JOSUA 9:14 - Pathien Lekhabu Inthieng (BSI)

¹⁴ Israel mihai chun an fâk ding hung chawi chu an lâk a, Lalpa bâua thurâwn hrim an indawn naw a.

JOSUA 9:14 Iomraidhean Croise

2 SAMUEL 2:1

Chun, chu hnunga chun David chun, “Juda ram khâwlai amaniah ka hang fe ding?” tiin Lalpa a râwn a. Chun, Lalpa chun a kuomah, “Hang fe raw khai,” a ta. David chun, “Khâwlai am ka hang fe ding?” a ta. Chun, ama chun, “Hebronah,” a ta.

2 SAMUEL 5:19

Chun, David chun, “Philistin mihai thaw dingin kan hang fe ding am a nih? ka kuta hin anni chu pêng i ti?” tiin Lalpa a râwn a. Lalpa chun David kuoma chun, “Hang fe rawh, Philistin mihai chu i kutah ka pêk ngei ngei ding a nih,” a ta.

EZRA 8:21

Chun, kan thuomhnawhai po po le kan nau-le-têhai le keini ta dinga lampui tluong mi zawngpêk dinga, kan Pathien hmaa chun kan insukhnuoi theina dingin, Ahava vadunga chun bunghei ka rawt ta a.

FESUOKNA 28:30

Rorêlna âwmbela chun Urim le Thummim inbûk i ta, Lalpa hmaha a fe laiin Aron lung chung taka chun an um ding a nih; chuongchun, Aron chun Israel thlahai rorêlpêkna chu Lalpa hmaah a lung chunga chun a phur zing zing ding a nih.

NAMBAR 27:21

Chuongchun, ama chu thiempu Eleazar hmaa chun ngîr a ta, ama chun Lalpa hmaah Urimin thu la pêk a ta, a thuin suok an ta, a thuin lût an ta, ama le Israel mi po pohai, pungkhâwmhai po po leh,” a ta.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro lova pe hlaktu Pathien chu hni raw se; chuongchun, a kuomah pêk nîng a tih.

JOSUA 9:13

Hieng uoin peng kan thunnahai khawm hi a thar an na, en hman ta u, an inek vawng ta hi. Hieng kan puonhai le kan kekawkhai khawm hi kan hungna a hla khawp a, an hlui vawng ta hi,” an ta.

RORELTUHAI 1:1

Josua thi hnung chun Israel thlahaiin, “Keini ta dinga Kanaan mihai chu thawa do dingin tu am hang fe hmasa phawt a ta le?” tiin Lalpa chu an râwn a.

RORELTUHAI 20:18

Chun, Israel thlahai chu an tho a, Bethelah an hang fe a, Pathien an hang râwn a, “Benjamin mihai chu tu am a na hang thaw hmasa ding?” an ti a. Lalpa chun, “Judahai hang fe hmasa raw se,” a ti a.

RORELTUHAI 20:28

chun, chuong lai chun Aron naupa Eleazar naupa Phinehas chun a rawng a bâwl hlak a nih.) “Kan unau Benjamin mihai chu kan hang thaw nâwk ding am, kan tâwpsan el ta ding?” tiin. Lalpa chun, “Hang fe ro, zînga chu chu in kutah ka pêk ta ding a nih,” tiin a dawn a.

1 SAMUEL 22:10

Chun, ama chun Lalpa a rawnpêk a, fâk ding a pêk a; chun, Philistin mi Goliath kâwlhnâm a pêk bawk a,” a ta.