NEHEMIA 1:6 - Pathien Lekhabu Inthieng (BSI)

⁶ Israel mipuihai suolna, i chunga kan suolna thupha ka chawi sûng hin i na lo sit la; i mit lo meng la, i siehlaw ṭawngṭaina, i kuoma a sûn a zâna i siehlaw Israel mipuihai ka ngênpêkna hi mi lo ngaithlapêk la; kei le ka pa sûnghai chu kan lo suol ta si a.

NEHEMIA 1:6 Iomraidhean Croise

1 LALHAI 8:30

Chun, i siehlaw le i mi Israelhai hin hi hmun tieng nghaa an ṭawngṭai pha chun an hninahai chu lo ngaipêk hlak la, anih, i chêngna hmun vâna inthawk chun lo ngai la; chun, lo ngaiin ngaidam la.

1 LALHAI 8:47

sala an ṭhuoina rama an inngaituo suok a, an insîr a, ‘Thil ei lo suksuol a, indiknawtak le suoltakin ei lo thaw a ni tah,’ tia an hung ngên che a,

2 CHANCHIN SUINA 28:10

Tuhin Juda mipuihai le Jerusalema mihai chu suoknuhai, suokpahaia siem in lungril a na; amiruokchu, in Pathien Lalpa chunga nangni ngei bawsietna chu nangnia ngei khawm hin a um ve a ni naw am a nih?

2 CHANCHIN SUINA 29:6

Ei thlatuhai khan an lo bawsiet a, Lalpa ei Pathien mithmuah thil suol chu an lo thaw ta si a; an ngha hmang a; Lalpa umna hmuna inthawk chun an ngha hmang a, an hnung an innghat ta a.

2 CHANCHIN SUINA 6:40

Tuhin, aw ka Pathien, ka ngên che, hi hmuna ṭawngṭaina hi, i mitin hmu sienla, i na chun lo ngai raw se.

EZRA 10:1

Ezra chu a ṭawngṭai a, thupha a chawi a, Pathien in tuola bawkkhupa a ṭap a ṭap sûng chun, pasal le nuhmei le naupang mipui nasatak el Israel mihai laia mi chu an hung inkhâwm ta ṭeu el a; mipuihai chu nasatakin an ṭap an ṭap el si a.

EZRA 10:11

Chuleiin, tuhin, in thlatuhai Pathien Lalpa kuoma chun thuphachawina siem unla, a dit zâwng chu thaw ro: chuongchun, hmêlmak nuhmeihaia inthawk le hi ram mihaia inthawkin nangni chu insiehre ro,” a ta.

NEHEMIA 1:11

Aw Lalpa, lunginsiettakin i sie- hlaw ṭawngṭaina le i hming ṭi lâwm zâwnga nei, i siehlawhai ṭawngṭainaa hin i na lo sit ta; chun, vawisûn hin i siehlaw hi mîn hlawtlingtir la, hi mi mithmua hin lunginsiettakin zângaina indawngtir rawh,” ka ti a. Kei chu lal no inhlântu ka ni si a.

INPÂKNA HLABU 102:17

Pasiehai ṭawngṭâina chu a ngaisak a, An ṭawngṭâina chu a hmusit nawh.

INPÂKNA HLABU 106:6

Kan thlatuhai le khan thil kan suksuol a, Thil suol kan thaw a, suoltakin kan thaw ta a.

INPÂKNA HLABU 130:2

Lalpa, ka râwl hi lo ngai la, Lunginsiet ka hnina râwl hi, I nain lo ngai raw se.

INPÂKNA HLABU 32:5

Ka suolna chu i kuomah ka puong a, Ka rîtlona chu ka ip ta naw a, “Ka bawsietna chu Lalpa kuomah thupha châwi tâng ka tih,” ka ti a; Chuongchun, ka suol rîtlona chu i lo ngaidam ta kha.

