MARKA 7:2 - Pathien Lekhabu Inthieng (BSI)

² Chuonghai chun a închûktir aṭhenhaiin kut bala bei an fâk an lo hmu ta a. Bal ti hi sâwplo tina a nih.

MARKA 7:2 Iomraidhean Croise

MATTHAI 15:2

“Iengdinga i închûktirhaiin upahai thurosie chu an bawsiet hlak am a na? Bei an fâk pha kut an sâwp ngai si naw a,” an ta.

MARKA 7:5

Chuongchun, Pharisaihai le Dân inchûktirtuhai chun, “Iengdinga i închûktirhai hin ruolhlui thurosie ang peia um lova kut bala bei an fâk el hlak am a na?” tiin an indawn a.

LUKA 11:38

Chun, Pharisai chun bu fâk hmaa a kut a sâwp naw chu a hmuin mak a ti hle a.

THILTHAWHAI 10:28

An kuomah, “Juda mîn hnam dang kuoma fe le pâwl a thieng nawzie nangnîn in hriet a nih; nisienlakhawm, tukhawm inthiengnaw le pawrche ka ti ding an nawh ti Pathienin a mîn hriettir a nih.

THILTHAWHAI 11:8

Nisienlakhawm, keiin, ‘Lalpa, ni lo e, thiengnaw le inthiengnaw iengkhawm ka bauah a lût ngai nawh,’ ka ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:14

Ama le ama ngawt chun ân thieng naw iengkhawm a um nawh ti Lalpa Isua chun ka hriet hle a nih, thil inthieng lova ngaitu ta ding chun, ama ta ding chun ân thieng naw a nih.

HEBRAIHAI 10:29

Pathien Naupa sirde a, thuthlung thisen ama sukthiengna thil narâna ruota, lunginsietna Thlarau suknuortu chu, chu mi chu ieng anga hremna nasa lem tuor tlâka ruot ni dingin am in ngai a?

THUPUONGSUO 21:27

Nisienlakhawm, thil inthiengnaw hrim lût dêr naw ni a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.