MATTHAI 5:3 - Pathien Lekhabu Inthieng (BSI)

³ “Thlaraua pasiea inhriehai chu an hamṭha; vân ram an ta a ni si a.

MATTHAI 5:3 Iomraidhean Croise

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

THUVARHAI 29:23

Mi chu a chapona chun ama chu sukhnuoi a ta, Lungrila inngaitlâwm ruok chun chawimawina hmûng a tih.

INPÂKNA HLABU 34:18

Lalpa chun lungrila lungriem ithlâkhai chu a hnai hlak a, Lungrila insîrhai po chu a sandam hlak.

THUVARHAI 16:19

Mi chapohai le râllâk sum insem nêk chun, Mi inngaitlâwmhai le lungril inhnuoitaka um a ṭha lem.

LUKA 18:14

Ka hril cheu hi, a hmasa nêkin ama lem chu thiem changin a inah a fe thla ta lem a. Inngaihlu taphawt tlâwm an ta, inngaitlâwm taphawt chu chawimawiin um an tih,” a ta.

2 CHANCHIN SUINA 7:14

ka mihai, ka hming chawia kohai chu an insukhnuoi a, an ṭawngṭai a, an lampui rilohai chu nghatsan a ka hmêl an hung zawng chun, vâna inthawkin lo hrieng ka ta, an suol chu ngaidam ka ta, an ram khawm chu sukhrisêl bawk ka tih.

INPÂKNA HLABU 51:17

Pathien dit zâwng inthawina chu thlarau lungriem ithlâk hi a na, Aw Pathien, lungril lungriem ithlâk le insîr ngawi ngawi hi hmusit naw ti nih.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

ISAI 61:1

Mi rimsihai kuoma chanchin ṭha hril dingin Lalpain hriek a mi nâl leiin, Lalpa Pathien thlarau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

2 CHANCHIN SUINA 34:27

hi hmun le a sûnga chênghai chungthua, thuhai chu i hriet phinga i lungril ân nêm a, nangma le nangma chu Pathien hmaa chun în sukhnuoi leiin le, i puonhai i keithlêr a, ka hmaa chun i ṭap leiin kei khawma ka hung hriet ve che a nih.

MIKA 6:8

Aw mihriem, a ṭha chu ân entir ta che a nih; Lalpain a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

LUKA 11:28

Ama ruok chun, “Anih, nisienlakhawm, Pathien thu hrea zâwmhai hi mi hamṭha an ni lem,” a ta.

INPÂKNA HLABU 112:1

Lalpa chu inpâk ro, Lalpa ṭi mi chu a hamṭha ie, a thupêkhaia nasataka lâwm mi chu.

INPÂKNA HLABU 1:1

Mi rilohai remruot ang chu hraw lova, Mi suolhai lampuia khawm ngîr ngai lova, Hmusittuhai ṭhungphaa khawm ṭhung ngailo mi chu a hamṭha.

JOB LEKHABU (THE BOOK OF JOB) 42:6

Chuleiin, kei le kei kân theida a, kân sîr a nih, Vuthai lai le pilvut laia ṭhungin,” tiin.

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i puong lei hin kân pâk che.

LUKA 4:18

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

MARKA 10:14

Nisienlakhawm, Isûn chu chu a hmuin a lung a ni naw bêk bêk a, an kuoma chun, “Naupangtêhai ka kuomah inhungtir unla, khap naw ro; Pathien ram chu hieng ang mihai ta a ni si a.

MATTHAI 13:16

“Nangni mit chu a vângnei a nih, a hmu hlak leiin; in na khawm a vângnei a nih, a hriet hlak leiin.

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

INPÂKNA HLABU 146:5

Jakob Pathien ṭhangpuitua nei chu lâwmtakin a um hlak; Lalpa Pathiena beiseina neitu chu.

2 CHANCHIN SUINA 33:12

Chuongchun, rimsitaka a hung um huna chun Lalpa a Pathien chu a zawng a, a thlatuhai Pathien hmaa chun ama le ama chu nasatakin ân sukhnuoi ta a.

