NEHEMIA 12:27 - Pathien Lekhabu Inthieng (BSI)

²⁷ Jerusalem kul an inhlânnaa chun dârbenthekhai, perkhuonghai, ṭingṭanghai le hla sak le, lâwmthu hril lâwmtaka an inhlânnaa ṭhang dinga Jerusalema hung ṭhuoi dingin Levi mihai chu an hmun po poa inthawk chun an zawng suok a.

NEHEMIA 12:27 Iomraidhean Croise

2 SAMUEL 6:12

Chun, lal David chu, “Pathien bâwm leiin Obed-edom sûngkuo le a in le lo po po Lalpain mal a sâwm a nih,” ti an hril a. Chuongchun, David chun Pathien bâwm chu Obed-edom ina inthawk chun David khuoa chun lâwmtakin a zu lâk ta a.

1 LALHAI 8:63

Chun, Solomonin ân hlân inremna thilinhlân dinga inthâwina bâwngchal sîng hni le sâng hni le berâm nuoi khat le sîng hni ân hlân a. Chuong ang chun lal le Israel thlahai po po chun Lalpa in chu an inhlân a nih.

1 CHANCHIN SUINA 13:8

Chun, David le Israel mi po pohai chu Pathien hmaa chun, hlahai le, ṭingṭanghai le, perkhuonghai le, khuongtêhai le, dârbenthekhai le tawtawrâwthai mûtin an um a.

1 CHANCHIN SUINA 15:12

an kuomah, “Levi mihai pahnam laia hotuhai in na, a hmun dinga ka buotsai tah hmuna Lalpa Israelhai Pathien bâwm chu in hung lâk theina dingin insukthieng unla, nangni le in unauhai leh.

1 CHANCHIN SUINA 15:16

David chun Levi mihai an hotu tak kuoma chun an unauhai chu thilrimawihai, perkhuonghai, ṭingṭanghai, dârbenthekhai le hlim râwla khêk rak rak a, sut dingin hlasaktuhai ruot dingin a hril a.

1 CHANCHIN SUINA 15:28

Chuongchun, Israelhai po po chun ri nasatak leh, saki mût rîk leh, tawtawrâwt ri leh, dârbenthek ri leh, ṭingṭang le perkhuonghaia inringtaka sakin Lalpa thuthlungna bâwm chu an hung lâk ta a.

1 CHANCHIN SUINA 15:4

David chun Aron thlahai chu a khâwm a. Levi mihai leh;

1 CHANCHIN SUINA 16:42

anni laia Heman le Jeduthun chu, ân ring zing ding dârbenthek le tawtawrâwt le chun an um a; Pathien hlahai sakna dinga hlasakna thuomhnaw kim le chun, chun, Jeduthun naupasalhai chu dai kawtkhâra um ding an nih.

1 CHANCHIN SUINA 16:5

a hotu tak chu Asaph a na, ama dawta chun Zekaria, Jaaziel, Semira-moth, Jehiel, Mattithia, Eliab, Benaia, Obed-edom le Jeiel hai; ṭingṭang le perkhuong puhai an nih;

1 CHANCHIN SUINA 23:5

chun, sâng ruk dang chu hotuhai le rorêltuhai an nih; sâng li chu kawtkhâr vêngtuhai an na; sâng li dang chun, “Inpâkna dinga ka siem,” Davidin a ti, chuong thuomhnawhai le chun Lalpa chu inpâk ding an nih.

1 CHANCHIN SUINA 26:31

Hebron mihaia chun, Jerija pahnam inthla dân anga Hebron mi chu a hotu a nih. David rorêl a kum sâwmlinaa chun nasataka zawng an na, Gileada Jazera chun mi hrât khawkhêng anni laia chun hmu suok an na.

2 CHANCHIN SUINA 29:25

Chun, zâwlnei Nathan hai, lal zâwlnei Gad hai le David thupêk ang tak khan Levi mihai chu Lalpa ina chun dârbenthekhai leh, perkhuonghai leh, ṭingṭanghai leh ân umtir a; thupêkhai chu a zâwlneihai hmanga Lalpa pêk a ni si a.

