MARKA 2:5 - Pathien Lekhabu Inthieng (BSI)

⁵ Chuongchun, Isûn an ringzie chu a lo hmu a, mi zeng kuoma chun, “Naupa, i suolhai ngaidam a ni tah,” a ta.

MARKA 2:5 Iomraidhean Croise

INṬANNA 22:12

Ama chun, “Naupang chunga khan i kut thlâk naw la, ama kha iengkhawm law naw rawh; i naupasal nei sun khawm mi pêk în ro naw leiin Pathien i ṭi ti tuhin ka hriet tah,” a ta.

INPÂKNA HLABU 103:3

Ama chun i rîtlona po po a ngaidam hlak a, I natna po po a sukdam hlak.

ISAI 38:17

Ngai ta, ka lungmuongna dingin a nih, ninginîpna nasatak ka nei kha; Nisienlakhawm, nang chun ka hringna i lunginsiet leiin, sietna khur sûnga inthawk chu i sanhim ta a; Ka suolhai po po kha i hnungtienga chun i pei vawng si a.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

MATTHAI 9:2

Chun, ngai ta, zeng pakhat khuma zâl pumin a kuomah an hung zâwn a. Isûn an ringzie a hmuin, zeng kuoma chun, “Ka nau, lungmuongtakin um rawh; i suolhai ngaidam a ni tah,” a ta.

MATTHAI 9:22

Chun, Isu a ngha a, ama chu a hmu a, “Ka naunu, lungmuongtakin um rawh, i ringna hi i dampui a nih,” a ta. Chuongchun, nuhmei chu chu dâr chena chun a hung dam ta a.

MATTHAI 9:5

‘I suolhai ngaidam a ni tah,’ ti le, ‘Tho la kein fe rawh,’ ti hi a ieng am ti a awl lem a?

MARKA 2:6

Chun, Dân inchûktirtu ṭhenkhat chutaka chun an ṭhung a, an lungril chun hieng hin an ngaituo a,

MARKA 5:34

Chun, ama chun a kuomah, “Ka naunu, i ringna hi i dampui a nih, lungmuongtakin fe la, i natna chu lo dam sawng ta raw se,” a ta.

LUKA 5:20

Chun, an ringzie chu a lo hmuin, a kuomah, “Mihriem, i suolhai ngaidam a ni tah ie,” a ta.

LUKA 8:48

Chun, ama chun a kuomah, “Ka naunu, i ringna hi i dampui a nih, thlamuongtakin fe rawh,” a ta.

JOHAN 2:25

Mihriem thu tukhawm ihril a ngai nawh, ama chun mihriem sûnga um taphawt chu a hriet si a.

JOHAN 5:14

A nakie chun ama chu Isûn Pathien biekinah a hmu a, a kuomah, “Ngai rawh, i dam ta hi, thil suksuol nâwk ta naw rawh, chuongnaw chun, thil ṭha naw nâwk zuol i chungah hung um rawi a tih,” a ta.

THILTHAWHAI 11:23

Chun, ama chu a va tlung a, Pathien lunginsietzie chu a hmu chun a lâwm hle a; ṭhahnemngaitaka Lalpa chel zing dingin an rêngin ân fui ta a.

THILTHAWHAI 14:9

Ama chun, Paula thu hril a ngai a, chun, Paula chun, ama chu a en zing a, damna dingin ringna a nei ti a hriet a,

THILTHAWHAI 5:31

Ama ngei kha Pathienin Lal le Sandamtua um dingin a changtieng a chawimawi tah, Israelhai suol insimtir ding le ngaidam dingin.

1 KORINTH 11:30

Hi lei hin nangni laia tamtak chu, in hrâtnawin in hrivawi a sie a nih, ṭhenkhat chu in thi ta a.

2 KORINTH 2:10

Ieng kawnga khawm mi in ngaidam taphawt chu, kei khawmin ka ngaidam ve a; kei khawma ka ngaidam tasa chu, iengkhawm ka ngaidam ta chun, nangni leiin Krista hmaa chun ka ngaidam tah a nih;

EPHESI 2:8

Ringna leia lunginsietnaa sandam in ni si a, chu khawm chu nangnia inthawka suok a ni naw a, Pathien thilpêk a nih.

KOLOSSA 3:13

Tûkhawmin tu chunga khawm thupawi nei ang unla, indaw tuoin, inngaidam tuo unla, Lalpa chun a ngaidam ang tak cheu khan ngaidam ve ro.

JAKOB 5:15

Chun, ringnaa ṭawngṭaina chun damnaw chu sukdam a ta, Lalpa chun ama chu keitho a tih; chun, thil a lo suksuol ta chun, ngaidampêk nîng a tih.