LEVI DÂN 3:9 - Pathien Lekhabu Inthieng (BSI)

⁹ Chuongchun, inremna thilinhlân, inthâwinaa mi, Lalpa ta dinga mei hmanga thilinhlâna ding chun, a thâu dâm, a mei thautak a zângru bula tan a tluonin, a rîlbâwtu thâu leh,

LEVI DÂN 3:9 Iomraidhean Croise

2 SAMUEL 6:17

Chuongchun, Lalpa bâwm chu an lâk lût a, a siena dinga Davidin a zar, puon in sûnga a hmun dinga chun an sie ta a; chun, David chun pumrawhmang thilinhlân le inremna thilinhlân chu Lalpa hmaa chun ân hlân a.

1 LALHAI 3:15

Chun, Solomon chu a hang har a, ngai ta, mang a lo ni zing el a; chun, Jerusalemah a fe a, Lalpa thuthlung bâwm hmaah a ngîr a, pumrawhmang thilinhlân le inremna thilinhlân ân hlân a; a siehlaw po pohai ta dingin ruoi a ṭhe a.

1 LALHAI 8:63

Chun, Solomonin ân hlân inremna thilinhlân dinga inthâwina bâwngchal sîng hni le sâng hni le berâm nuoi khat le sîng hni ân hlân a. Chuong ang chun lal le Israel thlahai po po chun Lalpa in chu an inhlân a nih.

1 LALHAI 8:64

Chu ni ma chun lal chun Lalpa in hma zâwna inhuon sûng tuollai chu a sukthieng a, chutaka chun Lalpa hmaa dâr maichâm chu pumrawhmang thilinhlânhai, beiphit thilinhlân dâm, inremna thilinhlân sa thâu dâm siena dinga a chîn talaw leiin, pumrawhmanga thil inhlân dâm, beiphit thil inhlân dâm, inremna sa thâu thil inhlân dâm ân hlân si a.

1 CHANCHIN SUINA 16:1

Chun, Pathien bâwm chu an hung lâk lût a, Davidin a lo siem puon in lailung laitaka chun an inṭhut ta a; chun, Pathien hmaah pumrawhmang thilinhlânhai le inremna thilinhlânhai an inhlân ta a.

FESUOKNA 29:22

Berâmchal thâu khawm chu a ngûm le a sûngbawtu thâuhai leh, a thin chunga a duorda leh, a kal pahni le a tuomtu thâuhai leh, a dâr changtieng leh la bawk i tih (inhlânna berâmchal a ni leiin).

THUVARHAI 23:26

Ka naupa, i lungril mi pe ta, Chun, ka lampuihaia chun i mithai khawm chu fu bawk raw se.

ISAI 53:10

Nisienlakhawm, Lalpain ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, Lalpa dit zâwng chu a kuta hlawtlingin um a tih.

LEVI DÂN 17:5

Chu chu Israel thlahaiin hmun uolaua inthâwina an ithathai an hung chawi theina dingin, Lalpa kuom ngeiah, intuokna puon in kawtkhâr bulah thiempu kuoma an hung chawi theina dingin le, Lalpa kuoma inremna thilinhlâna an inhlân theina dingin a ni a;

LEVI DÂN 7:3

A thâu po po chu inhlân an ta; a mei thâu tak dâm, a sûng thâu dâm,

LEVI DÂN 8:25

A thâu dâm, a mei thâu tak dâm, a rîlbâwtu po po dâm chu, a thin tuomtu duorda le a kal pahni le a thâu dâm leh, a mal changtieng a lâk a.

LEVI DÂN 9:19

Bâwngchal thâu le berâmchal thâu dam, a mei thâu tak dâm, a rîlbâwtu dâm, a kal dâm, a thin tuomtu duorda dâm chu an pêk bawk a.

NAMBAR 7:88

inremna inthâwi thilinhlâna dingin bâwngchal sâwmhni pali, berâmchal sâwmruk, kêlchal sâwmruk le berâmte a chal kum khat mi chu sâwmruk a nih. Hi hi hriek nâl hnunga maichâm inhlânna thilinhlânhai a nih.

1 SAMUEL 10:8

Chun, ka fe hma hin Gilgala chun lo zu fe la, chun, ngai ta, kei khawm pumrawhmang thilinhlânhai le inremna inthâwinahai inhlân dingin i kuomah hung thlâng ka ta; i kuoma ka hung a, i thaw ding ka hung hril hma che chun ni sari i lo um ding a nih,” a ta.