LEVI DÂN 2:4 - Pathien Lekhabu Inthieng (BSI)

⁴ “Fâkmi thilinhlân, a urnaa ur thilinhlân în hlân chun beiphit indîtak, hrieka hmet chawl ṭhanglo amanih, hrieka nâl chawl ṭhanglo beiphêk inphân amanih a ni ding a nih.

LEVI DÂN 2:4 Iomraidhean Croise

INPÂKNA HLABU 22:14

Tui anga bunthlâkin ka um a, Ka ru po po khawm inpelsawlin a um a, Ka lungril hi khuoihlu ang a na; ka rîl lai hin ân tui zo tah.

FESUOKNA 12:8

Chu zân chun a sa chu meia rawin, chawl ṭhanglo bei leh fâng an ta; hlohna kha leh fâng an tih.

FESUOKNA 16:31

Chun, Israel sûnghai chun, chu hminga chun Manna an inbûk a; koriendar chi anga vâr, ân hnikzie chu bei inphân khuoizu le siem ang hi a nih.

FESUOKNA 29:2

bei, chawl ṭhanglo le beiphêk chawl ṭhanglo hriek pawl le, beiinphân chawl ṭhanglo hriek nâl leh, chuongchu bupui beiphit inditakin i siem ding a nih.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 61:1

Mi rimsihai kuoma chanchin ṭha hril dingin Lalpain hriek a mi nâl leiin, Lalpa Pathien thlarau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

EZEKIEL 46:20

Chun, ka kuoma chun, “Hi hi a nih thiempu haiin bawsietna thilinhlân chu an suongna ding le, suol thilinhlân an suongna ding hmun chu; bu thilinhlân khawm hitaka hin em bawk an tih; chuongchun, mipui chu inhlânthieng dingin biekbuk tuolzawl a puo lema chun an hung ṭhuoi suok ding a ni nawh,” a ta.

LEVI DÂN 1:11

Maichâm sîr hmârtieng pangah Lalpa hmaah that a ta, Aron naupasal thiempuhai chun maichâm chu a thisen chun an the huol ding a nih.

LEVI DÂN 10:12

Mosie chun Aron le a naupasal la dam hai, Eleazar le Ithamar kuoma chun, “Lalpa kuoma mei hmanga thilinhlâna mi, fâkmi thilinhlân lâk mahlahai chu la unla, maichâm bulah chawl ṭhang lovin fa ro, thil inthieng a ni si a.

LEVI DÂN 6:17

Chawl ṭhanga em ding a ni nawh. Mei hmanga ka thilinhlân an chanvo dinga ka thilpêk a nih; chu chu suol inthâwina le bawsiet inthâwina ang bawkin thil inthiengtak a nih.

LEVI DÂN 7:12

Lâwmthu hrilna dinga ân hlân chun, lâwmthu hril inthâwinaa chun hrieka hmet chawl ṭhanglo bei le, hrieka nâl chawl ṭhanglo beiphêk inphânhai le, hrieka hmet beiphit inditak inchie zawp ân hlân sa ding a nih.

NAMBAR 6:15

inremna thilinhlân dingin berâmchal demkailo pakhat, chawl ṭhanglo bei le beiphit inditak hrieka hmeta siem beihlawm le hrieka chûl beiphêk inphân bâwm khat, an fâkmi thilinhlân ding le dâwnmi thilinhlânhai leh an inhlân ding a nih.

MATTHAI 26:38

Chun, an kuomah, “Ka lungril a lungngai bêk bêk a; thina khawp rau a nih. Hitaka hin um unla mi vêngpui ro,” a ta.

JOHAN 12:27

“Tuhin ka lungril a lunginzîng, ieng am hril ka ta aw? ‘Pa, hi huna inthawk hin mi sanhim rawh,’ ka ti ding am a nih? Ti lo e, hi ding lei taka hi, hi huna hi hung ka nih,

JOHAN 3:34

Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng nawna kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim si a.

1 PETER 2:1

Chuongchun, suolna po po dâm, zâwrna po po dâm, vervêkna dâm, îtthîkna dâm, hrilsietna po po bânsan unla,

1 PETER 2:22

Ama chun thil hrim a suksuol naw a, a bauah zâwrna hrim a um bawk nawh.