MARKA 8:2 - Pathien Lekhabu Inthieng (BSI)

² “Tûn mipuihai hi ka kuomah ni thum an um ta a, fâk ding iengkhawm an nei naw leiin ka lunginsiet bêk bêk a nih.

MARKA 8:2 Iomraidhean Croise

1 LALHAI 19:6

Chun, a hei en vêl a, ngai ta, a luthluona chun beiphêk lungsaa em hmin diem le tuiûm hi a lo um a. Chuongchun, a fâk a, a dâwn a, a zâl nâwk ta a.

INPÂKNA HLABU 103:13

Pain a nauhai a lunginsiet ang hin, Lalpa chun ama ṭituhai chu a lunginsiet hlak.

INPÂKNA HLABU 145:15

I thil siem po po mithai chun an nghâk hlak che a nih; Nangin a hun takah an bu i pêk hlak.

INPÂKNA HLABU 145:8

Lalpa chu mi lunginsiet thei, lainatnaa sip, Lunginuoi, ngilneina nasatak nei a nih.

MIKA 7:19

Ngha kîr nâwk a ta, ei chungah lunginsietna nei a tih; ei khawhlonahai chu a ke hnuoiah sirdêng a tih; nangin an suolnahai po po chu tuipui mawng inthûktakhaia chun pei lût i tih.

MATTHAI 14:14

Chuongchun, ama chu vapanga a suok chun, mipui nasatak a hmu a; a lunginsiet bêk bêk a, an damnawhai a sukdam a,

MATTHAI 20:34

Chuongchun, Isûn a lunginsiet bêk bêk a, an mit a them a; chuongchun, an hmu thei nghâl ta a, ama chu an zui ta a.

MATTHAI 9:36

Chuongchun, mipuihai chu a hmuin, vêngtu nei naw berâmhai anga rinum le indara an um leiin, a lunginsiet ta bêk bêk el a.

MARKA 1:41

Ama chun a lo lunginsiet bêk bêk a; a hei ban a, a them a, “Ka nuom ie, sukthiengin lo um ta rawh,” a ta.

MARKA 5:19

Nisienlakhawm, Isûn a phal naw a, a kuomah, “I ina i ruolhai kuomah fe la, Lalpain thil a thawpêk che hi a ropuizie le a lunginsietzie che hi va hril rawh,” a ti ta lem a.

MARKA 6:32

Chuongchun, thlalêr tieng lawngin a tumin an va fe ta a.

MARKA 6:34

Chuongchun, ama chu a hung suok chun, mipui nasatak a hmu a, vêngtu nei naw berâmhai ang an ni leiin a lunginsiet bêk bêk a; thu tamtak ân chûktir ta a.

MARKA 8:3

Bu ngheia an in tieng kân fetir el chun, lam kâr lakah an châu ding a ni si a, a ṭhen lem chu an hungna a hla hle si a,” a ta.

MARKA 9:22

hieng hin ama sukbohmang dingin vawi tamtak meia dâm, tuia dâm a nam thlûk ta a; nisienlakhawm, nangin iengtin amanih bêk i thaw thei chun mi lunginsiet la, mi ṭhangpui rawh,” a ta.

LUKA 15:20

“Chuongchun, a tho a, a pa kuomah a fe ta a. Chuongchun, hlataka a la um laiin a pain a lo hmu a, a lunginsiet bêk bêk a, a tlân a, a kuo a, a fâwp ta ngâwi ngâwi a.

LUKA 7:13

Chun, Lalpa chun hmeithai chu a hmu phingleh a lunginsiet bêk bêk a, “Ṭap naw,” a ta.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiempu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 4:15

Thiempu Laltak ei hrâtnawnahai mi hrietpui phâk lo nei ei ni si naw a. Eini anga kawng tinrênga thlêmna tuok tah, suol ruok chu suol lo nei ei ni lem.

HEBRAIHAI 5:2

Chuonghai chun iengkhawm hre nawhai le lampui inhmanghai chungah zai an daw thei hlak a nih, anni ngei khawm hrât nawna inhuol vêla an um bawk leiin.