MATTHAI 8:3 - Pathien Lekhabu Inthieng (BSI)

³ Isûn a hang ban a, a them a, “Ka nuom ie, lo inthieng ta rawh,” a ta, kâr lovin a phâr chu a lo inthieng nghâl ta a.

MATTHAI 8:3 Iomraidhean Croise

INṬANNA 1:3

Chun, Pathienin, “Var hung um raw se,” a ta; chuongchun, var a hung um ta a.

2 LALHAI 5:11

Nisienlakhawm, Naaman chu a lunginsen a, a fe hmang ta a, “Ngai ta u, ka kuoma hung suokin hung ngîr a ta, Pathien Lalpa hming chu lamin a kut chu phar vêlin ân phârna lai chu a sukdam ding rawi am ka sawn a;

2 LALHAI 5:14

Chun, a zu fe a, Pathien mi hril ang chun Jordan vadunga chun vawi sari a zûn phûm a; a taksa chu naupang chitê pang angin a hung um ta a, a hung inthieng vawng ta a.

INPÂKNA HLABU 33:9

Ama chun a hril a, a hung um ta a, Thu a pêk a, a hung det ta si a.

FESUOKNA 4:7

Lalpa chun, “I kut kha i ângsûngah sie nâwk rawh,” a ti a; chun, a kut chu a ângsûngah a sie nâwk a, ngai ta, a ângsûnga inthawka a lâk suok phing chun a taksa dang ang bawkin a um nâwk ta a.

MATTHAI 12:13

Chu phingleh, chu mipa kuoma chun, “I kut phar rawh,” a ta. Chuongchun, a phar a, a khing tieng angin a dam ta var a.

MARKA 1:41

Ama chun a lo lunginsiet bêk bêk a; a hei ban a, a them a, “Ka nuom ie, sukthiengin lo um ta rawh,” a ta.

MARKA 4:39

Chun, ama chu a hung har a, thli chu a hal a, dîl kuoma khawm chun, “To la, um ṭawk ṭawk rawh,” a ta. Chun, thli chu a ma a, a hung re ta ṭhup el a.

MARKA 5:41

Chun, naupang kut chu a chel a, a kuoma chun,“Talitha kumi,” a ta. Chu chu, “Bawinu tho rawh ka ti che,” tina a nih.

MARKA 7:34

Chun, vân tieng nghain ân thuok huoi a, a kuomah, “Ephatha,” a ta. Chu chu, “Lo inhawng rawh,” tina a nih.

MARKA 9:25

Chun, Isûn mipui an hung tlân khâwm chu a hmuin khawhri inthieng naw chu a hal a, a kuomah, “Nang thlarau ṭawng thei naw le nasêt, thu ka pêk che hi, a sûnga inthawk hung suok la, lût nâwk ta naw rawh,” a ta.

LUKA 4:27

Chun, zâwlnei Elisa dam lai khawm khan Israel ramah inphâr tamtak an um a; nisienlakhawm, Naaman Suria rama mi chau naw chu anni laia tukhawm sukthiengin an um naw kha,” a ta.

LUKA 5:13

Chun, ama chun a hei ban a, a them a, “Ka nuom ie, hung inthieng ta raw khai,” a ta. Chun, kârlovin a phârna chu a hung bo nghâl ta a.

LUKA 7:14

Chun, a va hnai a, hlâng chu a them a; chuongchun, a zâwntuhai chu an ngîr a. Chun, “Tlangvâl, tho rawh ka ti che hi,” a ta.

JOHAN 11:43

Chun, chuonga a ṭawng zo phingleh râwl inringtakin, “Lazar, hung suok rawh,” a ta, a khêk a.

JOHAN 15:24

Mi dang tukhawm la thaw ngailo thilhai anni lai thaw ni naw lang chu, suol an nei naw ding bah. Nisienlakhawm, tuhin chu an hmu ta a, chuongsa khawm chun kei le ka Pa an mi theida ve ve tah a nih.

JOHAN 5:21

Pain mithihai a keithoa a sukhring hlak angin, Naupa khawm- in a nuom nuom a sukhring hlak.