MARKA 3:3 - Pathien Lekhabu Inthieng (BSI)

³ Ama chun kutzeng kuoma chun, “Hung ngîr dawk rawh,” a ta.

MARKA 3:3 Iomraidhean Croise

ISAI 42:4

Hnuoia hin rorêlna ân umtir hmakhat chun ama chu châu naw ni a, beidawng bawk naw nih; chun, thlierkârhai chun a dân thu chu nghâk zing an tih.

DANIEL 6:10

Daniel chun chu lekhazieka chun hming ziek a ni tah ti a hriet phingleh a inah a fe ta a; (a pindana a tukverhai chu Jerusalem khuo tienga hawng zing a na) chun, a khûpin ni khatah vawi thum pei a dingṭhaṭhuon a, a Pathien hmaa chun, a hmaa a lo thaw rawp tah angin a ṭawngṭai a, lâwmthu a hril ta a.

MATTHAI 12:10

Chun, ngai ta, mi pakhat kut zeng a lo um a, chun, an hêk theina dingin, “Châwlniin sukdam a thieng am?” tiin Isu an indawn a.

MARKA 3:2

Chun, ama an hêk theina dingin Châwlnin a sukdam ding le sukdam naw ding an enthlit a.

MARKA 3:4

Chun, an kuoma chun, “Châwlni hin sukṭhat am a thieng, suksiet? sandam am a thieng sukhlum?” tiin ân dawn a. Nisienlakhawm, an to zing a.

LUKA 6:8

Nisienlakhawm, ama chun an lungril chu a hriet a, kut zeng kuoma chun, “Tho la, a laiah ngîr dawk rawh,” a ta. Chun, a tho a, a ngîr dawk ta a.

JOHAN 9:4

Sûn a ni laiin a mi tirtu sin ei thaw ding a nih, zân a ni ding a ni ta hi, chu pha chun tukhawmin thaw thei naw ni hai.

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

GALATI 6:9

Chuongchun, thil ṭha thaw chu nghawk nâwng ei tiu, ei inhlêmsan naw chun a hun taka chun ei sîk ngei ding a nih.

PHILIPPI 1:14

Lalpaa unau tam lemhai khawm chun ka kawl bunnahai leia lo awi tlatin, ṭi lovin Pathien thu hril kawngah an huoi nasa zuol a nih.

1 PETER 4:1

Chuongchun, Kristain taksaa a tuor leiin nangni khawm, chuong ang lungrilin inthuom ve ro; taksaa tuor ta chun suol a bânsan ta si a.