NEHEMIA 1:7 - Pathien Lekhabu Inthieng (BSI)

⁷ I chungah ṭha lotakin thil kan lo thaw ta a, i siehlaw Mosie kuoma i pêk, thupêkhai, dânhai, rorêlhai chu kan lo zâwm ta si naw a.

NEHEMIA 1:7 Iomraidhean Croise

1 LALHAI 2:3

i thilthaw taphawta le i nghatna tieng poa i tluongtlung theina dingin Mosie Dân ziek anga, Lalpa i Pathienin a lampuihai hraw ding le, a thuruot dâm, a thupêk dâm, a rorêlhai dâm le, a thuinhriettir pawm dinga a pêkhai hi zâwm rawh;

2 CHANCHIN SUINA 25:4

Nisienlakhawm, an nauhai chu a that naw a, Lalpa thupêk ang a, Mosie lekhabua dâna ziek angin a thaw lem ta a; “Nauhai ta dingin pahai chu thi naw ni hai a, nauhai chu pahai ta dingin thi bawk naw ni hai; amiruokchu, mi tin mâni suolna senga ding chun thi lem an tih,” tiin.

2 CHANCHIN SUINA 27:2

A pa Uzziain a lo thaw ta po po ang tak khan, Lalpa mithmuah thil indik chu a thaw a; amiruokchu, Lalpa biekina chun a lût ve naw a. Mipuihai chun khawhlotakin thil an thaw a.

EZRA 7:6

hi Ezra hi Babulona inthawk chun a hang fe a: Israel Pathien Lalpain a pêk Mosie dân ziek thiem mi a na; chun, lal khawm chun a Pathien Lalpa kut a chunga a um ang pei chun a hni taphawt chu a phalpêk a.

INPÂKNA HLABU 106:6

Kan thlatuhai le khan thil kan suksuol a, Thil suol kan thaw a, suoltakin kan thaw ta a.

INPÂKNA HLABU 89:31

Ka thuruot an bawsiet a, Ka thupêk an kawl ṭha naw chun;

INPÂKNA HLABU 89:32

An bawsietnahai chu hmawl leh hung kan ka ta, An rîtlonahai chu vuokin hung kan ka tih.

ISAI 1:4

A! hnam suol, khawhlona riktak phur mihai, chithla thil ṭha naw thawtuhai, nau rilotaka khawsa hlakhai an nih. Lalpa chu an mâksan a, Israelhai Mi Inthieng chu an hmusit a, insuktumin an hnungtawl tah.

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet ta a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um ta a; chuonga chun thil kan lo suksuol ta si a.

DANIEL 9:13

Mosie Dâna ziek a ni angin hieng thil ṭha naw po po hi kan chungah a hung tlung a nih; chuong khawm chun, i thudik chu chîktaka ngaituona nei ding le kan rîtlonahaia inthawka inher hmang dingin Lalpa kan Pathien ditsakna chu kan hni chuong naw a.

HOSEA 9:9

Gibea khuoa umlai nihai ang khan, Nasatakin anni le anni an insukkhawhlo a; An rîtlona chu hre zing a ta, An suolnahai chu thung a tih.

LEVI DÂN 27:34

Hienghai hi Sinai tlânga Israel mipuihai ta dinga Lalpain Mosie a pêk thupêkhai chu an nih.

ZEPHANIA 3:7

Ama chungthua ka lo ruot ta ang po poin, a chêngna chu sâtthlâk a ni nawna dingin. “Matheilovin kei mi ṭîng i ta, sukdikna chu hmu bawk i tih,” ka ta; nisienlakhawm, zîngkâr an tho a, an thilthawhai po poa chun an sukdik naw a.

MALAKI 4:4

“Israelhai po po ta dinga Horeba ka ipêk, rorêlna le thuruothai, ka siehlaw Mosie dân chu hre zing ro.

DÂN PAHNINA 4:1

“Khai le, Israel mihai, Lalpa in pi le puhai Pathienin ram a pêk cheu chu dama in hluo theina dinga in pawm dinga ka închûktir hlak cheu dânhai le rorêlhai chu lo ngai ta u.

DÂN PAHNINA 4:5

Ngai ta u, in va hluo ding rama khawm in zâwm pei dingin Lalpa ka Pathienin thu a mi pêk ang takin dânhai le rorêlhai chu kân chûktir cheu a.

DÂN PAHNINA 5:1

Chun, Mosiein Israelhai po po chu a ko khâwm a, an kuomah, “Aw Israel mihai, in inchûka in pawm dinga dânhai, thuruothai, in na hrieta vawisûna ka hril hi lo ngai ro.

DÂN PAHNINA 6:1

“Chun, hluo dinga in va kaina rama in zâwm dinga Lalpa in Pathienin nangni inchûktir dinga thu a mi pêk, thupêk dâm, thuruot dâm, rorêl dâm chu hieng hi an nih;

THUPUONGSUO 19:2

A rorêlnahai chu ân dikin a fel a nih. Ama chun nawchizawr ropuitak, a mi dit chîng leia hnuoi sukkhawhlotu chu, a ro a rêl a, a suokhai thisen insuo phuba chu a kutin a lâk ta hi, an ti ka hriet a.”