MIKA 2:2 - Pathien Lekhabu Inthieng (BSI)

² Mi lohai an inhnar a, an lâkpêk a, inhai an inhnar a, an lâk el bawk a; mi le an sûnghai, mi le an ro chenin an hnuoisie a.

MIKA 2:2 Iomraidhean Croise

1 LALHAI 21:1

Chun, Jezreel mi Naboth chun grêp huon a nei a, chu chu Jezreela Samari lal Ahab in bul ela um a nih.

2 LALHAI 9:26

Lalpain⁠, ‘Zâni khan Naboth thisen le a naupasalhai thisen ka hmu ngei annâwm,’ a ti kha; chun, Lalpain, ‘Hi hmun ngeia hin ka thung ding che a nih,’ a ti nâwk kha. Chuongchun, Lalpa thu ang chun pawm la, hi hmuna ngei hin pei thla rawh,” a ta.

JOB LEKHABU (THE BOOK OF JOB) 31:38

Ka ram chu ka chungah a khêk a, A changkuonghai chu an ṭap a;

FESUOKNA 20:17

I vênghai in în hnar ding a ni nawh; i vênghai nuhmei amanih, a siehlawpa amanih, a siehlawnu amanih, a bâwngchal amanih, a sabengtung amanih, i vênghai thil nei hrim hrim chu în hnar ding a ni nawh,” tiin.

ISAI 3:14

Lalpa chun a mihai upahai chunga le, an mi lienhai chunga chun ro rêl a tih. Lalpa Sipaihai Lalpa chun, “Nangni rawi hi in nih, grêp huon fa zotuhai chu;

ISAI 5:8

Ram lailia an khât chaua an um theina dinga mi ṭhang vena hmun hrim hrim um lo khawp hiel a, in le in inzawmtir pei le, lo le lo inzawmtir peituhai chung chu a rik ie!

JEREMIA 22:17

Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni naw a.

EZEKIEL 18:12

mi tlasam le mi rimsihai lo insuksuoltir ta a, thawluinaa lo sukse ta a, hnina lo ngaisak lo a, milimhai tienga a mithai lo inlên ta a, tirdakumnahai lo thaw ta a,

EZEKIEL 22:12

I sûnga chun thisen insuo dingin thamnahai an lâk a; a pung hnawtna le a pung chu i lâk a; nêksâwrnain i tuolbâwmhai chunga chun duâmtakin i lo hlêp ta a; kei i mi lo theinghil tah a nih, Lalpa Pathien chun a tih.

EZEKIEL 22:13

Chuleiin, ngai ta, i hlêpna ringum lo, i lo thaw tah le, i sûnga i thisen i lo insuo tâk chunga chun ka kuthai ka ben el a nih.

EZEKIEL 33:26

In kâwlhnâm chu in ring a, thil pawrche chu in thaw a, mi tinin mâni tuolbâwm nuhmeihai chu in sukpawrche a; ram chu in chang hrim ding am a nih?

EZEKIEL 45:9

“Lalpa Pathien chun hieng hin a tih; Aw Israel lalhai, inhuntâwktir ta ro; pâwngnêkna le suksietna chu sie hmang unla, indikna le rorêl fel chîng ta unla; ka mihai hnawt suok hi ma ta ro; Lalpa Pathien chun a tih.

EZEKIEL 46:18

Chu nawa khawm chun, lal chun an thil neihaia anni nêksâwr dingin mihai rochan chu a lâkpêk ding a ni naw a; an in le loa inthawk a hnawt suok ding a ni nawh, ama thil neia inthawk ngeiin a naupasalhai chu rochan a pêk lem ding a na, chuongchun, ka mihai chu mâni thil neia inthawka mi tin chu an indar nawna dingin,” tiin.

EZEKIEL 8:17

Chun, ama chun ka kuomah, “Aw mihriem naupa, hi hi i hmu am? Tirdakumna hitaka an lo thaw ta hi, Juda sûngkaw ta ding chun thil chîn tham am a nih? Ram chu inpâwngnêknain an suksip a, lunginsen dingin an mi chawktho nâwk a, en ta, an hnârah sâwlhna an sie a.

AMOS 2:7

rimsi lu chunga pilvut phul châk ngawi ngawi le, zainêmhai lampui sukkâwipêk hlakhai chu: chun, mi pakhat chu a pa leh nunghâk pakhat kuoma ka hming sukse dingin an fe hmunkhat hlak a!

AMOS 4:1

Nangni Basan hmun sebâwngpui, Samari tlâng chunga um, rimsihai nêksâwr a, tlasamhai nêk a, an lalhai kuomah, “Hung la unla, dâwn ei tiu,” tituhai, hi thu hi lo hre ro.

AMOS 8:4

Chun, hi hi ngai ta u, nangni tlasamhai fa zo nuom a, ram mi rimsi sukbo nuomhai,

MIKA 3:9

Nangni Jakobhai sûngkaw hotuhai le Israel sûngkaw hotuhai le Israel sûngkaw rorêltu, rorêlna tirdaka, indikna tinrêng suklinglettuhai, hi hi lo ngai ro, ka ngên cheu hi.

MIKA 6:12

Chutaka mi hausahai chu pâwngnêknain an sip si a, chutaka chênghai chun khêl an hril a, an bau sûnga an lei chu mi hlêm hmang a nih.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

1 TIMOTHE 6:10

Tangka sum ngainat hi suol tinrêng bul a ni si a; chu chu ṭhenkhatin an inhnar a, ringna chu an fe hmang san a, anni le anni lungngaina tamtakin an insun tlang ta nghuon a.