LUKA 10:2 - Pathien Lekhabu Inthieng (BSI)

² Chun, an kuomah, “Bu sîk ding a tam hle a, nisienlakhawm, a sinthawtuhai an tlâwm; chuongchun, a bu sîk dinga sinthawtuhai ding tir dingin bu Neitupa kuoma chun ngên ro.

LUKA 10:2 Iomraidhean Croise

1 LALHAI 18:22

Chuongchun, Elija chun mipuihai kuoma chun, “Lalpa zâwlnei la um chu keima chau hi ka na, Baal zâwlneihai ruok chu mi za li le sâwmnga an nih.

INPÂKNA HLABU 68:11

Lalpain thu chu a pêk hlak a, Chanchin hriltu nuhmeihai chu pâwl lientak an nih.

JEREMIA 3:15

chuongchun, ka lungril ang takin berâmpu ding pêng ka ti cheu a, ama chun hrietna le hrietthiemnain châwm a ti cheu.

ZEKARIA 11:17

Berâmpu, berâm ruol mâksantu chung chu a va rik de! Kâwlhnâm chu a kut chunga chun um a ta. A mit changtieng chunga leh; A bân ṭâwl zo vawng a ta, A mit changtieng khawm chu inthim tlat a tih!

ZEKARIA 11:5

ân chawtuhai chun anni chu an that a, anni chu suolah an inngai naw a; chun, anni zawrtu khawm chun, ‘Lalpa chu inpâkin um raw se, ka hausa si a’, an ta; an berâmpuhai ngei khawm chun anni chu an lunginsiet nawh.

NAMBAR 11:17

Chuongchun, hung ṭum ka ta, chutaka chun hung bieng ka ti che; chun, nangmaa thlarau chu an chunga chun sieng ka ta; nanga khâta phur lovin, mipuihai rikphur chu phurpui an ti che.

NAMBAR 11:29

Mosie chun a kuomah, “Keia leia ngaimaw am i nih? Lalpa mihai po po chu zâwlnei ni vawng hai sienla. Lalpain an chungah a thlarau chu sie seng sienla ti nâklaiah,” a ta.

MATTHAI 20:1

“Vân ram chu in neitupa, a grêp huona sinthawtuhai ruoi dinga zîngkâr inhmataka suok ang chu a ni si a.

MARKA 13:34

Mîn a in mâksana, a suokhai chu thu inneitira, an sin thaw ding pe seng a, kawtkhâr vêngtu khawm chu inring zinga um ding thu a pêk zet a, ram hlataka inzin ta dai ang a nih.

MARKA 16:15

Chun, an kuomah, “Khawvêl po poah fe unla, thilsiemhai po po kuomah Chanchin Ṭha hi hril ro.

MARKA 16:20

Chuongchun, anni chu an fe suok a, ram tinah thu an hril ta a; Lalpain anni ân thlawppui a, a zuitu inchiknahai chun an thu chu a sukdet pei a, Amen].

LUKA 9:1

Chun, Isûn sâwm le pahnihai chu a ko khâwm a, khawhri po po chunga thilthawtheina le thuneina le natnahai sukdam theina a pêk a.

THILTHAWHAI 11:19

Chun, Stephan leia an suknawmnata indarhai kha, Phoiniki ram dâm, Kupra thlierkâr dâm, Antiokei dâm chenin an fe a, Judahai kuoma chau naw chu tu kuoma khawm thu an hril naw a.

THILTHAWHAI 13:2

Chun, Lalpa rawng an bâwl a, bu an nghei laiin, Thlarau Inthiengin, “Barnaba le Saula hi anni ka ruot ang san thaw dingin mi suktumpêk ro,” a ta.

THILTHAWHAI 13:4

Chuongchun, Thlarau Inthieng tir suok chun an fe ta a, Selukai khuoah an fe thla a, chutaka inthawkin Kupra thlierkârah lâwngin an fe a.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

THILTHAWHAI 22:21

“Chun, ama chun, ‘Fe rawh; hitaka inthawka hlatakah, Jentailhai kuomah tir lem ka ti che,’ a mi ti a,” a ta.

THILTHAWHAI 8:4

Chun, ân darhai chu khaw tinah an fe a, thu chu an hril pei a.

1 KORINTH 12:28

Chun, Pathienin ṭhenkhat chu kohran lai a sie a, pakhatnaa chun tirkohai, a pahninaa chun thuhriltuhai, a pathumnaa chun inchûktirtuhai a sie a, chu hnunga chun thilmak thawhai an um a, chu zoa chun sukdam theina thilpêkhai, ṭhangpui theina thilpêkhai, rorêl thiemna thilpêkhai, ṭawng hrietlo chi tum tuma thuhril theina thilpêkhai a um nâwk a.

1 KORINTH 15:10

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

2 KORINTH 6:1

Chun, Pathien lunginsietna chu ṭhathnempui lova in hmu nawna dingin, ama thawpuiin ka ngên cheu a nih.

PHILIPPI 2:21

An rêngin Isu Krista thil zawng lovin, mâni thil an zawng hlak si a.

PHILIPPI 2:25

Nisienlakhawm, Epaphrodita, ka unaupa, ka sinthawpui, ka sipaipui le in tirko, ka thil tlâksama mi sawmdâwltu hi in kuoma hung tir ṭulin ka hriet.

PHILIPPI 2:30

In mi sawmdâwlna tlin bâk chu sunzawm dingin thi huoma thâtak suoin, Krista sinthawna leiin thi vângin a lo um ta si a.

KOLOSSA 1:29

chuong anga inngîrtir thei dingin, nasataka keimaa sin a thaw, chu a sinthaw ang peia thaw ṭâlin, ka thaw hrim bawk hlak a nih.

KOLOSSA 4:12

Epaphra, nangni laia mi, Krista Isu suokpa hin chibai a bûk cheu; ama chun Pathien dit zâwng taphawta puitling le ring tlatna neia in ngîr theina dingin a ṭawngṭainahaia chun in ta dingin a thaw rawp a nih.

1 THESSALONIKA 2:9

Unauhai, kan thaw sâwlzie le kan sin inrimzie kha in hriet zing deh! nangni laia tûkhawm kan sukkhâwk nawna ding cheuin a sûn a zâna sin thawin, Pathien Chanchin Ṭha kan hril hlak cheu kha.

1 THESSALONIKA 5:12

Nisienlakhawm, unauhai, kan ngên cheu a nih: nangni laia sin inrim le Lalpaa in hotua um le, a kâwktuhai cheu chu hre ding le,

2 THESSALONIKA 3:1

A tâwp taka chun,unauhai, kan ta dingin mi ṭawngṭaipêk ro; Lalpa thu hi nangni laia a um ang khan, hrâttaka indara chawimawia a um theina ding le,

1 TIMOTHE 4:10

Chuongchun, Pathien hring chu ei awi leiin sin ei inrim a; ei thaw hrâm hrâm a nih, ama chu mi po po sandamtu a na, ama ringtuhai sandamtu a ni bîk tak a nih.

2 TIMOTHE 4:5

Nang ruok chu iengkimah fimkhur la, rinum tuor la, Chanchin Ṭha hriltu tieng sin thaw la, i rawngbâwlna kha hlen rawh.

PHILEMON 1:1

Paula Isu Krista mi intâng le ei unaupa Timothe chun:

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.

THUPUONGSUO 2:1

“Ephesia kohran tirko kuoma chun hieng hin ziek rawh: “ ‘A kut changtienga arasi pasari chawia, rângkachak khâwnvar siena pasari laia inlawn inlawn khan, hieng thu hi a hril a nih: