MATTHAI 7:3 - Pathien Lekhabu Inthieng (BSI)

³ Chun, iengdinga mâni mita tlung- pûm um ngaituo si loa; i unau mita hmawl hlek um chu i hmu am a na?

MATTHAI 7:3 Iomraidhean Croise

MATTHAI 7:4

Iengtin am i unau kuomah, ‘I mita hmawl hlek kha mîn lâk dawktir rawh,’ ti thei i ta? Ngai ta, nanga mit ngeiah tlungpûm chu a um zing si a.

MATTHAI 7:5

Mi vervêk! I mita inthawkin tlungpûm kha la suok hmasa rawh; chuongchun, i unau mita inthawka hmawl hlek lâk suok ding chu feltakin hmu thei i tih.

LUKA 18:11

Pharisai chu a ngîr a, ama khât chauin hieng ang hin a ṭawngṭai a, ‘Pathien, mi dang hlêpruhai, fel nawhai, uirehai ang ka ni naw lei le, hi siedâwltu ang khawm hi ka ni naw leiin i chungah ka lâwm ie.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:1

Chuleiin, aw mihriem, mi sawisêltu tûkhawm ni la, suonlam hrim i nei nawh, mi dang i sâwisêlna ngeia chun nang le nang thiemnaw inchangtir i nih i sawnnaw! nang a sawisêltu ngei khawma, chuong ang thil chu i thaw ve hlak si a.

GALATI 6:1

Unauhai, mi suol iengkhawm a thaw laia phâwkin um sien la, nangni thlarau mihai, “Thlemna tuok ve rawi ka tih,” tia invêng ṭha pumin chuong ang mi chu thuhnuoirawltakin tungding nâwk ro.