LEVI DÂN 7:1 - Pathien Lekhabu Inthieng (BSI)

¹ “Hi hi bawsietna inthâwina dân ding chu a nih: Thil inthieng tak a nih.

LEVI DÂN 7:1 Iomraidhean Croise

2 CHANCHIN SUINA 31:14

Chun, saktieng dâi kawtkhâr vêngtu Levi mi Imna naupa Kore chu thil inthiengtakhai le, Lalpa kuoma thilpêkhai chu sem dinga, Pathien kuoma mâni nuomthua thilinhlânhai chunga hotu a nih.

EZEKIEL 40:39

Chun, dâi kawtkhâr tuolpûk lût- naa chun, hi tieng sîrah dawkân pahni, khing tieng sîrah dawkân pahni bawk, pumrawhmang thilinhlân dâm, suol thilinhlân dâm, bawsietna thilinhlân dâm thatna dingin a um a.

EZEKIEL 44:29

Bu thilinhlân dâm, suol thilinhlân dâm, bawsietna thilinhlân dâm chu fâng an ta; Israel laia thilhlân tinrênghai chu an ta nîng a tih.

EZEKIEL 46:20

Chun, ka kuoma chun, “Hi hi a nih thiempu haiin bawsietna thilinhlân chu an suongna ding le, suol thilinhlân an suongna ding hmun chu; bu thilinhlân khawm hitaka hin em bawk an tih; chuongchun, mipui chu inhlânthieng dingin biekbuk tuolzawl a puo lema chun an hung ṭhuoi suok ding a ni nawh,” a ta.

LEVI DÂN 21:22

A Pathien fâkmi thilinhlâna mi, ân thieng tak le thil inthienghaia mi chu fa thei a ta;

LEVI DÂN 5:11

Amiruokchu, a neiin vaṭhu pahni amanih, pârva te pahni amani khawm a tlin naw chun, a suol mana dingin a thilinhlânah suol inthâwina beiphit indîtak epha hmun sâwma ṭhea hmun khat hung chawi a ta; hriek a nâl ding a ni naw a, a chungah berâw khawm a sie ding a ni nawh, suol inthâwina a ni leiin.

LEVI DÂN 5:14

Lalpa chun Mosie a biek a,

LEVI DÂN 5:15

“Tukhawmin thil a suksuol a, Lalpa thil inthienghai chunga a suol pal chun, a bawsiet inthâwina dingin, a ruol laia mi berâmchal demkailo, hmun inthieng shekel anga tangka shekel iemani zât hua ngai chu, Lalpa kuomah a hung kei ding a nih; chu chu bawsiet inthâwina a nih.

LEVI DÂN 5:7

“A neiin berâmte chu a tlin naw ruok chun, Lalpa kuoma inhlân dingin, a suol thaw ta leia bawsietna inthâwina dingin; vaṭhu pahni amanih, pârvate pahni amanih a hung chawi ding a nih; pakhat chu suol inthâwina dingin, pakhat chu pumrawhmang thilinhlân dingin.

LEVI DÂN 5:8

Thiempu kuoma chun hung chawi a ta; ama chun suol inthâwina ding chu inhlân hmasâng a ta, phel lovin a lu chu a rîngah her bawng a ta;

LEVI DÂN 6:17

Chawl ṭhanga em ding a ni nawh. Mei hmanga ka thilinhlân an chanvo dinga ka thilpêk a nih; chu chu suol inthâwina le bawsiet inthâwina ang bawkin thil inthiengtak a nih.

LEVI DÂN 6:25

“Aron le a naupasalhai kuoma chun hril la: Hi hi suol inthâwina dân ding chu a nih. Pumrawhmang thilinhlân thatna hmuna chun suol inthâwina khawm chu Lalpa hmaa that ding a nih. Chu chu thil inthieng tak a nih.

NAMBAR 6:12

Thiemnaw thâwina dingin berâmte a chal kum khat mi hung chawiin ân suktumna nihai chu Lalpa kuomah thaw ṭha nâwk a tih; ân suktumna chu sukpawrche a ni tâk leiin a hmaa mi kha iengkhawm a ni ta si naw a.