MARKA 7:4 - Pathien Lekhabu Inthieng (BSI)

⁴ Chun, dâwr hmuna inthawk an inlâwi khawmin an insil naw chun an fâk ngai naw a. Chun, thu dang tamtak pawm tlat ding an lâksâwnghai chu a um a, nohai, bêlhai, sumbêlhai sâwp hai ang hi.)

MARKA 7:4 Iomraidhean Croise

INPÂKNA HLABU 26:6

Ka kuthai hi demkailonain sâwp ka ta, Chuong ang chun, aw Lalpa, i maichâm chu fe huol ka tih.

ISAI 1:16

Insâwp unla, insukfai ro, ka mithmu phâk nawah in thilthawhai hi a suolna chu sie hmang ro; suol thaw thaw el hi ma ta unla, thil ṭha thaw inchûk ta ro;

JEREMIA 35:5

chun, Rekab sûngkaw naupasalhai hmaa chun maihûn uoina sip le nohai ka sie a, an kuoma chun, “Uoin hi dâwn ro,” ka ti a.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

MATTHAI 23:25

“Dân inchûktirtu le Pharisai vervêkhai, in chung a rik! no le thlêng puo tieng in sâwp fai a, a sûng ruok chu hlêprûkna le insûm nawnain a sip si a.

MATTHAI 23:26

Nang Pharisai mitdel, no le thlêng sûng tieng chu sâwp fai hmasa rawh, a puo tieng khawm a hung fai theina dingin.”

MATTHAI 27:24

Chuongchun, Pilatin iengkhawm thaw thei loa buoi tieu tieu ding a nih ti a hrietin, tui a lâk a, mipui hmaa chun a kut a sâwp a, “Hi mi fel thisena hin kân thieng; nangnîn in thaw thawin thaw ro,” a ta.

MARKA 7:8

Pathien thupêkhai chu lungkham lovin, mihriem thurosie chu in chel tlat a ni hi,” a ta.

JOHAN 2:6

Chun, Judahai inthien dân angin lung tuibêl paruk, bûk sâwmli hmun hni amanih, hmun thum amanih keng seng chutaka chun an intung a.

JOHAN 3:25

Chun, Johan inchûktirhai le Juda pakhat inthien dân thuah an lo insêl a.

HEBRAIHAI 9:10

chuong chu fâk ding dâm, dâwn ding dâm, sâwp ding dang dang dâm leh, taksa tieng dânhai chau siem ṭhat hun hmaa dinga ruot chu a nih.

JAKOB 4:8

Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.