LEVI DÂN 2:2 - Pathien Lekhabu Inthieng (BSI)

² chun, Aron naupasal thiempuhai kuomah fepui a ta; chutaka beiphit indîtak vei khat, hriek le beraw po po le chun la suok a ta; chun, thiempu chun hrietzingna dingin maichâma chun râwng a ta; chu chu Lalpa ta dinga lâwmtlâk riminhnik, mei hmanga thilinhlân a nih.

LEVI DÂN 2:2 Iomraidhean Croise

NEHEMIA 13:14

Aw ka Pathien, hi thua hin mi hre zing la, ka Pathien in le a rawngbâwlna dinga ka thil thaw ṭhathai chu thaihmang lul naw rawh.

NEHEMIA 13:22

Chun, Levi mihai chu inthien faia, châwlni sukthiengna dinga kul kawtkhâr hung vêng dingin thu ka pêk a. Aw ka Pathien, hi thua khawm hin mi hre zing la, i lunginsietna nasatzie ang peiin mi hla rawh.

FESUOKNA 30:16

Israel mihai kuoma inthawkin intlanna sum chu lâng i ta, intuokna puon in rawngbâwlna dingin hmang i tih; in hringna ta dinga intlanna siem dinga Lalpa hmaa Israel mihai ta dinga hrietzingna a ni theina dingin,” tiin.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

LEVI DÂN 1:13

a sûnghai le a kehai ruok chu tuiin sâwp a ta, a pumin thiempu chun inhlân a ta, maichâma chun a raw ding a nih; Lalpa ta dinga riminhniktak, mei hmanga pumrawhmang thilinhlân a nih.

LEVI DÂN 1:17

A thla le a thla inkârah thlêr a ta, a puma thlêr suok ruok chu ni lovin; chun, thiempu chun maichâmah, mei chunga thinga chun a raw ding a nih; chu chu Lalpa ta dinga riminhniktak, mei hmanga thilinhlân, pumrawhmang thilinhlân a nih.

LEVI DÂN 1:9

a sûnghai le a kehai ruok chu tuiin sâwp an ta; thiempu chun Lalpa ta dinga rim inhniktak, mei hmanga thilinhlân pumrawhmang thilinhlân dingin a pum chun maichâma chun a raw ding a nih.

LEVI DÂN 2:16

Thiempu chun, bu sukphita hrietzingna chanpuol le hriek a ṭhen le beraw po po le chun a râw ding a nih; chu chu Lalpa ta dinga mei hmanga thilinhlân a nih.

LEVI DÂN 2:9

Chun, thiempu chun fâkmi thilinhlâna inthawkin hrietzingna chanpuol chu la suok a ta, maichâma chun rawng a tih. Chu chu Lalpa ta dinga riminhniktak, mei hmanga thilinhlân a nih.

LEVI DÂN 24:7

A tlar hnia chun beraw hlîr hlak i sie ve ve ding a nih, chu chu bei le chun hrietzingna, Lalpa kuoma mei hmanga thilinhlân ang a hung ni theina dingin.

LEVI DÂN 4:31

Chun, a thâu po po chu intlanna thilinhlân thâu an lâk angin la vawng a ta; chun, thiempu chun Lalpa ta dinga rim inhnik ni dingin maichâma chun a râw ding a nih; chun, thiempu chun intlanna chu siempêk a ta, ngaidam nîng a tih.

LEVI DÂN 5:11

Amiruokchu, a neiin vaṭhu pahni amanih, pârva te pahni amani khawm a tlin naw chun, a suol mana dingin a thilinhlânah suol inthâwina beiphit indîtak epha hmun sâwma ṭhea hmun khat hung chawi a ta; hriek a nâl ding a ni naw a, a chungah berâw khawm a sie ding a ni nawh, suol inthâwina a ni leiin.

LEVI DÂN 5:12

Thiempu kuoma chun hung chawi a ta, thiempu chun hrietzingna puola dingin a vei khat lâng a ta, maichâm chungah Lalpa kuoma mei hmanga thilinhlân angin a râw ding a nih; chu chu suol inthâwina a nih.

LEVI DÂN 6:15

Ama chun fâkmi thilinhlâna mi beiphit inditak vei khat le, chu fâkmi thilinhlân chunga hriek le berâw po po la suok a ta, Lalpa ta dinga rim inhnik, hrietzingna dingin maichâma chun a râw ding a nih.

NAMBAR 5:18

Thiempu chun nuhmei chu Lalpa hmaah inngirtir a ta, a sam inthlatir a ta, hrietzingna fâkmi thilinhlân, thîk inthâwina thilinhlân chu a kutah inchawitir a ta; thiempu chun ṭawngsie intlungtirtu khâkna tui chu chawi a tih.

NAMBAR 5:26

thiempu chun fâkmi thilinhlân hrietzingna ding chu vei khat lâng a ta, maichâma chun râwng a ta, chu zo chun tui chu nuhmei chu ân dâwntir ding a nih.

THILTHAWHAI 10:4

Chun, Korneli chun ama chu a lo en zing a, a ṭi a, “Lalpa, ieng am a na?” a ta. Chun, ama chun a kuomah, “I ṭawngṭainahai le i thil pêk thuhai kha hriet zing dingin Pathien hmaah a hang tlung tah.