LEVI DÂN 10:3 - Pathien Lekhabu Inthieng (BSI)

³ Chuongchun, Mosie chun Aron kuomah, “Hi hi a nih Lalpain, ‘A mi hnaituhaia chun inthiengin inlang ka ta, mipui po po hmaa chun chawimawiin um ka tih,’ tia a hril kha,” a ti a. Aron chu a to zing a.

LEVI DÂN 10:3 Iomraidhean Croise

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si naw a; nang êm chun i thaw âwm êm si naw a: hnuoi chung po po Rorêltu chun feltakin a thaw naw ding am a nih?” a ta.

JOB LEKHABU (THE BOOK OF JOB) 2:10

Nisienlakhawm, ama chun a kuomah, “Nuhmei invêt thuhril angin thu i hril a nih. Pathien kuta inthawka thil ṭha ei hmu chun, thil ṭha naw khawm ei hmu naw ding am a nih?” a ta. Hieng thilhai po poa khawm hin Job chun a hmûrhai khawmin thil a suksuol naw a.

INPÂKNA HLABU 119:120

Ka tisa hi nangma ṭîin ân thin a, I rorêlnahai chu ka ṭî bawk a.

INPÂKNA HLABU 148:14

A mihai ki chu a chawimawi bawk a, A mi inthieng po po inpâkna chu: Israel nau, ama hnaituhai inpâkna chu. Lalpa chu inpâk ro.

INPÂKNA HLABU 39:10

I mi vuokna hi ka kuoma inthawkin mi la hmangpêk la, I kutthlâka sukbohmang ka ni hi.

INPÂKNA HLABU 39:9

Nangma thaw a ni leiin, Ka ṭawng naw a, ka bau ka ka bawk nawh.

INPÂKNA HLABU 46:10

To unla, Pathien ka nih ti hi hre ro, Hnam tin lai chawimawiin um ka ta, hnuoia hin chawimawiin um ka tih.

INPÂKNA HLABU 89:7

Mi inthienghai inrâwn khâwmnaa Pathien ṭiumtak, A kâwlvêla mi po po nêka ṭitak ding chu tu am a um leh?

INPÂKNA HLABU 93:5

I thuinhriettirhai chu ring a um êm êm a, Aw Lalpa, kumkhawtluongin, Inthiengna hi i in leh ân mawi a nih.

FESUOKNA 14:17

Chun, keiin Aigupta mihai lungril sukngar ka ta, an hnungah hung lût vêng an tih; chun, Pharao le a sipai ruol po po, a sakawr tawlailîr po po le, a sakawr chung chuong mihai chungah ropuina chang ka tih.

FESUOKNA 14:4

Chun, Pharao lungril chu sukngar ka ta, anni chu hung hnawtzui a tih; chun, Pharao le a sipaihai chungah ropuina chang ka tih: chun, Aigupta mihai chun Lalpa ka ni mi hre tâng an tih,’ tiin,” a ti a. Chuong ang tak chun an thaw ta a.

FESUOKNA 19:22

Chun, thiempuhai Lalpa hnaia hunghai khawm chu insukthieng raw hai se; chuong naw chun an chungah Lalpa lungninaw rawi a tih,” a ta.

FESUOKNA 19:24

Lalpa chun a kuomah, “Fe rawh, nang zu fe thla la, Aron ṭhuoiin hung i ta, nisienlakhawm, thiempuhai le mipui chu Lalpa kuoma hung dingin hung innêr thlengtir naw rawh, chuong naw chun an chungah Lalpa lungninaw rawi a tih,” a ti a.

FESUOKNA 30:30

Chun, Aron le a naupasalhai chu thiempu sina ka hmaa rawng an bâwl theina dingin nâl i ta, inhlân bawk i tih.

ISAI 39:8

Hezekia chun Isai kuomah, “Lalpa thu i hril hi a ṭha ie,” a ta. Ama ma chun, “Ka dam sûng hin remna le thutak a um ding a ni si a,” a ta.

ISAI 49:3

chun, ka kuomah, “Nang chu ka siehlaw i na; Israel, chawimawia ka umna ding chu i nih,” a ti a.

ISAI 52:11

Suok ro, suok ro, chutaka inthawk chun suok ro; thil inthieng naw hrim hrim tâwk naw ro; a sûnga inthawkin fe suok ro; Lalpa bûr le bêl chawituhai, inthiengtakin um ro.

EZEKIEL 20:41

Hnamhai laia inthawka ka hung ṭhuoi suok pha cheu a, sukdara in umna ramhaia inthawka ka kei khâwm pha cheu chun riminhnik angin lâwm tâng ka ti cheu a, hnamhai mithmua ngei chun nangni chu sukthieng tâng ka ti cheu.

EZEKIEL 28:22

hieng hin ti la, Lalpa Pathien chun hieng hin a tih: Ngai ta, aw Sidon, ka dodâl che a nih, I sûnga chun ka ropuina suklang ka tih: Chuongchun, Lalpa ka nih ti mi hre tâng an tih, Amaa ka rorêlnahai chu ka sukpuitling a, Ama ka sukthieng pha chun;

EZEKIEL 38:16

ka mi Israelhai chu hung do i ta, sûmpuiin ram a hung tuom ding ang elin; chun, ni nuhnungahai chun aw Gog, an mithmu ngeia nangmaa sukthienga ka um phaa hnam tamtakhai chun an mi hriet theina dingin, ka ram chu indodâl tir ka ti che.

