NEHEMIA 10:36 - Pathien Lekhabu Inthieng (BSI)

³⁶ Dâna ziek anga kan naupasal le kan ran pieng hmasa takhai, kan bâwng ruol le berâm ruol laia pieng hmasa takhai khawm kan Pathien ina rawngbâwltu thiempuhai kuoma kan Pathien ina ṭhuoi ding dâm;

NEHEMIA 10:36 Iomraidhean Croise

2 CHANCHIN SUINA 31:5

Thupêk chu phuongdar a ni phing le chun Israel mipuihai chun bu dâm, uoin dâm, khuoizu dâm le lo hmasuok po poa ra hmasatakhai chu tamtak el an hungpêk tâwl a; thil po poa sâwma pakhat khawm tamtak el an hung pêk tâwl a.

NEHEMIA 12:44

Chun, chu ni chun thawlâwmhai, a thêna thêna thilinhlân dâm, thlai thar hmasa tak dâm, sâwmapakhat dâm, siekhâwmna pindanhaia hotu, dânin a ruot ang thiempu le Levi mihai chanvo khaw tin lohma izir ang pei la khâwmtu dinghai an ruot a; Judahai chu rawngbâwltu thiempu le Levi mihai lei chun an lâwm hle a.

NEHEMIA 13:5

kha hmaa Levi mihai, hlasaktuhai, kawtkhâr vêngtuhai chanvo, beiphit thilinhlân dâm, riminhnik dâm, bûr le bêlhai, bu sâwma pakhat dâm, uoin le hriek le thiempuhai ta ding a thêna thên thilinhlânhai an siena hlak pindan lientak Tobia ta ding chun a buotsaipêk a.

FESUOKNA 13:2

“Israel mihai laia nau lutîr sul hung kêu taphawt, mihriem khawm, ran khawm ka kuomah hung inhlân vawng rawh: ka ta a nih,” tiin.

FESUOKNA 23:19

I hnuoi ra hmasatak laia a ṭha tak chu Lalpa i Pathien ina chun i hung lâk ding a nih. Kêlte chu a pui nênetuiin i suong ding a ni nawh.

FESUOKNA 34:19

Sul hung kêu hmasa po po, bâwng le berâm, a pieng hmasa hmasatak a chal po po chu ka ta an nih.

MALAKI 3:10

Ka ina chun bu a um theina dingin, siekhâwmna ina chun sâwma pakhat po po chu hung la unla, chutaka chun mi fie ro, sipaihai Lalpa chun a tih. Vân tukverhai hung hawngin, a siena ding um naw khawp rauin, malsâwmna chu ka hung burpêk naw hrim cheu am.

NAMBAR 3:13

nau lutîr po po chu ka ta an ni si a, Aigupta rama nau lutîr po po sukhlum ni khan Israelhai laia nau lutîr po po a mihriem a ranin ka puola dingin ka hau a nih; ka ta nîng an ta; kei hi Lalpa chu ka nih,” tiin.

GALATI 6:6

Chun, thu inchûktir dawngtu chun, thilṭha po po inchûktirtu kuomah pe ve raw se.

DÂN PAHNINA 12:6

Chutaka chun in pumrawhmang thilinhlânhai, in inthâwinahai, in sâwmapakhat dâm, in thên thilinhlânhai dâm, in thutiem dâm, in nuomthua thilinhlânhai dâm, in ran ruol le in berâm ruol laia pieng hmasa takhai in hung lâk ding a nih.