LEVI DÂN 4:2 - Pathien Lekhabu Inthieng (BSI)

² “Israel mihai chu hril la, an kuomah, ‘Lalpain thawlo dinga thu a pêkhaia hin, a ienga khawm mîn suksuol palin, a ieng ieng khawm hi lo thaw ta sienla,

LEVI DÂN 4:2 Iomraidhean Croise

INṬANNA 20:9

Chuongchun, Abimelek chun Abraham a ko a, a kuomah, “Kan chunga i thil thaw hi iengtizie am a ni a? Ieng kawng âm i chungah thil kan suksuola kei le ka khuoletuihai chunga hin thil suol nasatak i hung intlungtir hi? Thil thaw âwm naw tak ka chungah i thaw ta hi,” a ti a.

INPÂKNA HLABU 19:12

Tuin am mâni suksuolhai hre thei a ta? Suol inthuphaia inthawk hin mi sukkieng rawh.

INPÂKNA HLABU 19:13

Thil suksuol ngainaw dingin i siehlaw hi mi chel la, Ka chungah anni chu thu inneitir naw la; chuongchun, ṭha famkimin um ka tih. Bawsietna nasataka inthawkin demkailovin um ka tih.

THUHRILTU 5:6

I bauin suolna tieng a ṭhuoilût ding che phal naw la; Pathien mitirhai hmaa chun 'intiem suolpal a ni kha' ti bawk naw rawh; iengleiin am i ṭawngbauah Pathien chu lunginsenin, i kut sinthawhai chu a sukbohmang el a ta?

LEVI DÂN 22:14

Mîn hre lova thil inthieng chu a fâk chun, a hmun ngaa ṭhea hmun khat chu sie sâng a ta, thil inthieng chu thiempu a pêk ding a nih.

LEVI DÂN 4:1

Lalpa chun Mosie a biek a,

LEVI DÂN 4:13

“Chun, Israel mi po poin an suksuol pal a, mipui mithmua thupa umin, Lalpain thaw lo dinga thu a pêkhai, a ieng khawm chu an thaw a, thiemnaw an chang a,

LEVI DÂN 4:22

“Rorêltuin thil a suksuol a, Lalpa a Pathienin thaw lo dinga thu a pêkhai po po kha a ieng ieng khawm a thaw pal a, thiemnaw a chang a,

LEVI DÂN 4:27

“Vântlâng laia mi tukhawmin Lalpain thaw lo dinga a thupêkhai a ienga khawm suksuol palin, thiemnaw lo chang ta sienla,

NAMBAR 35:11

himna khuo ding in ruot ding a nih, tuolthat paltu tlânna dingin.

DÂN PAHNINA 19:4

Tuolthathai chutaka tlânlûta him theihai chu hienghai hi an nih; mîn a tuolbâwm kha hmaa theidâna khawm nei chuong lova that paltu hai,

1 TIMOTHE 1:13

Inhma chun hrilsetu le suknawmnatu le sawisatu ni lang khawm, awi naw puma hre lova thaw ka ni leiin zângaina chu ka hmu a nih;

HEBRAIHAI 5:2

Chuonghai chun iengkhawm hre nawhai le lampui inhmanghai chungah zai an daw thei hlak a nih, anni ngei khawm hrât nawna inhuol vêla an um bawk leiin.

HEBRAIHAI 9:7

a dawttua ruok chun Thiempu Laltak chau kum tin vawikhat thisen chawi ngeiin a lût hlak, chu chu mihai le ama suolna ta dingin ân hlân hlak.

JAKOB 3:10

Bau hmunkhata inthawkin inpâkna le ṭawngse inphurna a suok hlak. Ka unauhai, chuong thil chu chuong ang chu a ni ding a ni nawh.

1 SAMUEL 14:27

Nisienlakhawm, Jonathan chu a pa chun mipuihai chu inkhâma a vau lai a hriet ve naw a; chuongchun a hmawl chawi hmawr chu khuoithlâra chun a sunphûm a, a liek a, chuongchun, a mit meng chu a hung fie ta a.