NEHEMIA 1:10 - Pathien Lekhabu Inthieng (BSI)

¹⁰ Chun, hienghai hi i siehlawhai le i mihai, i thilthawtheina nasatak le i kut thahrâta în tlan suokhai an na.

NEHEMIA 1:10 Iomraidhean Croise

INPÂKNA HLABU 136:12

Kut thahrât le bân phara: A ngilneina chu kumkhawtluongin a um ding a ni si a.

INPÂKNA HLABU 74:2

I mihai inkhâwmhai, inhmaa i închâwk, Hnam i ro dinga i întlan kha, hre zing rawh; I umna hlak Zion tlâng leh.

INPÂKNA HLABU 89:14

Felna le rorêlna fel chu i lalṭhungpha innghatna a na, Ngilneina le thutak chu i hmaah an fe hlak,

FESUOKNA 13:14

Chun, nakie hun la hung tlung dinga khawm i naupain, Hi hi a umzie ieng am a na? tia ân dawn che chun, a kuomah hieng hin hril i tih, “Suoka umna ram Aiguptaa inthawk Lalpain kut thahrâtin a mi ṭhuoi suok ta a.

FESUOKNA 13:16

Chun, i mithai kâra thilkhim ding le i kut chunga inchikna dingin nîng a tih; Lalpa chun kut thahrât chun Aigupta rama inthawkin a ṭhuoi suok ta si che a, tiin, ” a ti a.

FESUOKNA 13:3

Mosie chun mipui kuoma chun, “Suoka in umna Aiguptaa inthawk in hung suok ni kha hre zing ro: Lalpain kut thahrâtin chu hmuna inthawk chu a hung ṭhuoi suok cheu a ni kha; chawl ṭhang bei hrim fâk a ni ding a ni nawh.

FESUOKNA 13:9

Chun, Lalpa Dân chu i baua a um theina dingin, i mithai kâra hriet zingna ding le, i kuthai chunga nangma ta dinga inchikna dingin nîng a tih; Lalpa chun kut thahrâtin Aiguptaa inthawkin a ṭhuoi suok ta si che a.

FESUOKNA 15:13

Nangin i zângainain mipui în tlanhai chu i ṭhuoi a; I umna hmun inthiengah i hrâtnain anni chu i ṭhuoi a.

FESUOKNA 32:11

Mosie ruok chun Lalpa a Pathien chu a ngên a, “Lalpa, Aigupta rama inthawka kut thahrât le thilthawtheina nasatak le i hung ṭhuoi suok hieng i mihai chunga hin iengdingin am i lunginsenna chu lum el a ta?

FESUOKNA 6:1

Lalpa ruok chun Mosie kuomah, “Tuhin Pharao kuoma ka thil thaw ding chu hmûng i tih: kut thahrâtin anni chu infetir a ta, kut thahrâtin a rama inthawkin hnawt suok a tih,” a ta.

FESUOKNA 6:6

Chuleiin, Israel mihai kuomah hril la, ‘Lalpa ka ni a, Aigupta mihai rikphurhai hnuoia inthawkin la suok ka ti cheu a, an suok in nina chu sukbopêk ka ti cheu a, bân pharin rorêlna nasatak leh intlan suok ka ti cheu.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rikphurna hnuoia inthawka la suoktu cheu, in Pathien Lalpa ka nih ti hre tâng in tih.

ISAI 64:9

Aw Lalpa, lunginsen talaw naw la, khawhlonahai khawm kumkhawtluong chun hre zing naw rawh; ngai ta, lunginsiettakin mi en la, kan rêng hin i mihai kan ni hi.

DÂN PAHNINA 15:15

Aigupta rama khan suok in ni ta a, Lalpa in Pathienin ân tlan cheu ti kha in hriet zing ding a nih; chu lei chun a nih, hieng thu hi tuhin ka pêk cheu chu.

DÂN PAHNINA 9:29

I thilthawtheina ropuitak le i bân phara i ṭhuoi suok, i mihai le i rochanhai an ni tlat si a,’ ka ti a.