Chun, keia thu chu, Paddanaram rama inthawka ka hung lai khan Rakil chu Kanaan ramah, lampui kârlakah, Ephrath chu a la hlat fe laiin, ka bulah a thi a: chutaka Ephrath lampuia chun ka phûm ta a (chu chu Bethlehem a nih)” a ti a.
Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.
Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.
Chuongchun, an pahni chun Bethlehem chenin an fe ta a. Bethlehem an tlung chun anni lei chun a khaw phêkin an inhnîng ta sup sup el a; chun, nuhmeihai chun, “Hi hi Naomi kha a ni maw?” an ti a.
Chun, ngai ta, Bethlehema inthawkin Boaz chu a hung a, busîktuhai kuoma chun, “In kuomah Lalpa um raw se,” a ti a. Anni chun, “Lalpain malsâwm raw se che,” tiin an dawn a.
Chun, kul kawtkhâra mipui po po le upahai chun, “Hrepuituhai kan nih. I ina nuhmei hung lût chu, Israel sûngkuo indintu pahni Rakil le Leah ang khan Lalpa chun siem raw se; chun, Ephrathaa chun tluongtlungtakin um la, Bethlehema chun hminginthangtakin um rawh;
Chun, a tuolbâwm nuhmeihai chun, nau hming chu an hung sak a, “Naomiin naupasal a nei tah,” tiin a hmingah Obed an sak a; ama chu, David pa Jesai a pa a hung nih.
Chun, Lalpa chun Samuel kuomah, “Israel mihai lal dinga ka dit ta naw hnung chu Saula lei hin ieng chen am i lungngai ding a ni leh? I kiah hriek thun sip la, fe rawh; Bethlehem mi Jesai kuomah ka tir ding che a nih, a naupasalhai laia mi lal dingin ka ruot zing tah a nih,” a ta.
Chuongchun, Samuel chun Lalpa hril ang chun a thaw a, Bethlehema chun a fe ta a. Khuoa upahai chun inthin pumin ama an lo tuok a, “Thu ṭhaa hung am i nih?” an lo ti a.
Chun, David chu Jesai naupa a na, ama chu Bethlehem-Judaa Ephrath mi kha a na, naupasal pariet a nei a; ama chu Saula inlal lai chun tartak a ni ta a, tarsiea ngai a ni tah.
I pa chun ka um naw hi hung hre suok a ni hlau chun, ‘David chun a khuo Bethlehema va fe vak dingin a mi hni a mi hni a, an sûngkaw ta dinga an kum tin inthâwi hun a na,’ lo ti la.