LUKA 3:9 - Pathien Lekhabu Inthieng (BSI)

⁹ Tu ngei khawm hin hreipui thing bul tinah an sie tah; chuongchun, thing tin ra ṭhaa ra naw taphawt chu an phûr a, meiah an pei hlak,” a ta.

LUKA 3:9 Iomraidhean Croise

EZEKIEL 31:18

“Edena thinghai laia hin ropuina le mawinaah ieng le hin am in inang a? Hnuoi khingtieng panga chun Eden thinghai le chun nang chu sukhnuoi i la ni ding a nih; kâwlhnâma thata lo um tah, sertan lohai laia chun i zâl ve ding a nih; Hi hi Pharao le a mipuihai chu an nih, Lalpa Pathien chun a tih,” tiin.

DANIEL 4:14

Ama chu inringtakin a khêk a, ‘Thing kha phûr thlu unla, a kâuhai kha tan thla ro, a hnahai kha sâwi ṭil unla, a ra kha the dar bawk ro; a kâuhaia vatehai le, a hnuoia ramsahai kha fe hmang raw hai seh.

DANIEL 4:23

Chun, lalin vâna inthawka vêngtu le mi inthieng hung thlaa, Thing kha phûr thlu unla sukbohmang ro, amiruokchu, a zunghai kûnghmui ruok chu hnuoia hlobet innêm lai thîr le dârsen hnânga khuopin mâksan ro, vâna inthawka daidâw chun hu hlak sienla, a fâk ding khawm chu ramhnuoia ramsahai fâk ang chu ni raw se; ama chunga hun sarihai a fe liem hmakhat chun, ti thu an hung hril ruok hi chu,

MATTHAI 3:10

Tuta inthawk el khawmin thing bul tinah hreipui an sie tah; chuongchun, thing tin ra ṭhaa ra naw phawt chu an phûr a, meiah an pei hlak.

MATTHAI 7:19

Thing tin a ra ṭha naw chu an phûr a, meiah an pei hlak.

LUKA 13:6

Chun, hi tekhithu hi a hril a, “Tûin amanih a grêp huonah theichang phun pakhat a nei a; chun, a kûnga chun a ra a hung zawng a, pakhat khawm a hmu naw a.

LUKA 13:7

Chuongchun, grêp huon enkawltu kuomah, ‘Ngai rawh, kum thum sûng hin hi theichang kûnga hin a ra ka zawng hlak a, pakhat khawm ka hmu si nawh; phûr rawh; iengdinga hmun hluo saka a um zing am a na?’ a ta.

LUKA 13:9

chun a hung ra chun ṭhâng a ta, a ra naw ruok chun phûr el rawh,’ a ti a,” a ta.

JOHAN 15:6

Mi keimaah a um zing naw chun kâu anga peihâwnin a um a, a vuoi hlak; chun, an inkhâwm a, meiah an pei a, a kâng hlak.

HEBRAIHAI 10:28

Mosie Dân thu pawisa naw mi chu, hretu pahni pathum amani thuin lainatna ṭhang lovin an thi hlak.

HEBRAIHAI 12:29

ei Pathien hi mi kâng bohmang mei a ni si a.