EZEKIEL 40:46

Pindan a nghat dân hmar sawng hi thiempuhai, maichâmhai sin enkawlna kawltuhai ta ding chu a nih; chuonghai chu Zadok naupasalhai, chuonghai chu Levi naupasalhai laia ama rawng bâwl dinga Lalpa kuom hnaia hunghai chu an nih.

EZEKIEL 42:13

Chun, ama chun ka kuomah, “Hmârtienga pindanhai le simtienga pindanhai, hmun âwl hmaa umhai hi, pindan inthieng, thiempu Lalpa hnaituhaiin thil inthiengtakhai an fâkna ding a nih; chutaka chun thil inthiengtakhai chau chu sieng an tih, bu thilinhlân dâm, suol thilinhlân dâm, bawsietna thilinhlân dâm chu; chu hmun chu ân thieng si a.

LEVI DÂN 21:15

chuongchun, a chipui lai a thlahai chu a sukpawrche naw ding a nih; kei hi Lalpa ama sukthiengtu chu ka ni si a,’ ti rawh,” tiin.

LEVI DÂN 21:17

“Aron kuomah hril la, ‘I thlahai laia an suonlepârhai lai chena demkai taphawt chun, a Pathien fâk ding thilinhlân inhlân dingin hung hnai naw raw se.

LEVI DÂN 21:21

thiempu Aron thlahai laia mi tukhawm demkaina nei chu, Lalpa ta dinga mei hmanga thilinhlân inhlân dingin a hung hnai ding a ni nawh; demkaina nei a na, a Pathien fâk ding thilinhlân chu inhlân dingin a hung hnai ding a ni nawh.

LEVI DÂN 21:6

An Pathien ta dingin mi inthieng nîng an ta, an Pathien hming an suksiet ding a ni bawk nawh; Lalpa kuoma mei hmanga thilinhlânhai le fâk ding dâm an inhlân hlak leiin; an inthieng ding a nih.

LEVI DÂN 21:8

Ama chu în hlân thieng ding a na, i Pathien ta dinga fâkmi thilinhlân chu ân hlân hlak si a. I ta dinga mi inthieng a ni ding a nih. Kei Lalpa a sukthiengtu cheu hi kân thieng si a.

LEVI DÂN 22:9

Chuleiin, ka thupêk chu an pawm ding a nih, chuong naw chun suol maw chu phurin, anni insukpawrchein thi pal rawi an tih: Kei hi Lalpa anni sukthiengtu chu ka nih.

LEVI DÂN 8:35

Intuokna puon in kawtkhâr bula chun ni sari, sûn le zân um zing in ta, in thi nawna dingin Lalpa thupêk chu in zâwm ding a nih, chuong anga thu pêk chu ka nih,” a ta.

NAMBAR 16:5

Kora le a pâwlhai po po kuoma chun, “Zingah zîngkâr Lalpain a tahai le ân thienghai chu suklangin ama va hnai dingin hung tîng a ta, a thlanghai ngei chu ama va hnai dingin tîng a tih.

NAMBAR 20:12

Chun, Lalpain Mosie le Aron kuomah, “In mi ring naw a, Israel mipuihai mithmua in mi chawimawi naw leiin, hieng pungkhâwmhai hi ka pêk rama chun ṭhuoi naw ti niu.

MATTHAI 10:37

“Tukhawm a nu amanih, a pa amanih keia nêka hmangai lem chu ka mi ni tlâk a ni nawh; tukhawm naupa amanih, naunu amanih keia nêka hmangai lem chu ka mi ni tlâk a ni nawh.

JOHAN 12:28

Pa, i hming inchawimawi rawh,” a ta. Chuongchun, vâna inthawkin râwl a hung suok a, “Ka chawimawi tah, chawimawi nâwk bawk ka tih,” a ta.

JOHAN 14:13

Chun, keia hminga iengkhawm in hni taphawt chu, thaw pei ka tih, Pa, Naupa leia chawimawia a um theina dingin.

DÂN PAHNINA 32:51

Zin thlalêra Kades-a Meriba tuia Israel mihai laia ka chunga in suol lei le Israel mihai laia in mi chawimawi naw lei khan.

2 THESSALONIKA 1:10

chu ni, a mi inthienghaia chun chawimawia um ding le, ringtuhai po poa chun (kan thu inhriettir cheu kha in awi si a) makti dinga a hung nia chun.

1 PETER 4:17

Rorêlna chu Pathien sûnghaia hin ṭan a hun ta si a; chun, einia hman a phut hmasa chun Pathien Chanchin Ṭha thu zâwm nawhai tâwpna chu ieng tin tak am nîng a ta?

1 SAMUEL 2:30

Chuleiin, Lalpa Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin Lalpa chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni si a.

1 SAMUEL 3:18

Chun, Samuel chu a hung a, iengkim el chu a hril fai vawng a, a kuoma chun iengkhawm ip a nei naw a. Chun, ama chun, “Lalpa a nih annâwm, ṭha a ti ang peiin thaw raw se,” a ta.

1 SAMUEL 6:20

Beth-semes khuoa mihai chun, “Hi Pathien inthieng Lalpa hmaa hin tu am ngîr thei a ta, ei kuoma inthawk hi khâwlai am fe suok tâng a ta?” an ta.