LEVI DÂN 26:9 - Pathien Lekhabu Inthieng (BSI)

⁹ Ditsak ka ti cheu a, in kuomah ka thuthlung sukdet ka tih.

LEVI DÂN 26:9 Iomraidhean Croise

INṬANNA 1:28

Chun, Pathienin anni chu mal a sâwm a, Pathien ma chun an kuomah, “Chi tamtak thlain hung pung unla, hnuoi hi hluo sip unla, in thu thuin inumtir ro; tuipuia nga chunga dâm, chunglêng vate chunga dâm, thilhring hnuoi chunga bawkinvâka lâwn po po chunga dâm thu nei bawk ro,” a ta.

INṬANNA 17:20

Ismael chungthu khawm hi ka ngaipêk che a nih: ngai ta, ama chu mal ka sâwm ta a, chi tamtak inthlatir ka ta, nasatakin sukpung bawk ka tih; ama chun lal sâwmpahni thlâng a ta, ama chu chi ropuitakah la siem ka tih.

INṬANNA 22:17

mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

INṬANNA 28:14

i thlahai chu hnuoia pilvut zâtin la um an ta, thlangtieng dâm, saktieng dâm, hmârtieng dâm, simtieng dâm indar lien i ta, nangma le i thlahaia chun khawvêla hnam tin la thawveng an tih.

INṬANNA 28:3

Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

INṬANNA 48:4

‘Chi tamtak inthlatir ka ti che a, sukpung bawk ka ti che a, chi tum tum um khâwmah siem ka ti che; chun, hi ram hi i hnunga i thlahai kuoma chun kumkhaw ro dingin pêng ka tih,’ a mi ti a.

INṬANNA 6:18

Amiruokchu, ka thuthlung chu i kuomah sukdet lem ka tih, lawnga chun i lût ding a nih, nang lût i ta, i naupasalhai leh, i nuhmei leh, i nauhai nuhmeihai khawm i kuomah an lût ve ding a nih.

1 LALHAI 3:8

I siehlaw hi i mihai i thlanghai, mi tamtak, an tam leia tiem sêng ruollo le, a zât hriet sêng ruol lohai lai hin a um a na.

2 LALHAI 13:23

Nisienlakhawm, Lalpain Abraham kuoma dâm, Isaak kuoma dâm, Jakob kuoma dâm khan thu a thlung leiin anni chu a lunginsiet a, a lainat a, a ngaisak a, anni chu a sukbohmang nuom naw a, a kuoma inthawk chun a la pei thlâk nuom ta naw rawp a.

NEHEMIA 2:20

Chun, anni chu ka dawn a, an kuomah, “Vân Pathien chun mi suktluongtlung a ta; chuongchun, keini a siehlawhai chu tho kan ta, inngîr kan tih; nangni ruok chun Jerusalema hin chanvo amanih, thuneina amanih, hnûhma amani khawm in nei naw hrim hrim a nih,” ka ti a.

NEHEMIA 9:23

An thlahai chu vâna arasi zâtin i sukpung bawk a; an hluo dinga an pi le puhai kuoma i lo hril tah rama chun i ṭhuoi lût ta a.

INPÂKNA HLABU 107:38

Anni chu mal a sâwm hlak a, nasataka sukpungin an um a, An ranhai chu a kiem a phal ngai naw a,

INPÂKNA HLABU 89:3

Nang chun i hril ta si a; Ka mi thlang kuoma chun thu ka thlung a, Ka siehlaw David kuoma chun ṭawng kân khâm ta a,

FESUOKNA 1:7

Nisienlakhawm, Israel mipuihai chu an hung sûngruol a, tamtaka hung inbelsain an hung pung a, nasataka thilthawtheiin an hung um a; ram chu anni hluo sipin a um ta a.

FESUOKNA 2:25

Chun, Israel mihai chu Pathien chun a hmu a, anni chu a hriet zing bawk a.

FESUOKNA 6:4

Khuolchâm anga an umna ram, Kanaan ram chu anni pe dingin an kuomah thuthlung ka siem bawk a.

ISAI 55:3

In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

JEREMIA 23:3

Ka berâm ruol laia hlâbîkhai chu, ram anni ka hnawt hmangna po poa inthawk chun hung ṭhuoi khâwm ka ta, an huonhaia chun hung ṭhuoi nâwk ka tih; chun, hung pung an ta, hung rahlâwk an tih.

JEREMIA 23:4

Anni châwmtu ding berâmpu an chunga chun sieng ka ta; ṭit khawm ṭi ta naw ni hai a, beidawng ngai ta bawk naw ni hai a, tlâksam hrim khawm um ta naw ni, Lalpa chun a tih.

JEREMIA 33:3

Kei mi hung ko la, lo dawn ka ti che a, thil ropui le inthup i hriet naw hai chu inentir ka ti che.

EZEKIEL 16:62

Chun, ka thuthlung chu nang leh sukdet ka tih, chun Lalpa ka nih ti mi hre tâng i tih.

EZEKIEL 36:9

Ngai ta u, kei chu in ta ding ka ni si a; in kuomah hung kîr ka ta, chun, inlet le chîng nîng in tih;

LEVI DÂN 26:15

ka thuruothai in dit naw a, in hringnain ka rorêlhai chu a theida a, ka thupêkhai po po zâwm lova ka thuthlung in bawsiet chun,

LUKA 1:72

Ei thlâtuhai kuoma a ngilneina suklang a lo tiem thu le, A thuthlung inthieng hre zing dingin,

DÂN PAHNINA 28:11

Chun, nangni pêk dinga in pi le puhai kuoma Lalpain a lo tiem rama chun in rîla rahai, in ran ruol punghai, in hnuoi rahaia dâm, Lalpain nasatakin sukpung a ti cheu.

DÂN PAHNINA 28:4

In rîla rahai, in hnuoi rahai, in ran ruol pung, in bâwngpui le berâm ruol pung dâm chu malsâwmin um a tih.

DÂN PAHNINA 7:13

hmangai a ti cheu a, malsâwm a ti cheu a, sukpung a ti cheu a, pêk dinga in pi le puhai kuoma ân khâmna rama chun in rîla ra le in hnuoi ra khawm malsâwm bawk a tih, in bu dâm, in uoin dâm, in hriek dâm, in bâwngtehai le in berâmtehai khawm.

HEBRAIHAI 8:9

An thlatuhai Aigupta rama ṭhuoi suok dinga, An kuta ka chel nia, Ka thuthlung ang kha ni lovin; Ka thuthlunga chun an um zing si naw a, Chuongchun, anni chu ka ngaisak ta naw a nih, Lalpain a tih.