INPÂKNA HLABU 34:15

Lalpa mit chun mi felhai tieng a en hlak a, Ama chun an khêk hre dingin a ngai zing hlak.

INPÂKNA HLABU 55:17

Zântieng dâm, zîngkâr dâm, sûna dâm ka lunginzîngna thu hrilin inrûm ka ta: Chuongchun, ama chun ka râwl lo ngai a tih.

INPÂKNA HLABU 88:1

Aw Lalpa, a mi sandamtu Pathien, A sûn a zânin i hmaah ka khêk hlak a:

ISAI 6:5

Chu phingleh kei chun, “Hmûr tirdakum put mi ka na, hmûr tirdakum put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai Lalpa chu a hmu ta si a,” ka ti a.

ṬAP HLA 5:7

Kan thlatuhai chu an lo suol ta a, an um ta naw a, Keiniin an khawhlona chu kan phur a nih.

DANIEL 9:15

Tuhin, aw Lalpa kan Pathien, Aigupta rama inthawka i mihai kut hrâttak leh hung ṭhuoi suoka, vawisûn ni chena hming inthangna changtu, kan lo suksuol ta a, rilotakin kan lo thaw tah a nih.

DANIEL 9:20

Chun, ṭawngṭaia, ka suolna le ka mi Israelhai suolna chu thuphachawia, ka Pathien tlâng inthieng ta dinga ka Pathien Lalpa hmaa ka hninahai kân tluna, ka ṭawng lai zing chun,

DANIEL 9:4

Lalpa ka Pathien kuoma chun ka ṭawngṭai a, thuphachawina dâm ka siem a, “Aw Lalpa, i thupêkhai kawltu le, nangma hmangaituhai kuoma zângaina le thuthlung kawltu Pathien ṭiumtak le ropui;

DANIEL 9:5

kan lo suol ta a, indiklotakin kan lo thaw ta a; khawhlotakin kan lo thaw ta a, kan lo hel ta a; i rorêlnahai le thupêkhaia inthawka lo inher hmangin;

DANIEL 9:8

Aw Lalpa, i chungah thil kan lo suksuol ta leiin, keini chu kan lalhai leh, kan ṭhuoituhai leh, kan thlatuhai leh hmêl hamhaitak put kan nih.

LUKA 18:7

An chungah zai la daw hri sien khawm, a mi thlang, asûn azâna ama kotuhai phuba chu Pathienin a lâkpêk naw ding am a nih?

LUKA 2:37

Kum sâwmriet pali zet hmeithaiin a um a. Ama chun Pathien biekin fesan lovin asûn azâna bu nghei dâma ṭawngṭaiin Pathien a biek hlak a.

EPHESI 2:3

Chuong ringnaw nauhai laia chun, eini khawm inhma chun tisa le lungril nuomzâwng thawin, ei tisa châknahai angin ei um vawng a, mi danghai angin lunginsenna naua insieng hrim ei ni kha.

1 TIMOTHE 5:5

Hmeithai taktak mâkhât chaua um chun Pathien chungah beiseina a nei tlat a, a sûn a zânin hni le ṭawngṭaiin a um rawp hlak.

2 TIMOTHE 1:3

A mi thlatuhai chena sie le ṭha hrietna inthiengtak neia a rawng ka ibâwl hlak Pathien kuoma chun lâwmthu ka hril a nih; a sûn a zâna ka ṭawngṭainahaia chun ka hrietpui zing hlak che a,

1 JOHAN 1:9

Ei suolhai thupha ei chawi chun, ei suolhai ngaidam ding le, ei felnawna po po sâwpfai dingin ama chu ring a umin a fel a nih.

1 SAMUEL 15:11

“Saula hi lala ka ruot hi kân sîr ngawt el a nih; a mi zui lai chu a mi hnung innghatin ka thupêk angin a thaw si naw a,” a ta. Chun, Samuel chu a lunginsen a, zânkhawvârin Lalpa chu a ko a.