JOSUA 9:11 - Pathien Lekhabu Inthieng (BSI)

¹¹ Chun, kan upahai le kan rama chênghai po po chun kan kuomah, ‘Lampuia dingin fâk dinghai chawiin anni va be ro khai; chun, an kuomah, in siehlawhai kan ni hi, kan kuomah thu thlung ro khai ti unla,’ tiin an hril a.

JOSUA 9:11 Iomraidhean Croise

INṬANNA 43:12

Tangka khawm a lêt hniin chawi unla, in ip bau bula tangka a pêkkîr hai cheu khawm kha chawi kîr nâwk ro; a thaw pal a ni rawi mawh.

2 LALHAI 10:5

Chun, lal in sûnga hotu tak dâm, khawpui awptuhai dâm, upahai le naupanghai lo enkawltuhai chun Jehu kuoma chun, “I siehlawhai kan nih, thaw dinga i mi hril ang phawt chun thaw pei kan tih; tukhawm lalah siem naw ning ung ah, nangin ṭha i ti ang angin thaw el rawh,” tiin mi an tir a.

ESTHER 8:17

Chun, rambung tin le khaw tinah, lal thupêk a tlungna taphawta chun, Judahai chun lâwmna le hlimna an nei a, ni ṭha le ruoiṭhena dâm an nei ta bawk a. Chun, chu rama chi tamtakhai laia mi chu Juda an hung ni ve ta a; an chunga chun Juda mihai ṭitna chu a tlung ta si a.

LUKA 9:3

Chun, an kuomah, “Inzinnaa dingin hmawl amanih, mansa amanih, bei amanih, tangka amanih, iengkhawm chawi naw ro; zakuo khawm a kawpin chawi naw ro.

JOSUA 1:11

“Riebûk chu va fang unla, mipuihai kuoma chun, ‘Fâk dinghai buotsai ro khai, ni thum sûngin Lalpa in Pathienin ram hluo ding a pêk cheu hi hluo dingin Jordan vadung hi in kân ding a nih,’ tiin thu pe ro,” tiin.

JOSUA 9:10

Jordan vadung râla Amor mihai lal pahnihai Hesbon ram lal Sihon hai dâm, Basan ram lal Astaroth khuoa um Og hai dâm chunga a thilthaw po pohai kha kan hriet si a.

JOSUA 9:12

Hieng kan fâk dinga kan beihai hi in kuoma hung dinga kan hung suok niin kan ina inthawka a luma kan hung chawi an na, nisienlakhawm, tuhin chu en hman ta u, a ṭâwl ṭuk tah a, a ap bur ta hi.

JOSUA 9:8

Anni chun Josua kuoma chun, “I siehlawhai kan ni hi,” an ta. Josua chun an kuomah, “Tuhai am in ni leh? Khâwtienga inthawka hung am in ni leh?” a ti a.