NEHEMIA 12:24 - Pathien Lekhabu Inthieng (BSI)

²⁴ Chun, Levi chia a luhai: Hasabia, Serebia, Kadmiel naupa Jesua le an unau, Pathien mi David thupêk anga a pâwl pâwla inkhienga inpâk le lâwmthu hril dinghai leh.

NEHEMIA 12:24 Iomraidhean Croise

1 LALHAI 17:24

Nuhmei chun Elija kuoma chun, “Tu zet hin chu Pathien mi i na, i baua Lalpa thu hi thutak a nih ti ka hung hriet tah,” a ta.

1 CHANCHIN SUINA 16:4

Chun, Levi mihai mi ṭhenkhat chu Lalpa Israelhai Pathien chu inpâka lâwmthu hrila, ama chawimawi dingin Lalpa bâwm hmaa rawngbâwl hlak ding chun a ruot a;

2 CHANCHIN SUINA 8:14

Chun, a pa Davidin a lo sukdet ta angin, an rawngbâwlna dingin thiempuhai pâwl hun chu a ruotpêk a; chun, Levi mihai khawm chu sin tuk an nina, inpâk ding le thiempuhai hmaa rawngbâwl dingin, ni tina a ṭûl ang peia an bituk angin a ruot bawk a; dai kawtkhâr tinahai chun kawtkhâr vêngtuhai chu an pâwl hun ang peiin, chuong ang chun Pathien mi David chun thu a lo pêk ta si a.

EZRA 2:40

Hodavia thlaa Kadmiel le Jesua thla Levi mihai chu sâwmsari pali.

NEHEMIA 11:17

Asaph naupa Zabdi, chu naupa Mika, chu naupa lâwmthu hrila ṭawngṭaina ṭantu tak Mattania le, a unauhai laia a dawttu Bakbukia; Jeduthun naupa Galal, chu naupa Sammua, chu naupa Abda hai.

NEHEMIA 12:23

Eliasib naupa Johanan dam lai chen khawmin Levi nauhai sûngkaw luhai chu chanchin ziekna bua chun ziek an nih.

NEHEMIA 12:36

a unau Semaia, Azarel, Milalai, Gilalai, Maai, Nethanel, Juda, Pathien mi David sut hlak thilhai chawi Hanani hai chun an zui a; chun, lekhaziektu Ezra chun an hma a ṭhuoi a.

NEHEMIA 8:7

Jesua, Bani, Serebia, Jamin, Akkub, Sabbethai, Hodia, Maaseia, Kelita, Azaria, Zojabad, Hanan, Pelaia, Levi mihai chun mipuihai kuomah Dân an hrilfie a: mipuihai chu an ngirhmuna chun an um zing a.

NEHEMIA 9:4

Chuongchun, Levi mihai dawkân insânga chun Jesua, Bani, Kadmiel, Sebania, Bunni, Serebia, Bani, Kenani hai chu an ngîr a; inringtakin Lalpa an Pathien chu an ko a.

DÂN PAHNINA 33:1

Hi malsâwmna hin a nih Pathien mi Mosie chun a thi hmaa Israel mihai mal a sâwm chu:

1 TIMOTHE 6:11

Nisienlakhawm, nang Pathien mi, chuong thilhai chu tlânsan la, felna dâm, Pathien ngaisakna dâm, ringna dâm, hmangaina dâm, dawtheina dâm, thuhnuoirawlna dâm hnawt pei rawh.

2 TIMOTHE 3:17

Pathien mi chu, sin ṭha tinrêng thaw dinga kimtaka inthuomin, a famkim theina dingin.

JOSUA 14:6

Chuongchun, Juda thlahai chu Gilgalah Josua kuomah an va fe a, Keniz mi Jephunne naupa Kaleb chun a kuomah, “Kades-barneaa Pathien mi Mosie kuoma Lalpain ka chungchâng le nanga chungchâng thu a hril kha i hriet a.