JOSUA 8:4 - Pathien Lekhabu Inthieng (BSI)

⁴ Anni chu thu a pêk a, “Ngai ta u, khawpui hnungtienga chun khawpui chu thaw dingin inchânru unla, khawpuia inthawka hlatakah fe naw unla, inzosa zingin um phawt el ro.

JOSUA 8:4 Iomraidhean Croise

2 LALHAI 7:12

Chun, lal chu zâna chun a tho a, a upahai kuoma chun, “Suria mihai mi thaw dân hi hril ka ti cheu, Ei phîngṭâmzie hi an hriet a, chuleiin, ‘Khawpuia inthawka an hung suok chun a hringin lo man ei ta, khawsûnga chun lût el ei tih,’ tiin rama inbihmang dingin an riekhmun an suoksan a ni hi,” a ta.

2 CHANCHIN SUINA 13:13

Nisienlakhawm, Jeroboam chun an hnung tienga hung dingin lambun pâwl a siem a; chuongchun, Juda hmaa chun an um a, lambun pâwl chu an hnunga chun an um bawk a.

THUHRILTU 7:19

Varna chu mi var ta ding chun khawpuia rorêltu sâwm umhai nêk chun hrâtna a ni lem.

THUHRILTU 9:16

Chun, kei chun, “Hrâtna nêkin varna hi a ṭha lem a ni hi, mi pasetak varna chu hmusit niin, a thuhai chu ngaisak ni naw sien khawm,” ka ti a.

THILTHAWHAI 23:21

Nisienlakhawm, an thu lo awi naw rawh; anni laia mi sâwmli nêka tam lemin an inchân zing a, chuonghai chun ama an that hmakhat chu iengkhawm faa dâwn lo dingin an inkhâm a; tuhin i thu nghâkin inpei sa zingin an um a nih,” a ta.

JOSUA 8:16

Chun, khawpuia mi umhai po po chu anni hnawt dingin an ko khâwm a, chuongchun, Josua chu an hnawt a, khawpuia inthawk chun hla rei chu zâwr suokin an um ta a.

JOSUA 8:3

Chuongchun, Josua le râl kâp mi po po chu Ai khuo tienga hang fe ding chun an inthawk ta a; Josua chun mi hrât huoisen sîng thum a thlang suok a, zânah ân fetir a.

RORELTUHAI 20:29

Chun, Israelhai chun Gibea khuo vêla chun inchântu an insie rûk a.

RORELTUHAI 20:33

Chuongchun, Israelhai po po chun an ṭhanghmun chu an suoksan a, Baal-tamar hmunah ṭhanghmun an siem a; chun, lo inchânrutu Israelhai kha an ṭhanghmun Maare-geba hmuna inthawkin an hung suok a.

RORELTUHAI 20:36

Chuongchun, Benjamin mihai chun an tlâwm an tah ti an inhriet ta a, Israel thlahai chun Gibea khuo thaw dinga arûka inchântuhai an sie kha an ringzo leiin Benjamin mihai an hang hnungintawl san a nih.

RORELTUHAI 9:25

Chun, Sekem mihai chun tlâng sîphaiah ama inchânrutuhai an sie a, chu lampuia fe taphawt chu an lo suom hlak a, chu thu chu Abimelek chu an hril a.

RORELTUHAI 9:32

Chuleiin, tuhin azân azânin i rawihai leh hung inthawk unla, phûlah lo inchân ro,

1 SAMUEL 15:2

‘Amalek mihai Israelhai chunga an thilthaw Aigupta rama inthawka an hung suok laia an lo dodâl dân dâm kha kân chik zing a.

1 SAMUEL 15:5

Chun, Saula chun Amalek mihai khuo chu a zu tlung a, ruoma chun a lo lambun a.