NEHEMIA 12:43 - Pathien Lekhabu Inthieng (BSI)

⁴³ Chu ni chun inthâwina nasatak an inhlân a, an hlim hle el a; Pathienin hlim namên lovin a sukhlim a nih; chun, nuhmeihai le naupanghai chen khawmin an hlim hle a; chuongchun, Jerusalem hlimna chu hlataka inthawk khawmin ân hriet a.

NEHEMIA 12:43 Iomraidhean Croise

2 CHANCHIN SUINA 20:13

Chuongchun, Juda mihai po po chu Lalpa hmaa chun an nauhai le an nuhmeihai le an nautêhai rawi leh chun an ngîr a.

2 CHANCHIN SUINA 20:27

Chun, Juda rama mi po po le Jerusalema mihai chu an kîr nâwk ta a; Jehosaphat chu anni rawi hmaa chun hlimtakin Jerusalema fe ding chun a kîr ta a; Lalpa chun an hmêlmahai chunga hlim dingin anni chu a lo siem ta si a.

2 CHANCHIN SUINA 7:10

Chuongchun, thla sarinaa ni sâwmhni pathum ni chun mipuihai chu an puon in tienghai chun, a mi Israelhai chunga le Solomon chunga le David chunga Lalpain ṭhatna a lo inentirna lei chun lungrila lâwmtak le thafântak chun a tir kîr ta a.

EZRA 3:13

chuongchun, mipuihai chun lâwma khêkri le mipuihai ṭap ri chu an ṭhehran thei naw hiel a; mipuihai chu ri nasatakin an khêk tâwl a, ram hlataka inthawk khawma ân hriet hiel el si a.

NEHEMIA 12:27

Jerusalem kul an inhlânnaa chun dârbenthekhai, perkhuonghai, ṭingṭanghai le hla sak le, lâwmthu hril lâwmtaka an inhlânnaa ṭhang dinga Jerusalema hung ṭhuoi dingin Levi mihai chu an hmun po poa inthawk chun an zawng suok a.

NEHEMIA 12:42

chun, Maaseia, Semaia, Eleazar, Uzzi, Jehohanan, Malkija, Elam le Ezer leh. Chun, hlasaktuhai chun an hotu Jezrahia rawiin inringtakin an sak a.

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga t haw amani khawm ni sien, angkhat a nih.

INPÂKNA HLABU 27:6

Tuhin chu a mi dotu, a mîn huolvêltuhai chungtieng ka lu hi dawm kângin um a tih, Chuongchun, a puon ina chun hlimna inthâwinahai inhlân ka tih; Hla sak ka ta, anih, Lalpa inpâkin hla sak ka tih.

INPÂKNA HLABU 28:7

Lalpa chu ka hrâtna le ka phaw a na, Ka lungril hin ama chu a ring a; chuongchun, sanin ka um a, Chuleiin, ka lungril hi nasatakin a hlim a, Ka hla chun ama inpâk ka tih.

INPÂKNA HLABU 9:2

Nangmaa chun lâwmin hlim ka ta; Aw nang Achunghnungtak, i hming inpâkin hla sak ka tih.

INPÂKNA HLABU 92:4

Lalpa, nang chun i sinthawin i mi suklâwm si a. I kut thilthawhai leiin hlimin hla sak ka tih.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

JEREMIA 31:13

Chun, nunghâk inthienghai chu, tlangvâlhai le, upahai le chun lâmnaa chun hlim an ta; an lusûnna chu hlimnaah kân changtir ding a ni si a; chun, anni chu thlamuon ka ta, an lungngainaa inthawk chun sukhlim tâng ka tih.

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai Lalpa kuoma chun lâwmthu hril ro, Lalpa chu a ṭha si a; a zainêmna chu kumkhuoin um zing a tih,’ tituhai râwl le, Lalpa ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni si a, Lalpa chun a tih.

NAMBAR 10:10

In hlimna nia dâm, in Fekân ruoiṭhe hunbi neia dâm, in thla thara dâm le, in pumrawhmang thilinhlâna le in inremna thilinhlân inthâwinahaia chun tawtawrâwt chu in mût ding a nih; chuongchun, in Pathien hmaa in ta dinga hrietzingna a ni ding a nih; kei hi Lalpa in Pathien ka ni hi,” tiin.

MATTHAI 21:15

Nisienlakhawm, thiempu lalhai le Dân inchûktirtuhai chun a thilmak thawhai le, biekina, “David naupa kuomah Hosanna” tia, naupang khêkhai chu an hmuin, an lungninaw bêk bêk a,

MATTHAI 21:9

Chun, mipui a hma tienga fe le a zuihai chun, “David naupa kuomah Hosanna! Lalpa hminga hung chu inpâkin um raw se! Achunghnungtaka khin, Hosanna!” tiin an khêk a.

JOHAN 16:22

Chun, tuhin nangni in lungngai, nisienlakhawm, hmu nâwk ka ti cheu a, in lungril lâwm a tih, in lâwm chu tukhawmin lâkpêk naw ni hai cheu.

EPHESI 5:19

Inpâkna hlahai, Pathien hlahai, thlarau tieng hlahaia inbe tuoin, Lalpa chu in lungrilah hla sakpêkin, ṭingṭang kei pêk ro.

JAKOB 5:13

Nangni lai thil ṭha naw tuor an um am? Ṭawngṭai raw se. Hlim an um am? Inpâkna hla sak raw se.

1 SAMUEL 4:5

Chuongchun, Lalpa thuthlung bâwmin an riekhmun a hung tlung chun, Israel mi po pohai chu inringtakin an khêk ta dur dur el a, hnuoi chen khawm a tlawr ri dur dur el a.