LUKA 1:8 - Pathien Lekhabu Inthieng (BSI)

⁸ Chun, a pâwlhai thaw dân ang peia Pathien hmaa thiempu sin a thaw laiin,

LUKA 1:8 Iomraidhean Croise

1 CHANCHIN SUINA 24:19

Lalpa Israelhai Pathienin ama thu a pêk anga, an thlatu Aron hmanga dân a pêk ang taka, Lalpa ina rawngbâwl dinga an hung dân dinga, an rawngbâwlnaa an indawt dân chu a nih.

1 CHANCHIN SUINA 24:2

Amiruokchu, Nadab le Abihu chu an pa nêkin an thi hmasa a, nau an nei naw a; chuongchun, Eleazar le Ithamar chun thiempu sin chu an thaw ta a.

2 CHANCHIN SUINA 11:14

Levi mihai chun an ram le an khuohai chu an mâksan a, Jerusalem le Judai rama chun an hung a; Jeroboam le a naupasalhai chun anni chu Lalpa ta dinga thiempu sinhai chu thaw lo dingin an hnawt suok si a,

2 CHANCHIN SUINA 31:19

thiempu Aron naupasalhai an khawpuihai khaw hmawr phûla umhai khawm chun, khawpui tamtak elahai chun, Levi mihai laia inthla dâna tiem sa po pohai le thiempuhai laia pasal po pohai kuoma an chanhai sempêk dingin, an hming suota ruot an um bawk a.

2 CHANCHIN SUINA 31:2

Hezekia chun an pâwlhai ang peiin thiempuhai le Levi mihai chu an pâwl a ruotpêk a; mi tin an sinthaw ang peiin, thiempuhai le Levi mihai chu Lalpa bûk dai kawtkhârhaia inpâk a, lâwmthu hril a, rawngbâwl a, inremna thilinhlânhai le pumrawhmang thilinhlânhai chu thaw dingin.

2 CHANCHIN SUINA 8:14

Chun, a pa Davidin a lo sukdet ta angin, an rawngbâwlna dingin thiempuhai pâwl hun chu a ruotpêk a; chun, Levi mihai khawm chu sin tuk an nina, inpâk ding le thiempuhai hmaa rawngbâwl dingin, ni tina a ṭûl ang peia an bituk angin a ruot bawk a; dai kawtkhâr tinahai chun kawtkhâr vêngtuhai chu an pâwl hun ang peiin, chuong ang chun Pathien mi David chun thu a lo pêk ta si a.

EZRA 6:18

Mosie lekhabua ziek a ni angin, thiempuhai chu an pâwl sengin, Levi mihai chu an chanpuol ang sengin Pathien rawngbâwl ding chun an sie ta a.

FESUOKNA 28:1

“I unaupa Aron hi Israel mihai laia inthawkin ama le a naupasalhai hi, thiempu sina ka hmaa rawng an bâwl theina dingin Aron le Aron naupasalhai, Nadab le Abihu, Eleazar le Ithamar hi i kuomah hung ṭhuoi rawh.

FESUOKNA 28:41

I unaupa Aron le a naupasalhai chu inhâktir i ta, anni chu ka hmaa thiempu sina rawng an bâwl theina dingin hriek nâl i ta, namdet i ta, inhlân thieng i tih.

FESUOKNA 29:1

“Tuhin Thiempu sina ka rawng bâwl dinga anni inhlân thieng dinga an chunga i thaw ding chu hi hi a nih: bâwngchal tuoi pakhat le berâmchal pahni demkailo le,

FESUOKNA 29:44

Intuokna puon in le maichâm chu sukthieng ka ta, Aron le a naupasalhai khawm chu thiempu sina ka rawng bâwl dingin sukthieng ka tih.

FESUOKNA 29:9

an kâwng chu kâwngkhiin hrên i ta, lukhim inkhimtir i ta, thiempu nina chu kumkhaw dânah nei an tih: chun, Aron le a naupasalhai chu în hlânthieng ding a nih.

FESUOKNA 30:30

Chun, Aron le a naupasalhai chu thiempu sina ka hmaa rawng an bâwl theina dingin nâl i ta, inhlân bawk i tih.

NAMBAR 18:7

Nang le i naupasalhai hin maichâm le puonzâr sûngtieng in thiempu sin chu thâwng in tih. Chun, nangin rawngbâwl i tih, thiempu sin hi in rawngbâwl sin dingin ka pêk cheu a nih; hnam dang hung inrawl ve phawt chu sukhlum nîng an tih,” a ta.

LUKA 1:5

Judai ram lal Herod a dam laiin, Abija pâwla mi a hming Zakaria, thiempu pakhat a um a. Ama chun Aron thlaa mi nuhmeiin a nei a, a hming chu Elizabeth a nih.

LUKA 1:7

Nisienlakhawm, Elizabeth chu a ching leiin nau an nei naw a, an pahni chun upatak an ni si a.