balaam an ruoi lei khan; nisienlakhawm, ei Pathien chun ṭawngsie chu malsâwmnaah ân changtir ta lem a.

NEHEMIA 13:2 Iomraidhean Croise

INPÂKNA HLABU 109:28

Anni chun ṭawngsie inphur raw hai se, nang ruok chun malsâwm lem rawh, An tho phingleh muolpho an ta, i siehlaw ruok chu hlim a tih.

MIKA 6:5

Aw ka mihai, Lalpa thilthaw fel chu in hriet theina dingin, Moab lal Balak thu rawt le Beor naupa Balaamin a dawn dân, Sittima inthawka Gilgal chenin thil umziehai kha, tuhin hre zing ro.”

NAMBAR 23:18

Chuongchun, Balaam chun thu chu a hril ta a, “Tho la, Balak, ngai ta; Zippor naupa, ka thu ngai rawh:

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

DÂN PAHNINA 23:3

“Ammon mihai le Moab mihai chu Lalpa mihai pungkhâwmhai lai chun an ṭhang ding a ni nawh. Suon sâwmna chenin anni laia mi chu Lalpa mihai pungkhâwmhai lai an ṭhang ding a ni nawh;

DÂN PAHNINA 23:4

Aigupta rama inthawka in hung suok laia bei le tuia an lo tuok naw cheu leiin le, ṭawngsie inphur ding cheua Mesopotamia rama Pethor khuoa Beor naupa Balaam an ruoi lei khan.

DÂN PAHNINA 23:5

Nisienlakhawm, Lalpa in Pathien chun Balaam thu chu a pawm nuom naw a, Lalpa in Pathien chun a hmangai cheu leiin Lalpa in Pathien chun ṭawngsie chu in ta dingin malsâwmnaah ân changtir lem ta a.

2 PETER 2:15

Bosar naupa Balaam, thil suksuol hlaw ngainatu lampui chu an hraw leiin lampui indik chu an mâksan a, an invâk hmang ta a.