INPÂKNA HLABU 41:1

Rimsihai ngaituo mi chu mi hamṭha a nih, Lunginzîng ni chun ama chu Lalpain sanhim a tih.

INPÂKNA HLABU 2:12

Naupa chu fâwp ro, chuong naw chun lunginsen a ta, lam kârah bohmang rawi in tih: A lungsen chu a hung inthawk phut ding a ni si a. Amaa an ringna innghattuhai po po chu an hamṭha.

2 CHANCHIN SUINA 33:23

A pa Manasse ân sukhnuoi ta ang khan ama hi chu Lalpa hmaa chun ân sukhnuoi ve naw a; chuongchun, hi Amon hi chu a suol nasa deu deu ta a.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangaituhai kuoma a tiem chu a hmu ding a ni si.

JOHAN 20:29

Isûn a kuomah, “Nangin kei i mi hmu leiin i ring a ni maw? Hmu lova ring taphawthai chu an hamṭha,” a ta.

MATTHAI 24:46

A pu a hung phâleh suok chuong anga thawa a hung hmu ding chu a hamṭha.

INPÂKNA HLABU 84:12

Aw sipaihai Lalpa, Nangma ring mi chu a hamṭha ie.

DÂN PAHNINA 8:2

Chun, a thupêkhai chu in zâwm ding le ding naw, in lungril hrietna dinga fiena ding le inngaitlâwmtir ding cheua thlalêra kum sâwmli a ṭhuoina cheu lampuihai po po kha hre zing ro.

JAKOB 1:10

Hausa ruok chu suktlâwma a um leiin lâwm lem raw se; hlohna pâr angin a la bo el ding a ni si a.

THUVARHAI 8:32

Chuleiin, tuhin, ka naupasalhai mi lo ngai unla, Ka lampui hrawtuhai chu mi hamṭha an ni si a.

2 CHANCHIN SUINA 33:19

A ṭawngṭaina dâm, ama Pathienin a lo ngaisak dânhai dâm, a suolna po po le a bawsietna po po le, bâwlhmun a siemna hmunhai le, ama le ama ân sukhnuoi hmaa Asera a siem dâm le, milim ker a siemhai thu chu, ngai ta, Hozai chanchinbua chun ziek an nih.

THUPUONGSUO 22:14

Hringna Thing chunga chun thu an nei theina ding le, kawtkhâra chun khuoa an lût theina dinga an puon sâwpfaihai chu an hamṭha.

THUPUONGSUO 19:9

Chun, ‘Berâmte nuhmei neina ruoiṭhea fielhai chu an hamṭha ie,’ tiin ziek rawh,” a mi ti a. Chun, ka kuomah, “Hieng thu hi Pathien thu tak a nih,” a ti bawk a.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

INPÂKNA HLABU 128:1

Lalpa ṭî taphawt chu an hamṭha ie, A lampui hrawtuhai chu.

MATTHAI 11:6

Chun, tukhawm ka chunga lungninawna hmu naw chu, a hamṭha,” tiin a lo dawn a.

MATTHAI 8:11

Ka hril cheu hi, sak le thlanga inthawkin mi tamtak hung an ta, vân rama chun Abraham hai, Isak hai, Jakob hai kuomah ṭhung an ta;

MATTHAI 3:2

“Sim ro, vân ram chu a hnai tah,” tiin.

MATTHAI 19:14

Isu ruok chun, “Naupangtêhai ka kuomah inhungtir unla, khap naw ro; vân ram chu hieng ang mi ta a ni si a,” a ta.

LUKA 22:29

ka Pain ram a mi ruotpêk angin ram ka ruotpêk cheu hi,

LUKA 22:30

chuongchun, ka rama ka dawkâna in fâka in dâwn theina dingin; chuongchun, Israel hnam sâwmpahnihai ro rêlpêkin lalṭhungphaah la ṭhung in tih.

THUPUONGSUO 3:17

‘Ka hausa a, sum ka hau a, iengkhawm ka tlasam nawh,’ i ti lei le, nang mi rimsi, lungsietum, pasie, mitdel, saruok chu i ni ti în hriet naw leiin,