MATTHAI 3:2 - Pathien Lekhabu Inthieng (BSI)

² “Sim ro, vân ram chu a hnai tah,” tiin.

MATTHAI 3:2 Iomraidhean Croise

MATTHAI 4:17

Chu chena inthawk chu Isûn, “Sim ro, vân ram chu a hnai tah,” tiin a hril phut ta a.

MARKA 1:15

“Hun chu a hung tlung ta a, Pathien ram khawm a hung hnai ta a, sim unla Chanchin ṭha hi ring ro,” a ti pei a.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

LUKA 24:47

ama hmingin simna thu le suol ngaidamna thu Jerusalema inthawkin hnam tin kuoma hril nîng a tih,’ tiin.

MATTHAI 6:10

I dit zâwng vâna mîn an thaw angin, hnuoia mîn thaw raw hai se,

2 KORINTH 7:10

Pathien dit zâwng anga lungngaina chun, sandamna dingin, insîrna um ta lo simna chu a siem si hlak a; khawvêl lungngaina ruok chun thina a siem lem hlak.

MATTHAI 10:7

Chun, in fein, ‘vân ram chu a hung hnai tah,’ tiin hril pei ro.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

LUKA 15:10

Ka hril cheu hi, chuong ang bawkin, mi suol pakhat sim chunga hin Pathien vântirkohai an lâwm hlak a nih.

LUKA 13:3

Ni lo e, ka hril cheu hi, nangni khawm in sim naw chun, chuong ang bawk chun bohmang vawng in tih.

LUKA 11:20

Amiruokchu, kei Pathien kut pâr leia khawhrihai hnawt dawk hlak ka ni chun, Pathien ram in kuomah a hung tlung tah nîng a tih.

2 PETER 3:9

Mi ṭhenkhatin muonga an ruot angin, Lalpa chu a thutiem kawnga chu a muong nawh; tukhawm bohmang lova mi po po sim ditpuiin, nangni tiengah a dâwthei a ni lem.

THILTHAWHAI 17:30

Chuongchun, Pathienin ei hriet naw laihai kha hriet naw tehlêm a thaw hlak a; nisienlakhawm, tuhin chu ram tina mi po po sim ding thu a pêk tah a nih, ni a tiem leiin;

THILTHAWHAI 11:18

Chuong thu chu an hrietin an to ta a, “Chuong a ni chun, Pathienin Jentailhai khawm hring dingin sim a phal tah a ni chu,” tiin Pathien an inpâk ta a.

THILTHAWHAI 2:38

Peter chun an kuomah, “In suolhai ngaidamna dingin, sim unla, Isu Krista hmingin baptisma chang seng ro; chuongchun, Thlarau Inthieng pêk hi hmûng in tih.

LUKA 6:20

Chun, a dâk suok a, a închûktirhai chu a en a, “Nangni rimsihai, in hamṭha ie, Pathien ram in ta a ni si a.

MATTHAI 13:52

Chun, ama chun an kuomah, “Chuong a ni chun Dân inchûktirtu vân ram lampui inchûktira um taphawt chu, in neitu, a ro bâwma inthawka thil tharhai le, thil hluihai phawr dawk hlaktu ang chu a nih,” a ta.

MATTHAI 13:47

“Chun, vân ram chu lênkhang tuisuorieta dênga, chi tinrêng fûn khâwmna ang chu a ni nâwk bawk a.

MATTHAI 13:33

Tekhithu dang an kuomah a hril nâwk a, “Vân ram chu chawl, nuhmeiin a ilâk, beiphit tekhâwng thum laia arênga a tho vawng hmakhata a iphûm ang chu a nih,” a ta.

MATTHAI 12:41

Ninevi khuoa mihai chu ngaituo pha chun tulai ruoltharhai kuomah hin ngîr vêng an ta, thiemnaw inchangtir an tih; Jona thu hril leiin an sim si a; Jona nêka ropui lem hitaka hin a um in sawnnaw.

2 TIMOTHE 2:25

ama khingtuhai zaidamtakin ân chûktir lem ding a nih; chuongchun, sima thutak an hung hriet theina dingin Pathienin hun remchâng a pêk el thei a nih;

KOLOSSA 1:13

Ama chun inthim thuneinaa inthawka mi sansuokin, a Naupa hmangaitak rama chun a mîn kai tir ta a,

THILTHAWHAI 20:21

Judahai le Grikhai kuoma khawm Pathien tienga lungril inlet thu le, ei Lalpa Isu Krista tieng ringna ding thu kân hriettir hlak kha.

LUKA 15:7

Ka hril cheu hi, chuong ang bawk chun, mi fel sâwmkuo le pakuo sim chuong ding nei nawhai chunga nêkin mi suol pakhat sim chunga hin vânah lâwmna um lem a tih.

