MARKA 2:8 - Pathien Lekhabu Inthieng (BSI)

⁸ Chun, chuong thu chu an ngaituo a ni ti Isûn a lungrilin a hriet nghâl ta a, an kuomah, “Chuong thu chu iengdinga in lungrila in ngaituo am a na?

MARKA 2:8 Iomraidhean Croise

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân ta a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

INPÂKNA HLABU 139:2

Nangin ka ṭhung le ka ngîr hi i hriet hlak a, Ka ngaituona hi hlataka inthawk khawmin i hriet thiem hlak.

THUVARHAI 15:26

Remruotna rilohai hi Lalpa ta dingin tirdakum a na, Thu lâwmumhai ruok chu ân thieng.

THUVARHAI 24:9

Invêt ngaituona chu suol a na, Hmusittu chu mihriemhai ta dingin tirdakum a nih.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

EZEKIEL 38:10

“Lalpa Pathien chun hieng hin a ti a nih: Chu ni chun chuong chu hung tlung a ta, thilhai chu i lungrila chun hung lût a ta, ngairuotna rilo ngairuot i ta,

MATTHAI 12:15

Nisienlakhawm, Isûn chu chu a hrietin, chutaka inthawk chun a fe hmang ta a.

MATTHAI 16:7

Chun, anni chun, “Bei ei chawi dêr nawh,” tiin an inngaituo a.

MATTHAI 9:4

Isûn an ngaituohai chu a lo hriet a, “Iengdinga in lungrila suol in ngaituo am a na?

MARKA 2:7

“Hi mipa hin ieng dinga hieng thu hi hril am a ni leh? Pathien a hrilsiet a ni hi. Mi pakhat, Pathien chau naw chun tuin am suolhai a ngaidam thei a?” tiin.

MARKA 2:9

Zeng kuoma chun, ‘I suol ngaidam a ni tah,’ ti le, ‘I puonpha la la, kein fe ta rawh,’ ti hi a ieng am hril a awl lem a?

MARKA 7:21

Sûng tienga um mihriem lungrila inthawkhai chun, ngaituona suol dâm a hung suok hlak nghâl a; inditna dâm, inrûkna dâm, tuolthatna dâm, uirena dâm,

LUKA 24:38

Chun, ama chun an kuomah, “Iengdinga in lunginzîng am? Iengdinga in lungrila ringhlâna a hung um am?

LUKA 5:22

Chuongchun, Isûn an ngaituo chu a hriet a, an kuomah, “In lungrilah ieng am in ngaituoh a?

LUKA 6:8

Nisienlakhawm, ama chun an lungril chu a hriet a, kut zeng kuoma chun, “Tho la, a laiah ngîr dawk rawh,” a ta. Chun, a tho a, a ngîr dawk ta a.

JOHAN 21:17

A vawithumnaa chun, “Simon, Johan naupa, nangin kei i mi ngaina am?” a ta. Chun, a vawithumnaah “Nangin i mi ngaina am,” a kuoma a ti lei chun Peter a lungngai a, a kuomah, “Lalpa, iengkim i hriet a, ka ngaina che ti i hriet,” a ta. Isûn a kuomah, “Ka berâmhai châwm rawh.

JOHAN 6:64

Nisienlakhawm, nangni laia a ṭhen ring naw in um,” a ta. Isûn a ring nawtu le ama inmantirtu ding chu a tîra inthawkin a hriet zing si a.

THILTHAWHAI 5:3

Nisienlakhawm, Peterin, “Anania, Thlarau Inthieng hlêm ding le, hnuoi man a ṭhen ip dingin iengdinga Setanin i lungril a suksip am a na?

THILTHAWHAI 8:22

Chuleiin, i suol hi sim la, Lalpa kuomah ṭawngṭai rawh, chuongchun, i lungrila i ngaituo hi a ngaidam thei khiet che rawi mawh.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.