2 CHANCHIN SUINA 29:30

Chu nawa khawm lal Hezekia le hotuhai chun Levi mihai chu Zâwlnei Asaph le David hla phuok chun Lalpa inpâkna chu sak dingin thu an pêk bawk a. Chun, lâwmtakin inpâkna hla chu an sak a, an luhai an kûn a, chibai an bûk a.

2 CHANCHIN SUINA 5:13

Lalpa inpâka, lâwmthu hrila, hla saktuhai le tawtawrâwt puhai chu pakhat ang el a, ri inremtaka hriet a ni hlak a; tawtawrâwthai le, dârbenthekhai le, rimawi thawna thuomhnawhai leh an râwlhai an insuo a, Lalpa chu inpâka, “Ama chu a ṭha si a; a zângaina chu kumkhuoin um zing a tih,” an ti pha chun, Lalpa in chu sûmin a hung sip hlak a,

2 CHANCHIN SUINA 7:6

Thiempuhai chu an sinthaw ang pei chun an ngîr a; an rawngbâwlnaa Davidin ân pâk laia, “A zângaina chu kumkhawtluongin a um zing si a,” tia, Lalpa inpâkna dinga lal Davidin Lalpa thil rimawi thuomhnawhai a siemhai le chun Levi mihai chu an ngîr ve a; chun, thiempuhai chun an hmaa chun tawtawrâwt an hang mût a, Israel mihai po po chu an ngîr ta ṭhuop a.

EZRA 6:16

Chuongchun, Israel mipuihai le thiempuhai le Levi mihai le sala intâng suokhai mi danghai chun hi Pathien in hi hlimtaka inhlânna an nei a.

NEHEMIA 11:20

A bâk Israelhai le thiempuhai le Levi mihai chu Juda ram khaw tinah mâni ram sengah an um a.

NEHEMIA 12:43

Chu ni chun inthâwina nasatak an inhlân a, an hlim hle el a; Pathienin hlim namên lovin a sukhlim a nih; chun, nuhmeihai le naupanghai chen khawmin an hlim hle a; chuongchun, Jerusalem hlimna chu hlataka inthawk khawmin ân hriet a.

NEHEMIA 8:17

Chun, sala suok pungkhâwmhai po po chun sâwlbûk an siem a. Sâwlbûkhaia chun an um a; Nun naupa Josua chena inthawk tah, Israel nauhai chun chuong ang lâwm chun an la thaw ngai naw a. Chuongchun, lâwmna nasatak a hung um ta a,

INPÂKNA HLABU 149:3

A hming chu lâmin inpâk hai sienla, Khuongtê le ṭingṭang leh ama inpâkin hla sak raw hai se.

INPÂKNA HLABU 30:1

Aw Lalpa, chawimawi ka ti che, nangin i mi dawm sâng si a; A mi dotuhai chu mi diriem dingin i siem naw a.

DÂN PAHNINA 16:11

Lalpa in Pathienin a hming umna dinga a la ruot dinga chun nangni leh in naupasalhai leh, in naunuhmeihai leh, in suokpahai, in suoknuhai leh in umnaa um Levi mihai, nangni laia um ram dang mihai, pa nei lo hai dâm, hmeithaihai dâm leh Lalpa in Pathien hmaah hlimtakin in um ding a nih.

DÂN PAHNINA 20:5

Chun, hotuhai chun mipuihai kuomah, ‘In thar bâwla lân hlân lo in um am? A inah kîr nâwk el raw se, indonaa chun thi hlau a ta, mi dangin inhlân rawi an tih.

PHILIPPI 4:4

Lalpaa chun lâwm rawp ro, ti nâwk hlak ka tih lâwm ro. In dawtheizie mi po po hriet ni raw se.

THUPUONGSUO 5:8

Chun, lekhabu chu a lâk phing- leh thilhring pali le upa sâwmhni le pali hai chu, ṭingṭang le rângkachak berbu riminhnika sip chawi sengin, Berâmte hmaa chun an bawkkhup tâwl ta a; chuong riminhnikhai chu mi inthienghai ṭawngṭaina a nih.