NEHEMIA 1:5 - Pathien Lekhabu Inthieng (BSI)

⁵ “Aw Lalpa, vân Pathien, Pathien ropui le ṭium, nangma hmangaia i thupêk pawmtuhai chunga thuthlung hlena lunginsietna suklangtu,

NEHEMIA 1:5 Iomraidhean Croise

1 LALHAI 8:23

“Aw Lalpa, Israelhai Pathien, i siehlaw an lungril po poa um ṭhahai kuoma thuthlung hlena lunginsietna suklang hlaktu, i siehlaw ka pa David kuoma thutiem hlentu, chungtieng vâna le hnuoitieng hnuoia hin nangma ang hi Pathien dang hrim hrim an um dêr nawh;

1 CHANCHIN SUINA 17:21

Aigupta rama inthawka i mihai an hmaa hnamhai chu hnawt suok peia în tlan suok, thil râpthlâk le thil ropuia i hming siempêk dinga, nangma ta ding ngeia nang Pathien feha în tlan suok hnam, i mi Israelhai ang hnuoi chunga hin ieng hnam am an um hrim a?

EZRA 1:2

“Persia lal Kura chun hieng ang hin a hril, ‘Leihnuoia ram po pohai chu Lalpa vâna Pathien chun a mi pêk a; Juda rama Jerusalema chun a ta dinga in bâwl dingin a mi phût bawk a nih.

NEHEMIA 2:4

Chuongchun, lal chun ka kuomah, “Ieng am a na i hni chu?” a ti a. Chuongchun, vân Pathien kuoma chun ka ṭawngṭai ta a.

NEHEMIA 4:14

Chun, ka hang en vêl a, ka tho a, mi ṭhahai le rorêltuhai le mi danghai kuoma chun, “Anni chu ṭi dêr naw unla, Lalpa ropuitak le, ṭiumtak el chu hre zingin in unauhai, in naupasalhai, in naunuhmeihai, in nuhmeihai, in inhai hum dingin thaw ro khai,” ka ti a.

NEHEMIA 4:8

chuongchun, Jerusalem chu hung thawa buoina siem chu an rawt tâwl ta a.

NEHEMIA 9:32

Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suklangtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai naw rawh.

INPÂKNA HLABU 47:2

Lalpa Achunghnungtak chu ṭi a um si a. Hnuoi chung po poah Lal ropuitak a nih.

INPÂKNA HLABU 76:8

I rorêl thu chu vâna inthawkin în hriettir a, Hnuoi hin a ṭi a, a to ta a.

INPÂKNA HLABU 89:2

“Ngilneina chu kumkhuoa dingin remin um a ta, I ringumna chu vânahai ngei khin sukdet i tih,” ka ti ta a nih.

INPÂKNA HLABU 89:3

Nang chun i hril ta si a; Ka mi thlang kuoma chun thu ka thlung a, Ka siehlaw David kuoma chun ṭawng kân khâm ta a,

INPÂKNA HLABU 89:8

Aw Lalpa sipaihai Pathien, Aw JAH, nang anga mi hrât tu am an um a? I ringumna chu i vêlah a um si a,

FESUOKNA 20:6

a mi hmangaituhai le ka thupêk hai zâwmtuhai sâng tamtak chunga zângaina inentirtu chu ka ni si a.

DÂN PAHNINA 7:12

“Hieng rorêlhai hi in ngai a, in zâwm a, in thaw leiin Lalpa in Pathienin in pi le puhai kuoma ṭawng inkhâma a thuthlung le a lunginsietna chu in chungah vawng zing a ta;

DÂN PAHNINA 7:21

Anni chu in ṭi ding a ni nawh; Lalpa in Pathien nangni lai a um chu, Pathien ropuitak le ṭiumtak a ni si a.

DÂN PAHNINA 7:9

Chuleiin, Lalpa in Pathien chu Pathien a nih ti hre ro; Pathien ringum, ama hmangaia a thu zâwmtu chunga suon sâng chena thuthlung le lunginsietna innghat zing a,