MATTHAI 2:2 - Pathien Lekhabu Inthieng (BSI)

² “Judahai lal hung pieng chu khâwlai am a um a? A arasi khawsak tieng kan hmu a, ama chibai bûk dingin kan hung a nih,” an ta.

MATTHAI 2:2 Iomraidhean Croise

INPÂKNA HLABU 2:6

“Keima ngeiin ka tlâng inthieng Ziona chun, Ka lal siem chu kân ṭhungtir tah a nih” a ti a.

INPÂKNA HLABU 45:11

Chuongchun, laltakin i hmêl ṭhatak hi a dit ding annâwm, Ama chu i Lalpa a ni si a; chuongchun, ama chu chibai bûk hlak rawh.

ISAI 60:3

Chuongchun, hnam tin chu i var tieng chun hung an ta, lalhai khawm i hung suok varna tieng chun hung bawk an tih.

JEREMIA 23:5

Ngai ta, nihai chu a hung tlung mêk; Lalpa chun a tih: David-a hin kau feltak chu hung inṭotir ka ta, ama chun lal angin rorêl a ta, vartakin thâwng a ta; rama chun rorêlna le felna chu suksuok a tih.

JEREMIA 30:9

amiruokchu, Lalpa an Pathien rawng le, an lal David an kuoma ka tungding ding chu a rawng bâwl lem tâng an tih.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

NAMBAR 24:17

‘Ama chu ka hmu a, tuta a um ang ni lo hi, Ka thlîr a, hnaitea mi ang ni lovin; Jakoba inthawk chun arasi hung suok a ta, Israela inthawk chun lalhmawl hung suok a ta, Moab ram tluonin sun thleng a ta, Buoina nauhai po po suktlâwm a tih.

MATTHAI 2:3

Lal Herod chun a hriet phingleh a lunginzîng ta a, Jerusalema mi po po khawm an lunginzîng ve a.

MATTHAI 21:5

“ ‘En ta, i Lal chu thuhnuoirawltakin, Sabengtung chungah, sabengtungtê chunga ngeia chuongin, I kuomah a hung ding a nih,’ tiin, Zion naunu chu hril rawh,” ti hi.

MATTHAI 27:11

Chun, Isu chu Bawrsâp hmaa chun a ngîr a. Chun, Bawrsâp chun, “Judahai lal i ni?” tîn ân dawn a. Chun, Isûn, “I hril ang chun ka nih,” a ta.

LUKA 19:38

“Lalpa hminga hung chu inpâkin um raw se; vânah inremna inlêng sienla, achunghnungtaka khin ropuina um raw se,” tiin.

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

LUKA 23:3

Chun, Pilatin a kuomah, “Judahai lal i ni maw?” tiin ân dawn a. Ama chun a kuomah, “I hril angin ka nih,” a ta, a dawn a.

LUKA 23:38

Chun, a chung tienga chun, “HI MIPA HI JUDAHAI LAL A NIH” ti lekha ziek a um a.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 12:13

tûm kauhai an chawi a, a tuok dingin an va suok a, “Hosanna, Lalpa hminga Israel Lal hung chu inpâkin um raw se,” tiin an khêk a.

JOHAN 18:37

Chun, Pilatin a kuomah, “Chu lal i ni am a nih?” a ta. Isûn, “Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak,” a ta.

JOHAN 19:19

Chun, Pilatin lekha a ziek a, kraws lêr tieng a bel a, “NAZARETH ISU JUDAHAI LAL,” tiin ziek a nih.

JOHAN 20:28

Thoman a kuomah ,“Ka Lalpa le ka Pathien i nih,” a ta, a dawn a.

JOHAN 5:23

mi po poin Pa an inza angin Naupa khawm an inzana dingin. Tûkhawm Naupa inza naw chu Pa, ama tirtu inza naw a nih.

JOHAN 9:38

Ama chun, “Lalpa, ka ring ie,” a ta, chibai a bûk a.

HEBRAIHAI 1:6

Chun, Nau lutir chu khawvêla hin a ṭhuoi lût nâwkin, “Pathien vântirkohai po po khawmin, Ama chibai bûk raw hai se,” a ti a.

THUPUONGSUO 22:16

“Kei Isu hin kohranhai ta dingin hieng thu hi in kuomah inhriettir dingin ka vântirko chu ka hung tir a nih. David bulpui le a thla arasi vartak, sikhawvar chu ka nih,” a ta.