NEHEMIA 13:1 - Pathien Lekhabu Inthieng (BSI)

¹ Chu ni chun mipui na hrieta chun Mosie lekhabu an tiem a; chutaka chun Ammon mihai le Moab mihai chu Pathien mihai inkhâwmnaa chun ieng lai khawmin an ṭhang ve dêr ding a ni nawh ti hi a chuong a;

NEHEMIA 13:1 Iomraidhean Croise

2 LALHAI 23:2

Chun, lal chu Judai rama mi po po leh, Jerusalem khuoa mi po po leh, thiempuhai le zâwlneihai leh, mipuihai po po le chun, a chîn a lienin Lalpa ina chun an hang fe a; chun Lalpa ina an lekhabu hmua thuthlung bua chuong po po chu an na hrieta chun a tiem a.

NEHEMIA 13:23

Chuong lai chun Juda mi, Asdod nuhmei dâm, Ammon nuhmei dâm, Moab nuhmei dâm nuhmeia neihai chu ka hmu a;

NEHEMIA 2:10

Chun, Horon mi Sanballat le Ammon mi siehlaw, Tobia haiin an lo hriet chun, Israel mipuihai thawvengna ding ngaituo dingin mi an hung a ni chu tie tiin an lo lungninaw hle el a.

NEHEMIA 2:19

Amiruokchu, Horon mi Sanballat le Ammon mi siehlaw Tobia le Arab mi Gesemin an hriet chun, an mi nuisan a, an mi hmusit a, “In thil thaw hi iengtizie am a na? Lal chungah in hel am a nih?” dâm an ti a.

NEHEMIA 4:3

Chun, a kâwla Ammon mi Tobia chun, “Hang inngîrtir hrim raw hai se chu, sihal khawm hang lâwn sien an lung kul chu sukchim el a tih,” a ti a.

NEHEMIA 8:2

Chuongchun, thla sarina, ni khat niin thiempu Ezra chun pungkhâwmhai nutling, patling le a hrethiem thei chin po po hmaa chun Dân chu a hung chawi a.

NEHEMIA 9:3

Chun, mâni hmun sengah an ngîr a, chu ni hmun lia ṭhea hmun khat sûng chun Lalpa an Pathien dân bu an tiem a; chun, hmun lia ṭhea hmun khat dang sung chun thupha an chawi a, Lalpa an Pathien chu an biek a.

ISAI 34:16

Lalpa lekhabuah zawng unla, tiem ro; chuonghai laia chun pakhat khawm a kim naw um naw ni a, pakhat khawm kawppui nei naw um naw ni; ka bau ngeiin thu a pêk a, a thlarau ngeiin chuong chu a ṭhuoi khâwm tâwl ta si a.

JEREMIA 48:1

Moab chungthu chu, Sipaihai Lalpa, Israel Pathien chun hieng hin a tih “Nebo chu a chung a rik! suksiet a ni ta si a; Kiriathaim chu sukzakin a um a, lâkin a um ta a; Misgab chu sukzakin a um a, sukchimin a um ta bawk a.

AMOS 1:13

Lalpain hieng ang hin a tih, “Ammon nauhai bawsietna pathum leiin, anih, pali leiin, a hremna sukbo naw ning; an ram an suklien theina dingin, Gilead khaw nuhmei nau vawnhai an phirthlêr leiin;

NAMBAR 22:5

Ama chun Amaw rama Euphrates vadung panga Pethora Beor naupa Balaam kuomah mi a tir a, “Ngai ta, hnam pakhat Aiguptaa inthawka hung suok an um a, leihnuoi a dâpin an hung dâp a, keia mi dep tâwtah an um a;

LUKA 10:26

Chun, ama chun a kuomah, “Dân lekhabuah ieng am ziek a na? chutaka chun ieng am i tiem hlak a?” a ta.

THILTHAWHAI 13:15

Chun, Dân Lekhabu le Zâwlneihai lekhabu tiem zoin inkhâwmna hotuhaiin an kuomah mi an tir a, “Unauhai, mihai infuina thu ieng amanih in nei chun hril ro,” an ta.

THILTHAWHAI 15:21

Mosien inhmaa inthawk tah khaw tinah a thu khêkpuitu a nei hlak si a; inkhâwmna inahai Châwlni taphawt chun a thu chu tiem a ni hlak kha,” a ta.