NEHEMIA 1:4 - Pathien Lekhabu Inthieng (BSI)

⁴ Chuong thu chu ka hriet chun ka ṭhung chawt a, ka ṭap a; ni ieng zât amani chu lungngaiin ka um a; chun, bu ka nghei a, vân Pathien hmaa chun ka ṭawngṭai a;

NEHEMIA 1:4 Iomraidhean Croise

2 SAMUEL 12:16

David chun naupang ta ding chun Pathien kuomah a ngên rak a; chun, David chun bu dâm a nghei a, a lût a, zân khawvârin hnuoiah a zâl ta a.

2 LALHAI 22:19

hi hmun le a sûnga chênghai hi sukrêm le ṭawngsephurin la um an tih ti thu ka hril kha i lo hriet a, i lungril dâm a hung innêm a, Lalpa hmaa inngaitlâwm a, i puonhai i keithlêr a, ka hmaa i ṭap leiin kei khawma i thu chu ka lo hriet a, Lalpain a tih.

2 CHANCHIN SUINA 6:13

(Solomon chun dârsen ṭham tawng ngaa sei, tawng nga bawka lien, tawng thuma insâng a siem a, tuollai sûnga a laitaka a ilo daw ta chunga chun a ngîr a, Israel inkhâwmhai po po hmaa chun a dingṭhaṭhuon a, a kuthai chu vân tieng a phar a nih) ama chun a hril a;

EZRA 1:2

“Persia lal Kura chun hieng ang hin a hril, ‘Leihnuoia ram po pohai chu Lalpa vâna Pathien chun a mi pêk a; Juda rama Jerusalema chun a ta dinga in bâwl dingin a mi phût bawk a nih.

EZRA 10:1

Ezra chu a ṭawngṭai a, thupha a chawi a, Pathien in tuola bawkkhupa a ṭap a ṭap sûng chun, pasal le nuhmei le naupang mipui nasatak el Israel mihai laia mi chu an hung inkhâwm ta ṭeu el a; mipuihai chu nasatakin an ṭap an ṭap el si a.

EZRA 9:3

Hieng thu hi ka hriet phing chun ka silfên le ka zakawfuol chu ka keithlêr a, ka lua ka sam chu ka phawi ṭil a, ka khâkhmul leh; maktitakin ka ṭhung ta a.

EZRA 9:5

Chun, zântienga thilinhlân hun ding lai chun ka silfên le ka zakawfuol inek pum chun ka lungngainaa inthawk chun ka tho suok a; ka khûpin ka dingṭhaṭhuon a, Lalpa ka Pathien kuom tieng chun ka bânhai ka phar a,

NEHEMIA 2:20

Chun, anni chu ka dawn a, an kuomah, “Vân Pathien chun mi suktluongtlung a ta; chuongchun, keini a siehlawhai chu tho kan ta, inngîr kan tih; nangni ruok chun Jerusalema hin chanvo amanih, thuneina amanih, hnûhma amani khawm in nei naw hrim hrim a nih,” ka ti a.

NEHEMIA 2:4

Chuongchun, lal chun ka kuomah, “Ieng am a na i hni chu?” a ti a. Chuongchun, vân Pathien kuoma chun ka ṭawngṭai ta a.

INPÂKNA HLABU 102:15

Chuongchun, hnam tinin Lalpa hming chu ṭîng an ta, Hnuoia lal po pohai chun i ropuina chu ṭî bawk an tih.

INPÂKNA HLABU 136:26

Aw, vân Pathien kuoma chun lâwmthu hril ro: A ngilneina chu kumkhawtluongin a um ding a ni si a.

INPÂKNA HLABU 137:1

Babulon vadung pangahai, Chutaka chun kan ṭhung a; anih, kan ṭap hlak, Zion kan ngaituoin.

DANIEL 10:2

Chuong nihai lai chun kei Daniel hi hapta thum zet chu lungngaiin ka um a.

DANIEL 2:18

Babulona mi var danghai lai chun Daniel le a ruolhai chu an thi ve nawna dinga, hi thurûk chungchâng thua hin vâna Pathien zângaina chu an ngên theina dingin.

DANIEL 9:3

Chun, vut laia saiip puon le inṭhunga bungheiin, hnina le ṭawngṭainaa zawng dingin Lalpa Pathien kuom tieng chu ka ngha ta a.

JONA 1:9

Ama chun an kuomah, “Hebrai mi ka na, tuipui le khawmuol siemtu Lalpa, vân Pathien chu ka ṭi a nih,” a ta.

ZEPHANIA 3:18

Nangma ta, sie hmanga um tahai, hrilsietna riktaka phurtuhai chu inkhâwmna ursûntaka dingin kei khâwm ka tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:15

Lâwmhai chu lâwmpui unla, ṭaphai chu ṭappui ro.