JOSUA 9:18 - Pathien Lekhabu Inthieng (BSI)

¹⁸ Pungkhâwmhai mi lienhai chun Lalpa Israelhai Pathien sâla ṭawng an lo inkhâm ta leiin, Israelhai chun anni an tâwk naw a. Chuongchun, pungkhâwmhai po po chu mi lienhai chunga chun an chier a.

JOSUA 9:18 Iomraidhean Croise

2 SAMUEL 21:7

Nisienlakhawm, lal chun Lalpa kuomah David le Saula naupa Jonathan kâra, an pahni inkâra ṭawng inkhâmna leiin Saula naupa Jonathan naupa Mephiboseth chu a hum a.

INPÂKNA HLABU 15:4

Hnâwla umhai chu hmusit a, Lalpa ṭituhai ruok chu chawimawi hlak a, Mâni ta dinga pawi ding khawm inkhâma tiem ta chu sukdanglam ngailo;

THUHRILTU 5:2

I bauin ti rawk rawk naw la, Pathien hmaa thil iengkhawm hril dingin inhmaw naw rawh; Pathien chu vânah a um a, nang chu hnuoia um i ni si a; chuleiin, i thu chu suktlâwm rawh.

THUHRILTU 5:6

I bauin suolna tieng a ṭhuoilût ding che phal naw la; Pathien mitirhai hmaa chun 'intiem suolpal a ni kha' ti bawk naw rawh; iengleiin am i ṭawngbauah Pathien chu lunginsenin, i kut sinthawhai chu a sukbohmang el a ta?

THUHRILTU 9:2

Thil po po chu mi po po chungah angkhatin a hung tlung vawng a; mi fel le mi rilo chunga thil tlung khawm thuhmun a nih, mi ṭha le mi suol, mi inthieng le mi inthieng naw chunga khawm; inthâwi hlak le inthâwi ngailo mi chunga khawm; mi ṭha chunga ang bawkin mi suol chunga khawm a nih, inkhâmtu chunga ang bawkin inkhâmna ṭitu chunga khawm chun.

NAMBAR 30:3

Nuhmei khawmin a nunghâk laia a pa ina a um laiin Lalpa kuomah thu ân tiemkam a, a thutiema ân khuokhir a,

DÂN PAHNINA 23:22

Thutiem kawnga in insûm chun suol ni naw nih.

DÂN PAHNINA 23:23

In baua suok ta chu in thaw ngei ding a nih; nuomthua thilinhlân in baua in tiem Lalpa in Pathien kuoma in tiem ang peiin.

DÂN PAHNINA 23:24

“In tuolbâwmhai grêp huona in fein in dittâwkin in fâk thei a; amiruokchu, in paikâwngah in khum ding a ni nawh.

JOSUA 9:17

Chun, Israelhai chu an fe pei a, ni thum ni chun an khawpuihai chu an va tlung a. An khawpuihai chu Gibeon dâm, Kephira dâm, Beeroth dâm, Kiriath-Jearim dâm an nih.

JOSUA 9:19

Nisienlakhawm, mi lienhai po po chun pungkhâwmhai po po kuoma chun, “Lalpa Israelhai Pathien sâlin an kuomah ṭawng kan lo inkhâm ta si a; chuleiin, anni chu tuhin ei tâwk a thieng naw a nih.