NEHEMIA 13:12 - Pathien Lekhabu Inthieng (BSI)

¹² Chuongchun, Juda mihai po po chun, bu sâwmapakhat dâm, uoin dâm, hriek dâm thawlâwm sie khâwmnaa chun an hung lâk khâwm tâwl a.

NEHEMIA 13:12 Iomraidhean Croise

2 CHANCHIN SUINA 31:4

Chunawa khawm, Lalpa dâna an hrât theina dingin Levi mihai le thiempuhai chu an chan chu pe ve dingin Jerusalema umhai chu thu a pêk bawk a.

2 CHANCHIN SUINA 31:5

Thupêk chu phuongdar a ni phing le chun Israel mipuihai chun bu dâm, uoin dâm, khuoizu dâm le lo hmasuok po poa ra hmasatakhai chu tamtak el an hungpêk tâwl a; thil po poa sâwma pakhat khawm tamtak el an hung pêk tâwl a.

NEHEMIA 12:44

Chun, chu ni chun thawlâwmhai, a thêna thêna thilinhlân dâm, thlai thar hmasa tak dâm, sâwmapakhat dâm, siekhâwmna pindanhaia hotu, dânin a ruot ang thiempu le Levi mihai chanvo khaw tin lohma izir ang pei la khâwmtu dinghai an ruot a; Judahai chu rawngbâwltu thiempu le Levi mihai lei chun an lâwm hle a.

LEVI DÂN 27:30

“Ram sûnga mi, sâwmapakhat po po, thlai amanih, thei rahai khawm, Lalpa chanpuol a nih; Lalpa ta dinga thil inthieng a nih.

MALAKI 3:10

Ka ina chun bu a um theina dingin, siekhâwmna ina chun sâwma pakhat po po chu hung la unla, chutaka chun mi fie ro, sipaihai Lalpa chun a tih. Vân tukverhai hung hawngin, a siena ding um naw khawp rauin, malsâwmna chu ka hung burpêk naw hrim cheu am.

MALAKI 3:8

Mihriemin Pathien chu ân rûkpêk ding am a nih? Nangni chun in mi lân rûkpêk rawp el hi. Nisienlakhawm, nangni chun, ‘Ieng âm kan inrûkpêk che a?’ in ta. Sâwma pakhat pêkhaia le thilinhlânhaia hin a nih.

DÂN PAHNINA 14:22

“Kum tin in loa thlai suok po po sâwmapakhat in sie hran ngei ngei ding a nih.