LUKA 13:5

Ni lo e, ka hril cheu hi, nangni khawm in sim naw chun, chuong ang bawk chun bohmang vawng in tih,” a ta, a dawn a.

LUKA 9:2

Chuongchun, Pathien ram thu hril ding le, damnawhai sukdam dingin a tir suok ta a.

MARKA 6:12

Chuongchun, an fe suok a, mipuihai kuomah simna thu an hril a.

MARKA 1:4

Johan, thlalêra Baptistu kha suksuolnahai ngaidamna dingin simna baptisma thu hrilin a hung suok a.

MATTHAI 5:10

“Felna leia suknawmnatna tuor hnunghai chu an hamṭha; vân ram an ta a ni si a.

MATTHAI 5:3

“Thlaraua pasiea inhriehai chu an hamṭha; vân ram an ta a ni si a.

EZEKIEL 33:11

An kuoma chun, ‘Ka hring zing angin, Lalpa Pathien chun hieng hin a tih; mi rilo thinaa chun lâwmna ka nei naw a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

JOB LEKHABU (THE BOOK OF JOB) 42:6

Chuleiin, kei le kei kân theida a, kân sîr a nih, Vuthai lai le pilvut laia ṭhungin,” tiin.

THUPUONGSUO 2:21

Simna dingin a kuomah hun bi ka tuk a, nisienlakhawm, mi dit a chîng chu a sim nuom nawh.

MATTHAI 13:31

Tekhithu dang an kuomah a hril nâwk a, “Vân ram chu anṭam chi mal khat mîn a lâk a, a loa a the ang chu a na;

MATTHAI 13:11

Chun, ama chun a dawn a, an kuomah, “Vân ram thurûk chu nangni ihriet chu phal a nih, anni ihriet ruok chu phal a ni nawh.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

THUPUONGSUO 2:5

Chuongchun, i tlûktâkna chu hre zing la, simin, i thil thaw hmasa takhai kha thaw nâwk rawh; chuong naw chun, i kuomah hung ka ta, i sim naw chun i khâwnvar siena kha a hmuna inthawkin sawn ka tih.

HEBRAIHAI 6:1

Chuongchun, Krista thu bul hril ta lovin puitling tieng pan ei tiu; lungphûm chu phûm nâwk ta lovin simna dâm, Pathien tienga ringna dâm,

THILTHAWHAI 26:20

a tîrin Damaskaa mihai kuomah, chu hnunga chun Jerusalema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

MATTHAI 22:2

“Vân ram chu lal tu amanih, a naupa ta dinga inneina ruoiṭhena siem le chun tekhi a nih.

MATTHAI 25:1

“Chu pha chun, vân ram chu nunghâk inthieng sâwm, an khâwnvar chawia, mo neitu tuok dinga suokhai le chun, tekhi ni tâng a tih.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

MATTHAI 20:1

“Vân ram chu in neitupa, a grêp huona sinthawtuhai ruoi dinga zîngkâr inhmataka suok ang chu a ni si a.

MATTHAI 18:23

“Chuleichun, vân ram chu, laltak tu amanih, a suokhai kuoma sum chanchin sukfel tumtu le chun hrilkhi a nih.

MATTHAI 11:20

Chun, an sim naw leiin a thilmak thaw tamna tak khuohai chu a hal ta a.

1 LALHAI 8:47

sala an ṭhuoina rama an inngaituo suok a, an insîr a, ‘Thil ei lo suksuol a, indiknawtak le suoltakin ei lo thaw a ni tah,’ tia an hung ngên che a,

LUKA 21:31

Chuong ang bawkin nangni khawmin chuong chu a hung tlung in hmu phaleh, Pathien ram a hung hnai tah ti hre ro.

LUKA 16:30

Chun, ama chun, ‘Pa Abraham, ni lo e, mithi laia mi meu an kuomah fe sienla, sim an tih,’ a ta.

MATTHAI 25:14

“Vân ram chu mi ram danga fe tâwma, ama suokhai koa, a sumhai an kuoma inkawltir ang chu a ni si a.

MATTHAI 13:24

Tekhithu dang an kuomah a hril nâwk a, “Vân ram chu, mi a loa chi ṭha thetu le chun hrilkhi a nih;

MATTHAI 4:23

Chun, Isûn an inkhawmna inhaia inchûktirin, ram Chanchin Ṭha chu hrilin mihai laia natna tinrêng le hrât nawna tinrêng sukdamin Galili ram po po a fang pei a.

LUKA 1:16

Israel thlahai tamtak Lalpa an Pathien kuom tieng innghattir nâwk a tih.

JOB LEKHABU (THE BOOK OF JOB) 39:12

I chihai chu inah ama chun hung lâng a ta, I hrizâwl bu chu ama chun hung la khâwm a tih tiin ama chu i ring ngam chie am a nih?